სამედიცინო, საგანმანათლებლო, ფინანსური, ბიზნესის და სამთავრობო სერვისების ონლაინ მიწოდების ზრდასთან ერთად, ციფრული კავშირი სულ უფრო მნიშვნელოვანი ხდება ყოველდღიურ ცხოვრებაში. აღმოსავლეთ პარტნიორობის რეგიონში ციფრული დაკავშირებადობის გაუმჯობესებაზე მუშაობის პროცესში, პროგრამა EU4Digital 2019 წლიდან მჭიდროდ თანამშრომლობს აღმოსავლეთ პარტნიორობის ქვეყნებთან სომხეთთან, აზერბაიჯანთან, საქართველოსთან, მოლდოვასა და უკრაინასთან. ამ თანამშრომლობით ისინი ხელს უწყობენ მაღალსიჩქარიან, დაცულ და მდგრად ციფრულ დაკავშირებადობას ხელმისაწვდომ ფასად მოქალაქეებისა და ბიზნესისთვის. რა იქნა მიღწეული და როგორ უწყობს ხელს ეს მიღწევები აღმოსავლეთ პარტნიორობის რეგიონის ციფრული ტრანსფორმაციის უფრო ფართო პოლიტიკურ მიზნებს?

ადამიანზე ორიენტირებული საჭიროებები და უპირატესობები მხედველობაში უნდა იქნას მიღებული, რადგან ჩვენი მიზანია მდგრადი ციფრული ტრანსფორმაცია - ასე შეთანხმდნენ მონაწილეები პროგრამის EU4Digital ციფრულ კონფერენციაზე აღმოსავლეთ პარტნიორობისთვის, რომელიც 2023 წლის 14 ნოემბერს ჩატარდა. ღონისძიების თემამ „ციფრული სტრატეგიული ავტონომია: ციფრული ტექნოლოგიების ეფექტური გამოყენება საზოგადოებებისა და ეკონომიკის გაძლიერების მიზნით“, შექმნა შესაძლებლობა იმის გამოსაკვლევად, თუ როგორ შეუძლია ციფრულ დაკავშირებადობას და ხელოვნური ინტელექტის მსგავს მიღწევებს გამოავლინოს ინოვაციები მდგრადი მთავრობის, ეკონომიკისა და საზოგადოების მიმართულებით მუშაობის პროცესში.

ციფრული სფერო ყოველდღიურობის უმნიშვნელოვანეს ნაწილად იქცა აღმოსავლეთ პარტნიორობის რეგიონში (EaP). ამიტომ კოორდინირებულ მიდგომას სტრატეგიული დაგეგმვის მიმართ, პოლიტიკის და კანონმდებლობის შესაბამისობაში მოყვანას და ინვესტიციებს დღეისათვის გადამწყვეტი მნიშვნელობა აქვს. ეს იყო ძირითადი ინფორმაცია პროგრამის EU4Digital საკოორდინაციო კომიტეტის მე-5 ყოველწლიური შეხვედრიდან, რომელიც 2023 წლის 15 ნოემბერს ონლაინ ჩატარდა.

პროგრამის EU4Digital საქმიანობას აღმოსავლეთ პარტნიორობის რეგიონის ქვეყნების - სომხეთის, აზერბაიჯანის, მოლდოვის რესპუბლიკის, საქართველოსა და უკრაინის საჭიროებები განაპირობებს. ეს აქტივობები მიმდინარეობს მჭიდრო თანამშრომლობით ორმხრივ აქტივობასთან, რომლის მენეჯმენტს ევროკავშირის წარმომადგენლობები ევროკავშირისა და აღმოსავლეთ პარტნიორობის ერთობლივი დღის წესრიგის ფარგლებში ახორციელებენ. შედეგების მაქსიმალურად გაუმჯობესების მიზნით, პროგრამამ EU4Digital მისი განხორციელების მიმდინარე, მეორე ფაზაში უმასპინძლა სამუშაო შეხვედრას ევროკავშირის და აღმოსავლეთ პარტნიორი ქვეყნების ძირითად დაინტერესებულ მხარეებს შორის. შეხვედრა 2023 წლის 18 ოქტომბერს ბრიუსელში ჩატარდა. შეხვედრის მონაწილეებს ჰქონდათ საშუალება განეხილათ პროექტის შედეგები, გამოთქვათ საკუთარი მოსაზრებები მის შესახებ და გან ეხილათ, თუ როგორ უნდა დაჩქარდეს პროგრამის EU4Digital საქმიანობის დანერგვა ეროვნულ დონეზე.

