Home / Stay Informed /
რას გულისხმობს პროგრამის EU4Digital ქსელური აქტივობა? როგორ უწყობს ის ხელს ელ-ვაჭრობას?
Date: 24/04/20
პროგრამის EU4Digital ელ-ვაჭრობის თემატური სფეროს ქსელური აქტივობები გულისხმობს კავშირების დამყარებას და ინფორმაციის გაცვლას ტენდენციებისა და საქმიანობის შესახებ. პროგრამას EU4Digital აქვს ელ-ვაჭრობის ბევრი აქტივობა და საპილოტე პროექტი, რომლებიც ქვეყნებს შორის თანამშრომლობას მოითხოვს. ამიტომ ინფორმაციის გაზიარება სასიცოცხლოდ მნიშვნელოვანია ცნობიერების ასამაღლებლად ელ-ვაჭრობის საკითხების შესახებ, რეფორმების განხორციელების სტიმულირებისათვის და საქმიანობის საერთაშორისო პარტნიორების საქმიანობასთან შესაბამისობაში მოსაყვანად.
საერთაშორისო ქსელური აქტივობა მოიცავს ონლაინ ღონისძიებებს, კერძოდ, ცნობიერების ამაღლების სესიებს, ვორქშოფებს და კონსულტაციებს. დაგეგმილია ასევე სასწავლო ვიზიტები – საპილოტე გადაწყვეტებზე დაკვირვების, მათი შემოწმების და განხილვის მიზნით, ან არსებული გადაწყვეტების და საუკეთესო პრაქტიკის შემოწმების მიზნით აღმოსავლეთ პარტნიორობის ქვეყნებს გარეთ. ჩატარდება ღონისძიებები კონტაქტების და ინფორმაციის გასაცვლელად ელ-ვაჭრობაში არსებული ტენდენციების შესახებ. ეს აქტივობები შეიძლება გათვლილი იყოს პოლიტიკის შემქმნელებზე, ციფრული სერვისების მომწოდებლებზე, სერვისის მომწოდებლებზე, კვლევის და განვითარების ცენტრებზე, აკადემიურ წრეებზე, საჯარო ადმინისტრაციაზე, სააგენტოებზე და ელ-ვაჭრობის სფეროს სხვა მონაწილე მხარეებზე. პროგრამის EU4Digital ელ-ვაჭრობის ქსელური აქტივობის ღონისძიებებია: ცნობიერების ამაღლების სესიები eFTI-ს რეგულირების განახლებების და ევროკავშირის წევრი სახელმწიფოების მომზადების საკითხებზე; ელ-კომერციის აქსელერატორის ცნობიერების ამაღლების სესია, რომელიც მოიცავს ევროკავშირის ელ-კომერციის განახლებებს და თანამშრომლობის შესაძლებლობებს ასოციაციასთან Ecommerce Europe; და ვიზიტი უკრაინის და რუმინეთის საზღვარზე ელ-კომერციის საპილოტე პროექტისთვის მზადების საკითხებზე.
- ელექტრონული ვაჭრობა