ადამიანზე ორიენტირებული საჭიროებები და უპირატესობები მხედველობაში უნდა იქნას მიღებული, რადგან ჩვენი მიზანია მდგრადი ციფრული ტრანსფორმაცია - ასე შეთანხმდნენ მონაწილეები პროგრამის EU4Digital ციფრულ კონფერენციაზე აღმოსავლეთ პარტნიორობისთვის, რომელიც 2023 წლის 14 ნოემბერს ჩატარდა. ღონისძიების თემამ „ციფრული სტრატეგიული ავტონომია: ციფრული ტექნოლოგიების ეფექტური გამოყენება საზოგადოებებისა და ეკონომიკის გაძლიერების მიზნით“, შექმნა შესაძლებლობა იმის გამოსაკვლევად, თუ როგორ შეუძლია ციფრულ დაკავშირებადობას და ხელოვნური ინტელექტის მსგავს მიღწევებს გამოავლინოს ინოვაციები მდგრადი მთავრობის, ეკონომიკისა და საზოგადოების მიმართულებით მუშაობის პროცესში.

ციფრული სფერო ყოველდღიურობის უმნიშვნელოვანეს ნაწილად იქცა აღმოსავლეთ პარტნიორობის რეგიონში (EaP). ამიტომ კოორდინირებულ მიდგომას სტრატეგიული დაგეგმვის მიმართ, პოლიტიკის და კანონმდებლობის შესაბამისობაში მოყვანას და ინვესტიციებს დღეისათვის გადამწყვეტი მნიშვნელობა აქვს. ეს იყო ძირითადი ინფორმაცია პროგრამის EU4Digital საკოორდინაციო კომიტეტის მე-5 ყოველწლიური შეხვედრიდან, რომელიც 2023 წლის 15 ნოემბერს ონლაინ ჩატარდა.

პროგრამის EU4Digital საქმიანობას აღმოსავლეთ პარტნიორობის რეგიონის ქვეყნების - სომხეთის, აზერბაიჯანის, მოლდოვის რესპუბლიკის, საქართველოსა და უკრაინის საჭიროებები განაპირობებს. ეს აქტივობები მიმდინარეობს მჭიდრო თანამშრომლობით ორმხრივ აქტივობასთან, რომლის მენეჯმენტს ევროკავშირის წარმომადგენლობები ევროკავშირისა და აღმოსავლეთ პარტნიორობის ერთობლივი დღის წესრიგის ფარგლებში ახორციელებენ. შედეგების მაქსიმალურად გაუმჯობესების მიზნით, პროგრამამ EU4Digital მისი განხორციელების მიმდინარე, მეორე ფაზაში უმასპინძლა სამუშაო შეხვედრას ევროკავშირის და აღმოსავლეთ პარტნიორი ქვეყნების ძირითად დაინტერესებულ მხარეებს შორის. შეხვედრა 2023 წლის 18 ოქტომბერს ბრიუსელში ჩატარდა. შეხვედრის მონაწილეებს ჰქონდათ საშუალება განეხილათ პროექტის შედეგები, გამოთქვათ საკუთარი მოსაზრებები მის შესახებ და გან ეხილათ, თუ როგორ უნდა დაჩქარდეს პროგრამის EU4Digital საქმიანობის დანერგვა ეროვნულ დონეზე.

იმ ინსტიტუტების წარმომადგენლები, რომლებიც კრებენ ციფრული ეკონომიკისა და საზოგადოების ინდექსთან (DESI) დაკავშირებულ ინდიკატორებს აღმოსავლეთ პარტნიორობის ქვეყნებში, მიწვეულები არიან მონაწილეობის მისაღებად პროგრამის EU4Digital ონლაინ ღონისძიებაში, რომელიც 2023 წლის 24 ნოემბერს ჩატარდება. ღონისძიებაზე პროგრამის EU4Digital ციფრული უნარების თემატური სფეროს ექსპერტები წარმოადგენენ DESI-ს განხორციელების ანალიზს, განიხილავენ რეგიონულ და ეროვნულ რეკომენდაციებს DESI-ს სრული გაზომვის დანერგვის საკითხზე, და იმსჯელებენ პროგრამის EU4Digital DESI-აქსელერატორის საქმიანობის ხედვასა და მნიშვნელოვან ეტაპებზე.

2023 წლის 8 ნოემბერს ევროკომისიამ გასცა რეკომენდაცია იმის თაობაზე, რომ ევროპის კავშირის საბჭომ დაიწყოს მოლაპარაკებები უკრაინისა და მოლდოვის ევროკავშირში გაწევრიანების შესახებ და მიანიჭოს საქართველოს კანდიდატი ქვეყნის სტატუსს იმ პირობით, თუ ქვეყანა ღონისძიებების მთელ რიგს განახორციელებს. გარდა ამისა, ევროკომისიამ დაამტკიცა 2023 წლის გაფართოების პაკეტი, რომელშიც პირველად იქნა შეფასებული ამ ქვეყნების მიერ მიღწეული პროგრესი.

გუნდი, რომელიც კურირებს ახალ ამბებს, განცხადებებს, სტატიებს და სხვა პუბლიკაციებს პროგრამის EU4Digital და აღმოსავლეთ პარტნიორობის ციფრულ სფეროში, გიწვევთ ისარგებლოთ იმ საშუალებების მზარდი რაოდენობით, რომლითაც შეძლებთ ამ კონტენტზე წვდომას – კერძოდ, ისარგებლეთ Twitter-ის სრულიად ახალი ანგარიშით: ჩაერთეთ საუბარში!

