09/04/2024
EU4Digital აკადემიის ციფრული უნარების პირველი კურსი დაწყებულია!
პროგრამა EU4Digital მოქალაქეებს და მცირე და საშუალო საწარმოებს უკრაინაში იწვევს რეგისტრაციისთვის პირველ სასწავლო კურსზე, რომელსაც EU4Digital აკადემიის ციფრული სწავლების ახალი პროგრამა ჩაატარებს. მომხმარებლისადმი მეგობრული ონლაინ კურსი „ელ-კომერცია ევროკავშირის ციფრული კომერციის ვებსაიტებზე სასარგებლოა სწავლის მსურველებისთვის, რომლებსაც არა აქვთ ელ-კომერციის საბაზისო ცოდნა და სურთ დაიწყონ საკუთარი ბიზნესი, ან მათთვის, ვინც უკვე ყიდის პროდუქტებს ონლაინ საკუთარ ქვეყანაში, მაგრამ სურთ გაყიდვების დაწყება ევროკავშირში.
გაიგეთ მეტი-
08/04/2024
რეგისტრაცია EU4Digital ინოვაციური კლასტერების შეფასებასა და ტრენინგზე დაწყებულია
ხართ ორგანიზაციის აღმასრულებელი მენეჯერი, რომელიც მართავს ინოვაციურ კლასტერს აღმოსავლეთ პარტნიორ ქვეყანაში, ან კოორდინაციას უწევს ბიზნესის და აკადემიის ერთობლივ დარგობრივ ან ტექნოლოგიურ ინიციატივებს? თუ ხართ კლასტერის ან პოტენციური კლასტერის წარმომადგენელი, პროგრამა EU4Digital გიწვევთ მონაწილეობა მიიღოთ უფასო სერტიფიცირებულ ონლაინ ტრენინგსა და შეფასებაში. რეგისტრაციის საბოლო ვადაა 2024 წლის 17 აპრილი.
გაიგეთ მეტი -
08/04/2024
პროგრამის EU4Digital ახალი აქტივობა მხარს უჭერს ინოვაციურ კლასტერებს აღმოსავლეთ პარტნიორობის რეგიონში
პროგრამამ EU4Digital აღმოსავლეთ პარტნიორობის (EaP) რეგიონში ინოვაციური კლასტერების მხარდასაჭერად საქმიანობის ახალი ჩარჩო აამოქმედა. კლასტერები - სტარტაპების, მცირე და საშუალო საწარმოების, კვლევითი და ცოდნის გამავრცელებელი ორგანიზაციების, არაკომერციული ორგანიზაციების და სხვა შესაბამისი ეკონომიკური მოთამაშეებისგან შემდგარი კოალიციები - ასტიმულირებს ინოვაციებს, ავრცელებს ცოდნას და მხარს უჭერს თანამშრომლობას, რითაც ხელს უწყობს ტექნოლოგიურ და ეკონომიკურ განვითარებას. პროგრამის EU4Digital-ის ახალი ინოვაციური კლასტერული აქტივობები საინფორმაციო და საკომუნიკაციო ტექნოლოგიური ინოვაციების თემატური სფეროს ნაწილია, რომელიც აკავშირებს აღმოსავლეთ პარტნიორობის და ევროკავშირის დამწყებ ეკოსისტემებს პროგრამის უფრო ფართო ამოცანების კონტექსტში რეგიონების ციფრული ბაზრების ჰარმონიზაციის მიზნით.
გაიგეთ მეტი -
26/02/2024
„ევროპის ხელოვნური ინტელექტის ოფისი“ ზედამხედველობას გაუწევს ზოგადი დანიშნულების ხელოვნურ ინტელექტს (GPAI)
2024 წლის 24 იანვარს ევროკომისიამ „ხელოვნური ინტელექტის ოფისი“ დააარსა. ხელოვნური ინტელექტის ოფისს ევალება ზედამხედველობა გაუწიოს ზოგადი დანიშნულების ხელოვნური ინტელექტის (GPAI) მოდელების და სისტემების გამოყენებას.
გაიგეთ მეტი -
24/02/2024
მოლდოვა 7,5 მლრდ ევროს ღირებულების „ციფრული ევროპის პროგრამას“ მიუერთდება
მოლდოვის „ციფრული ევროპის პროგრამასთან“ მიერთების ხელშეკრულების საშუალებით ბიზნესისა და ხელისუფლებისთვის ხელმისაწვდომი იქნება ევროკავშირის დაფინანსება ციფრული ტრანსფორმაციის პროექტებისთვის 7.5 მილიარდი ევროს ბიუჯეტით 2021-2027 წლებში.