იმ ინსტიტუტების წარმომადგენლები, რომლებიც კრებენ ციფრული ეკონომიკისა და საზოგადოების ინდექსთან (DESI) დაკავშირებულ ინდიკატორებს აღმოსავლეთ პარტნიორობის ქვეყნებში, მიწვეულები არიან მონაწილეობის მისაღებად პროგრამის EU4Digital ონლაინ ღონისძიებაში, რომელიც 2023 წლის 24 ნოემბერს ჩატარდება. ღონისძიებაზე პროგრამის EU4Digital ციფრული უნარების თემატური სფეროს ექსპერტები წარმოადგენენ DESI-ს განხორციელების ანალიზს, განიხილავენ რეგიონულ და ეროვნულ რეკომენდაციებს DESI-ს სრული გაზომვის დანერგვის საკითხზე, და იმსჯელებენ პროგრამის EU4Digital DESI-აქსელერატორის საქმიანობის ხედვასა და მნიშვნელოვან ეტაპებზე.

კონკრეტული შემდგომი ნაბიჯები აღმოსავლეთ პარტნიორობის რეგიონში ფართოზოლოვანი ქსელის განვითარებასთან დაკავშირებით შეთანხმებული იქნა დამოუკიდებელ მარეგულირებელთა და ფართოზოლოვანი გადაცემის ექსპერტთა სამუშაო ჯგუფის (IRB EWG) შეხვედრაზე, რომელიც 2023 წლის 25-26 ოქტომბერს სომხეთის დედაქალაქ ერევანში ჩატარდა. შეხვედრის ძირითადი თემები იყო ფართოზოლოვან ქსელზე წვდომის საბითუმო ბაზრის ანალიზი და ფართოზოლოვან ქსელზე წვდომის მონიტორინგი.

პროგრამამ EU4Digital გამოაქვეყნა ანგარიში ევროკავშირის საუკეთესო პრაქტიკის შესახებ კონკურენტუნარიანი ფართოზოლოვანი ქსელის მხარდაჭერის საკითხებზე. ანგარიში აანალიზებს ევროკავშირის ხუთი წევრი ქვეყნის მაგალითებს, და აზიარებს გამოცდილებას, რომელიც აღმოსავლეთ პარტნიორობის ქვეყნებმა შესაძლოა ფართოზოლოვანი ბაზრის განვითარების მონიტორინგისა და ფართოზოლოვანი პოლიტიკის განხორციელების პროცესში გამოიყენონ. ეს საქმიანობა საშუალებას მისცემს პროგრამას EU4Digital და აღმოსავლეთ პარტნიორობის ქვეყნებს გააცნობიერონ ციფრული კავშირის მიზნები, რომლებიც მხარს უჭერს ევროკავშირის ძირითად პოლიტიკას სატელეკომუნიკაციო კავშირის საკითხში.

პროგრამამ EU4Digital გამოაქვეყნა ევროკავშირის განახლებული საბაზისო ანგარიში ელ-კომერციის შესახებ აღმოსავლეთ პარტნიორობის რეგიონში. ანგარიშში განხილულია სახელმწიფოთაშორისი ელ-კომერცია ევროკავშირში და ევროკავშირის საუკეთესო პრაქტიკა, ასევე ნორმები, როგორც სამიზნე ინდიკატორი აღმოსავლეთ პარტნიორობის ქვეყნების სახელმწიფოთაშორისი ელ-კომერციის შესაფასებლად. ანგარიშში გაანალიზებულია სამი ძირითადი სფერო - საკანონმდებლო ჩარჩო, სტანდარტები და ელ-კომენრციის ეკოსისტემა.

