ელ-ვაჭრობა – ეს არის უქაღალდო ვაჭრობა სახელმწიფოებს შორის. ეს არის კომპლექსური  მიმართულება, რომელიც მოიცავს ქვეყნებს შორის საქონლის და სერვისების იმპორტ-ექსპორტის ციკლს, და ეხება ისეთ სფეროებს, როგორიცაა:

• საქონლის და სერვისების ონლაინ ყიდვა და გაყიდვა მსოფლიოს ნებისმიერი წერტილიდან;
• საქონლის და სერვისების ტრანსპორტირება საზღვრებს შორის, მათ შორის ელექტრონული (უქაღალდო) დოკუმენტების გაცვლა ბიზნესსა და მთავრობას შორის, და ამ საქონლის და სერვისების მყიდველისთვის მიწოდება.

ევროკავშირი არის ერთიანი ბაზარი, რომელიც იძლევა საქონლის, სერვისების და შესაბამისი ინფორმაციის თავისუფლად გაცვლის საშუალებას, რასაც მხარს უჭერს სტანდარტიზებული ტექნოლოგია და სტრუქტურები ევროკავშირის წევრ სახელმწიფოებს შორის. თუმცა აღმოსავლეთ პარტნიორობის ქვეყნებს შორის ელექტრონული ვაჭრობის პროცედურები ჰარმონიზებული არ არის – არც ამ ქვეყნებს შორის და არც ევროკავშირთან. მაგალითად, ელექტრონული ანგარიშ-ფაქტურები და კონტრაქტები რეგიონის ყველა ქვეყნის მიერ ერთნაირად აღიარებული არ არის. 

ევროკავშირი, მისი EU4Digital ინიციატივის საშუალებით, ხელს უწყობს ვაჭრობის ჰარმონიზაციას ევროკავშირს და აღმოსავლეთ პარტნიორობის ქვეყნებს შორის. გარდა ამისა, ის ხელს უწყობს ვაჭრობის ჰარმონიზაციას აღმოსავლეთ პარტნიორობის ქვეყნებს შორის.