გაიგეთ მეტი -
20/02/2024
გაიარეთ რეგისტრაცია: პირველი სამეცნიერო-კვლევითი ფორუმი INATBA „ბლოკჩეინის ჰორიზონტები“
დაიწყო რეგისტრაცია ბლოკჩეინის სანდო აპლიკაციების საერთაშორისო ასოციაციის (INATBA) ბლოკჩეინის ჰორიზონტების პირველ გამოცემაზე, ასოციაციის აკადემიურ, კვლევისა და განვითარების ფორუმზე. ღონისძიების ჩატარება დაგეგმილია 2024 წლის 22 მაისს გერმანიის ქალაქ დარმშტადტში; შესაბამისი მასალების წარდგენის საბოლოო ვადაა 28 თებერვალი.
გაიგეთ მეტი -
03/01/2024
გაეროს ვაჭრობის და განვითარების კონფერენციის (UNCTAD) ელ-კვირეული სახავს მდგრად, ინკლუზიურ გზას ციფრული ეკონომიკის განვითარებისთვის
4–8/12/2023: 3500-მა მონაწილემ განიხილა, თუ როგორ უნდა გარდაიქმნას ციფრული შესაძლებლობები საერთო, მდგრადი განვითარების მიღწევებად გაეროს ვაჭრობის და განვითარების კონფერენციის (UNCTAD) ელ-კვირეულის განმავლობაში.
გაიგეთ მეტი -
28/12/2023
ევროპული საბჭოს გადაწყვეტილება უკრაინასთან და მოლდოვასთან გაწევრიანების საკითხებზე მოლაპარაკებების დაწყების და საქართველოსთვის კანდიდატი ქვეყნის სტატუსის მინიჭების შესახებ
2023 წლის 14–15 დეკემბერს ევროპულმა საბჭომ მიიღო გადაწყვეტილება მოლაპარაკებების დაწყების შესახებ უკრაინასთან და მოლდოვასთან გაწევრიანების საკითხზე. ეს იყო საეტაპო მომენტი ორივე ქვეყნის ხალხისთვის, რომლებიც მუდმივად გამოხატავდნენ თავიანთ ევროპულ რწმენას. ევროკავშირის ლიდერებმა მიიღეს გადაწყვეტილება საქართველოსთვის კანდიდატი ქვეყნის სტატუსი მინიჭების შესახებ.
გაიგეთ მეტი -
08/12/2023
პროგრამა EU4Digital აქვეყნებს აღმოსავლეთ პარტნიორობის სტარტაპის ეკოსისტემის ანგარიშს
პროგრამამ EU4Digital გამოაქვეყნა კვლევის ანგარიში, რომელშიც ჩატარებულია სტარტაპის ეკოსისტემის კარტირება და დიაგნოსტიკა აღმოსავლეთ პარტნიორობის რეგიონში. პროგრამის EU4Digital საინფორმაციო და საკომუნიკაციო ტექნოლოგიური ინოვაციების მიმართულების ფარგლებში დაწერილ ანგარიშში განსაზღვრულია მაღალეფექტური ინკუბაციის კონცეფცია, ჩატარებულია მიმდინარე მდგომარეობის ანალიზი და მოცემულია რეკომენდაციები შესაბამისი მხარდაჭერის პროგრამების შესამუშავებლად პარტნიორ ქვეყნებში – სომხეთში, აზერბაიჯანში, საქართველოში, მოლდოვის რესპუბლიკასა და უკრაინაში. ანგარიში ხელმისაწვდომია ონლაინ; დაინტერესებულ მხარეებს სთხოვენ გამოხმაურებების მიწოდებას ამ ანგარიშის თაობაზე.
