ჩვენ შეგვიძლია წარმოვიდგინოთ შემდეგი საუკეთესო (ფიქტიური) სცენარი პროგრამის EU4Digital საქმიანობის შედეგის სახით – ეს საქმიანობა გავლენას ახდენს ელ-ვაჭრობის მომავალზე აღმოსავლეთ პარტნიორობის რეგიონში: 

1. ანა კერამიკის მცირე მწარმოებელია ოდესაში (უკრაინა), რომელიც საკუთარ ბიზნესს აფართოებს. მან მონაწილეობა მიიღო პროგრამის EU4Digital ელ-კომერციის კონსულტაციებში მცირე და საშუალო ბიზნესისთვის, და ახლა წარმატებით ყიდის საკუთარ ხელნაკეთ ნაწარმს ციფრული კომერციის ძირითად გლობალურ ონლაინ ვებსაიტზე.
2. დანიელი ბუტიკის მფლობელია ავსტრიიდან, რომელმაც აღმოაჩინა ანას ნამუშევრები და სურს მათი გაყიდვა ინსბრუკში (ავსტრია). ყოველგვარი ქაღალდის დოკუმენტაციის გარეშე, მოხდა კონტრაქტებზე ხელმოწერა და ანგარიშფაქტურების გადახდა. ამ დოკუმენტების მართვა განხორციელდა სწრაფად და მარტივად კანონმდებლობის და ტექნიკური სტანდარტების ერთმანეთთან შესაბამისობის გამო.
3. როდესაც უკრაინაში პროდუქციას გასაგზავნად დატვირთავს, ანა ელექტრონულად წარადგენს ტრანსპორტირების საბაჟო მონაცემებს მანამ, სანამ პროდუქცია საზღვარს მიაღწევს. ეს საშუალებას აძლევს უკრაინის საბაჟო ორგანოებს წინასწარ განიხილონ დოკუმენტები და ჩაატარონ რისკის შეფასება.
4. ერთმანეთთან შესაბამისობაში მყოფი პროცესები და საკომუნიკაციო სისტემები უკრაინის საბაჟო ორგანოებს და სხვა სატრანზიტო და დანიშნულების ქვეყნებს თანამშრომლობას უმარტივებს.
5. მიუხედავად იმისა, რომ ტრანსპორტირება ხორციელდება რამდენიმე სატრანსპორტო მეთოდით (მაგ. რკინიგზა და საავტომობილო გზა), ლოგისტიკის კომპანიას არ ხვდება შეფერხებები და დარღვევები, რადგან მთელი სატრანსპორტო დოკუმენტაცია შეუფერხებლად ივსება და გადაეცემა ტვირთის ტრანსპორტირების შესახებ ელექტრონული ინფორმაციის (eFTI) სერთიფიცირებული პლატფორმების საშუალებით.
6. უკრაინის და ავსტრიის მცირე და საშუალო საწარმოებს შორის ახალი მძლავრი ბიზნეს-პარტნიორობა ჩამოყალიბდა.