გსურთ გაიგოთ მეტი აღმოსავლეთ პარტნიორობის ქვეყნების ციფრული განვითარების, მომავალი პრიორიტეტების და პოლიტიკის დღის წესრიგის შესახებ? ინიციატივა EU4Digital აწყობს ორ ღონისძიებას, რომლებიც ეძღვნება ციფრული ტრანსფორმაციის საკითხებს აღმოსავლეთ პარტნიორობის რეგიონში. 2023 წლის 14 ნოემბერს ციფრული კონფერენცია აღმოსავლეთ პარტნიორობისთვის უზრუნველყოფს უფრო ფართო სადისკუსიო სივრცეს და მიესალმება ნებისმიერ დაინტერესებულ ადამიანს. 2023 წლის 15 ნოემბერს პროგრამის EU4Digital II ფაზის საკოორდინაციო კომიტეტის მოწვეული წევრები რეგიონული საფლაგმანო EU4Digital ინიციატივის და პროექტების განსახილველად შეიკრიბებიან.

გაინტერესებთ ახალი ამბები, რესურსები და სხვა ინფორმაცია ციფრული ტრანსფორმაციის შესახებ აღმოსავლეთ პარტნიორობის რეგიონში? პროგრამა EU4Digital გიწვევთ მისი განახლებული ვებსაიტის გამოსაკვლევად: https://eufordigital.eu/! განახლებულ ვებსაიტზე პროგრამა EU4Digital გთავაზობთ მისი ციფრული საზოგადოების განახლებულ ინფორმაციას და გაუმჯობესებულ ურთიერთობას მომხმარებელთან.

2023 წლის მაისის ბოლოს პროგრამამ EU4Digital მისი ციფრული ეკონომიკის და საზოგადოების ინდექსის (DESI) დაჩქარების აქტივობები დაიწყო. DESI-ს აქსელერატორის ერთდღიანი სასტარტო ღონისძიების მიზანი იყო ცნობიერების ამაღლება ამ საქმიანობის, მისი სარგებლობის, და DESI-ს განხორციელების გეგმების შესახებ აღმოსავლეთ პარტნიორობის რეგიონში.

ევროკავშირის კოდირების კვირეული ყოველწლიურად აღნიშნავს და პოპულარიზაცის უწევს ციფრული წიგნიერების და კოდირების უნარების მნიშვნელობას ყველა ასაკის და პროფესიის ადამიანებისთვის. აქტივობები მთელი წლის განმავლობაში მიმდინარეობს, მაგრამ ცალკეა გამოყოფილი ორი კვირა, რომლებიც კონკრეტულად კოდირების კვირეულს ეძღვნება. წელს კვირეული 7-22 ოქტომბერს ჩატარდება.

პროგრამის EU4Digital EdTech Hub-ის აქტივობა ეძებს პოტენციურ პარტნიორებს. ეს პროგრამა წარმოადგენს ციფრული სწავლების პლატფორმას მომხმარებლისადმი კეთილგანწყობილი, ვებსაიტზე განთავსებული კურსებით, რომლებიც მორგებულია მცირე და საშუალო საწარმოების საჭიროებებზე აღმოსავლეთ პარტნიორობის რეგიონში. EU4Digital საინფორმაციო და საკომუნიკაციო ტექნოლოგიური ინოვაციების 2023 წლის ფორუმზე 9 მარტს ამოქმედებული პროგრამა EdTech Hub ხელს შეუწყობს ევროკავშირის და აღმოსავლეთ პარტნიორობის პოლიტიკური დღის წესრიგის მიღწევას, რაც გულისხმობს 1 მილიონი მოქალაქის ციფრულ გაძლიერებას და 500 000 მცირე და საშუალო საწარმოს მხარდაჭერას აღმოსავლეთ პარტნიორობის ქვეყნებში.

პროგრამის EU4Digital 2023 წლის საინფორმაციო და საკომუნიკაციო ტექნოლოგიური ინოვაციების ფორუმზე დაისვა ბიზნესის-განათლების სამომავლო განვითარების მნიშვნელოვანი საკითხები, რათა ბიზნესი უკეთ იყოს მომზადებული პოსტ-ინდუსტრიული ციფრული საზოგადოებისათვის. ონლაინ ფორუმი, რომელზეც ხაზი გაესვა ციფრული კვალიფიკაციის ამაღლების მნიშვნელობას სტარტაპებისა და მცირე და საშუალო საწარმოებისთვის აღმოსავლეთ პარტნიორობის რეგიონში, 9 მარტს ჩატარდა და იყო მეორე წლიური ღონისძიება ინოვაციური ფორუმების ციკლიდან. ფორუმს 100-ზე მეტი მონაწილე დაესწრო. მონაწილეებმა მიიღეს ინფორმაცია ევროკავშირის და აღმოსავლეთ პარტნიორობის სხვადასხვა პოლიტიკური და მხარდაჭერის ინიციატივის, მათ შორის პროგრამის EU4Digital EdTech Hub პლატფორმის საქმიანობის შესახებ, რომელიც ღონისძიების დროს გამოცხადდა.