ევროპის ქსელების და კომუნიკაციების კონფერენცია (EuCNC) არის ტელეკომუნიკაციების სფეროში ჩატარებული წარმატებული ტექნიკური კონფერენციების სერიიდან 29-ე, და მისი სპონსორები არიან ელექტროტექნიკისა და ელექტრონიკის ინჟინერთა ინსტიტუტის კომუნიკაციების საზოგადოება (IEEE ComSoc) და EURASIP, ხოლო ფინანსური მხარდამჭერი – ევროკომისია.

წლევანდელი კონფერენციის დევიზია “კავშირის რევოლუცია”. უკვე გამოცხადდა  წარსადგენი მოხსენებების, პოსტერების, ვორქშოფების და საგამოფენო მასალების მიღება.

კონფერენციის მიზანია ერთმანეთს შეახვედროს მთელი მსოფლიოს მეცნიერები საკუთარი უახლესი კვლევების შედეგების წარსადგენად; კონფერენცია არის ერთ-ერთი უმთავრესი ადგილი სამეცნიერო-კვლევითი პროექტების შედეგების წარდგენის, დემონსტრირების და შეფასებისთვის, რაც  განსაკუთრებით ევროპულ კვლევისა და განვითარების პროგრამებს ეხება. 

ღონისძიება ჩატარდება ხორვატიის ქალაქ დუბროვნიკში 2020 წლის 15-18 ივნისს. ინფორმაცია სრულად ხელმისაწვდომია კონფერენციის ვებსაიტზე.

განახლებული ინფორმაციის მისაღებად  შეგიძილიათ ასევე ეწვიოთ კონფერენციის Twitter ან Facebook ანგარიშებს.

კონფერენცია მოიცავს:

• რეგულარულ სესიებს მოხსენებებით (რომლებიც წარდგენილი იქნება ელექტროტექნიკისა და ელექტრონიკის ინჟინერთა ინსტიტუტის ციფრულ ბიბლიოთეკაში (IEEE Xplore);
• ვორქშოფებს;
• სპეციალურ სესიებს;
• სასტენდო მოხსენებებს;
• პრაქტიკულ მეცადინეობებს;  
• პანელურ დისკუსიებს;
• საპროგრამო მოხსენებებს;
• დემონსტრაციებს და გამოფენებს;
• გამოფენის ავტორების საუბრებს ტექნიკურ საკითხებზე ყავის შესვენებების განმავლობაში.

საკონფერენციო მოხსენებები, ასევე წინადადებები ვოქშოფების, სპეციალური სესიების და პრაქტიკული მეცადინეობების ჩასატარებლად მიიღება 2020 წლის 7 თებერვლამდე.