ეროვნული მარეგულირებელი ორგანოები წარმოადგენს ეროვნული კანონმდებლობის ფარგლებში მოქმედ უწყებებს, რომლებსაც ევალება მარეგულირებელი ფუნქციების შესრულება ელექტრონული კომუნიკაციების სფეროში. ეს სამთავრობო უწყებები უზრუნველყოფენ წონასწორობას ეფექტიანი კონკურენციის ხელშეწყობას, ინვესტირებას და მომხმარებლის ინტერესებს შორის ელექტრონული კომუნიკაციების ბაზრების, სერვისების და ქსელების განვითარების გათვალისწინებით. ამიტომ მარეგულირებლები უნდა იყვნენ იურიდიულად განცალკევებული და ფუნქციურად იზოლირებული ნებისმიერი სხვა უწყებისგან, რომელიც შესაძლოა მათზე გაუმართლებელ გავლენას ახდენდეს, რადგან დამოუკიდებლობა და მიუკერძოებელი გადაწყვეტილებების მიღება კარგად ფუნქციონირებადი და ყოვლისმომცველი მარეგულირებელი სტრუქტურის ძირითად ელემენტებს წარმოადგენს.