გუნდი, რომელიც კურირებს ახალ ამბებს, განცხადებებს, სტატიებს და სხვა პუბლიკაციებს პროგრამის EU4Digital და აღმოსავლეთ პარტნიორობის ციფრულ სფეროში, გიწვევთ ისარგებლოთ იმ საშუალებების მზარდი რაოდენობით, რომლითაც შეძლებთ ამ კონტენტზე წვდომას – კერძოდ, ისარგებლეთ Twitter-ის სრულიად ახალი ანგარიშით: ჩაერთეთ საუბარში!

გსურთ გაიგოთ მეტი აღმოსავლეთ პარტნიორობის ქვეყნების ციფრული განვითარების, მომავალი პრიორიტეტების და პოლიტიკის დღის წესრიგის შესახებ? ინიციატივა EU4Digital აწყობს ორ ღონისძიებას, რომლებიც ეძღვნება ციფრული ტრანსფორმაციის საკითხებს აღმოსავლეთ პარტნიორობის რეგიონში. 2023 წლის 14 ნოემბერს ციფრული კონფერენცია აღმოსავლეთ პარტნიორობისთვის უზრუნველყოფს უფრო ფართო სადისკუსიო სივრცეს და მიესალმება ნებისმიერ დაინტერესებულ ადამიანს. 2023 წლის 15 ნოემბერს პროგრამის EU4Digital II ფაზის საკოორდინაციო კომიტეტის მოწვეული წევრები რეგიონული საფლაგმანო EU4Digital ინიციატივის და პროექტების განსახილველად შეიკრიბებიან.

ინოვაციის და სტარტაპის საინკუბაციო სისტემის საქმიანობის და ზრდის სტიმულირებისთვის აღმოსავლეთ პარტნიორობის რეგიონში, პროგრამამ EU4Digital განსაზღვრა ძირითადი პრიორიტეტები და ისინი ორ ღონისძიებაზე გააშუქა. ეს იყო დასკვნითი ონლაინ საინფორმაციო სესიები ეკოსისტემების საქმიანობის მაჩვენებლების, ხარვეზების და საჭიროებების ინტენსიური კვლევის შემდეგ, რომელიც რეკომენდაციებთან ერთად დეტალურად არის აღწერილი ახალ ანგარიშში. მონაწილეებმა აღნიშნულ ორ ღონისძიებაზე მოუსმინეს რეგიონული ეკოსისტემის აქტორებს და მიიღეს ინფორმაცია კვლევის შემდეგი ძირითადი შედეგების შესახებ: აღმოსავლეთ პარტნიორობის ქვეყნებმა პრიორიტეტი უნდა მიანიჭონ ეკოსისტემის მშენებლების გაძლიერებას და ინკუბატორების პოტენციალის შექმნას.

სომხეთის, აზერბაიჯანის, საქართველოს, მოლდოვის და უკრაინის სტარტაპები საფრანგეთში შეხვდნენ ინოვაციური ეკოსისტემის და აღმოსავლეთ პარტნიორობის წარმომადგენლებს ღონისძიებაზე „სტარტაპის ხიდი: აღმოსავლეთი ხვდება დასავლეთს“. პროგრამამ EU4Digital ორგანიზაციასთან Expertise France პარტნიორობის საფუძველზე ICT ინოვაციების ქსელური ღონისძიება მოაწყო. 2023 წლის 16 ივნისს ჩატარებული ღონისძიების მასპინძელი იყო Wilco - ინოვაციების აქსელერატორი, რომელიც აუმჯობესებს როგორც სტარტაპების, ისე მცირე და საშუალო საწარმოების ეფექტიანობას.