გაიგეთ მეტი -
29/11/2023
ადამიანური ფაქტორი ციფრულ ტრანსფორმაციაში: აღმოსავლეთ პარტნიორობის ციფრული კონფერენცია-2023
ადამიანზე ორიენტირებული საჭიროებები და უპირატესობები მხედველობაში უნდა იქნას მიღებული, რადგან ჩვენი მიზანია მდგრადი ციფრული ტრანსფორმაცია - ასე შეთანხმდნენ მონაწილეები პროგრამის EU4Digital ციფრულ კონფერენციაზე აღმოსავლეთ პარტნიორობისთვის, რომელიც 2023 წლის 14 ნოემბერს ჩატარდა. ღონისძიების თემამ „ციფრული სტრატეგიული ავტონომია: ციფრული ტექნოლოგიების ეფექტური გამოყენება საზოგადოებებისა და ეკონომიკის გაძლიერების მიზნით“, შექმნა შესაძლებლობა იმის გამოსაკვლევად, თუ როგორ შეუძლია ციფრულ დაკავშირებადობას და ხელოვნური ინტელექტის მსგავს მიღწევებს გამოავლინოს ინოვაციები მდგრადი მთავრობის, ეკონომიკისა და საზოგადოების მიმართულებით მუშაობის პროცესში.
გაიგეთ მეტი -
21/11/2023
ციფრული სფერო დღესდღეობით უმნიშვნელოვანესია: პროგრამის EU4Digital საკოორდინაციო კომიტეტის 2023 წლის შეხვედრა
ციფრული სფერო ყოველდღიურობის უმნიშვნელოვანეს ნაწილად იქცა აღმოსავლეთ პარტნიორობის რეგიონში (EaP). ამიტომ კოორდინირებულ მიდგომას სტრატეგიული დაგეგმვის მიმართ, პოლიტიკის და კანონმდებლობის შესაბამისობაში მოყვანას და ინვესტიციებს დღეისათვის გადამწყვეტი მნიშვნელობა აქვს. ეს იყო ძირითადი ინფორმაცია პროგრამის EU4Digital საკოორდინაციო კომიტეტის მე-5 ყოველწლიური შეხვედრიდან, რომელიც 2023 წლის 15 ნოემბერს ონლაინ ჩატარდა.
გაიგეთ მეტი -
17/11/2023
პროგრამის EU4Digital მონაწილე მხარეები განიხილავენ შედეგების მიღების დაჩქარებას ეროვნულ დონეზე
პროგრამის EU4Digital საქმიანობას აღმოსავლეთ პარტნიორობის რეგიონის ქვეყნების - სომხეთის, აზერბაიჯანის, მოლდოვის რესპუბლიკის, საქართველოსა და უკრაინის საჭიროებები განაპირობებს. ეს აქტივობები მიმდინარეობს მჭიდრო თანამშრომლობით ორმხრივ აქტივობასთან, რომლის მენეჯმენტს ევროკავშირის წარმომადგენლობები ევროკავშირისა და აღმოსავლეთ პარტნიორობის ერთობლივი დღის წესრიგის ფარგლებში ახორციელებენ. შედეგების მაქსიმალურად გაუმჯობესების მიზნით, პროგრამამ EU4Digital მისი განხორციელების მიმდინარე, მეორე ფაზაში უმასპინძლა სამუშაო შეხვედრას ევროკავშირის და აღმოსავლეთ პარტნიორი ქვეყნების ძირითად დაინტერესებულ მხარეებს შორის. შეხვედრა 2023 წლის 18 ოქტომბერს ბრიუსელში ჩატარდა. შეხვედრის მონაწილეებს ჰქონდათ საშუალება განეხილათ პროექტის შედეგები, გამოთქვათ საკუთარი მოსაზრებები მის შესახებ და გან ეხილათ, თუ როგორ უნდა დაჩქარდეს პროგრამის EU4Digital საქმიანობის დანერგვა ეროვნულ დონეზე.
გაიგეთ მეტი -
08/11/2023
ევროკომისიის რეკომენდაცია უკრაინის, მოლდოვის და საქართველოს ევროკავშირში გაწევრიანების სტატუსში ცვლილებების შესახებ
2023 წლის 8 ნოემბერს ევროკომისიამ გასცა რეკომენდაცია იმის თაობაზე, რომ ევროპის კავშირის საბჭომ დაიწყოს მოლაპარაკებები უკრაინისა და მოლდოვის ევროკავშირში გაწევრიანების შესახებ და მიანიჭოს საქართველოს კანდიდატი ქვეყნის სტატუსს იმ პირობით, თუ ქვეყანა ღონისძიებების მთელ რიგს განახორციელებს. გარდა ამისა, ევროკომისიამ დაამტკიცა 2023 წლის გაფართოების პაკეტი, რომელშიც პირველად იქნა შეფასებული ამ ქვეყნების მიერ მიღწეული პროგრესი.
გაიგეთ მეტი