პროგრამის EU4Digital საინფორმაციო და საკომუნიკაციო ტექნოლოგიური ინოვაციების ქსელური ღონისძიებები ხელს უწყობს თემატური საზოგადოებების და ქსელების ჩამოყალიბებას აღმოსავლეთ პარტნიორობის რეგიონში. ღონისძიებები ამყარებს ორმხრივ და მრავალმხრივ კავშირებს აღმოსავლეთ პარტნიორობის და ევროკავშირის ორგანიზაციებს და დაინტერესებულ მხარეებს შორის, ხელს უწყობს ცოდნის გაღრმავებას ევროკავშირის შესაბამისი საუკეთესო პრაქტიკის შესახებ, და ამ პრაქტიკის გადაცემას აღმოსავლეთ პარტნიორობის ქვეყნებისთვის შემდგომი ერთობლივი აქტივობების და პროექტების საშუალებით. ამდენად, ეს ღონისძიებები განსაზღვრულია თემატიკით დაინტერესებული აუდიტორიისთვის, რომელიც აერთიანებს სამინისტროს დონის წარმომადგენლებს და სააგენტოებს, პოლიტიკის სფეროს შესაბამის ასოციაციებს და ქსელებს, საინფორმაციო და საკომუნიკაციო ტექნოლოგიების ინფრასტრუქტურულ ორგანიზაციებს, და საინფორმაციო და საკომუნიკაციო ტექნოლოგიური ინოვაციების ეკოსისტემის სხვა აქტორებს. პროგრამის EU4Digital I ფაზის (2019-2022) საინფორმაციო და საკომუნიკაციო ტექნოლოგიური ინოვაციების ქსელურმა ღონისძიებებმა წარმატებით დააკავშირა ერთმანეთთან აღმოსავლეთ პარტნიორობის რეგინის შემდეგი მონაწილე მხარეები და ორგანიზაციები: ევროპის კლასტერების თანამშრომლობის პლატფორმა (ECCP), ევროპის მეცენატი ინვესტორების ქსელი (EBAN), ევროპის მეცენატი ინვესტორები (BAE), ევროპის ბიზნესის და ინოვაციური ცენტრების ქსელი (EBN), ევროპის ქრაუდფანდინგის ქსელი (ECN), ევროკავშირის ინტელექტუალური საკუთრების ოფისი (EUIPO), ევროპის ინტელექტუალური საკუთრების მხარდაჭერის სამსახური, ციფრული ინოვაციის ჰაბების ქსელი (DIHNET), ინოვაციები სამრეწველო მცირე და საშუალო საწარმოებისთვის (I4MS), ციფრული მცირე და საშუალო საწარმოების ევროპული ალიანსი და ევროპის რეგიონის სტარტაპების ქსელი (SERN). II ფაზაში (2022-2025) უკვე დავაკავშირეთ ერთმანეთთან შემდეგი ორგანიზაციები: Women Go Tech, WEgate, მეცენატი ინვესტორი ქალები, WINGATE, Female Founders, ბლოკჩეინის სანდო აპლიკაციების საერთაშორისო ასოციაცია (INATBA) და ევროკავშირის ბლოკჩეინის ობსერვატორია და ფორუმი.