გსურთ გაიგოთ მეტი აღმოსავლეთ პარტნიორობის ქვეყნების ციფრული განვითარების, მომავალი პრიორიტეტების და პოლიტიკის დღის წესრიგის შესახებ? ინიციატივა EU4Digital აწყობს ორ ღონისძიებას, რომლებიც ეძღვნება ციფრული ტრანსფორმაციის საკითხებს აღმოსავლეთ პარტნიორობის რეგიონში. 2023 წლის 14 ნოემბერს ციფრული კონფერენცია აღმოსავლეთ პარტნიორობისთვის უზრუნველყოფს უფრო ფართო სადისკუსიო სივრცეს და მიესალმება ნებისმიერ დაინტერესებულ ადამიანს. 2023 წლის 15 ნოემბერს პროგრამის EU4Digital II ფაზის საკოორდინაციო კომიტეტის მოწვეული წევრები რეგიონული საფლაგმანო EU4Digital ინიციატივის და პროექტების განსახილველად შეიკრიბებიან.

ინოვაციის და სტარტაპის საინკუბაციო სისტემის საქმიანობის და ზრდის სტიმულირებისთვის აღმოსავლეთ პარტნიორობის რეგიონში, პროგრამამ EU4Digital განსაზღვრა ძირითადი პრიორიტეტები და ისინი ორ ღონისძიებაზე გააშუქა. ეს იყო დასკვნითი ონლაინ საინფორმაციო სესიები ეკოსისტემების საქმიანობის მაჩვენებლების, ხარვეზების და საჭიროებების ინტენსიური კვლევის შემდეგ, რომელიც რეკომენდაციებთან ერთად დეტალურად არის აღწერილი ახალ ანგარიშში. მონაწილეებმა აღნიშნულ ორ ღონისძიებაზე მოუსმინეს რეგიონული ეკოსისტემის აქტორებს და მიიღეს ინფორმაცია კვლევის შემდეგი ძირითადი შედეგების შესახებ: აღმოსავლეთ პარტნიორობის ქვეყნებმა პრიორიტეტი უნდა მიანიჭონ ეკოსისტემის მშენებლების გაძლიერებას და ინკუბატორების პოტენციალის შექმნას.

სომხეთის, აზერბაიჯანის, საქართველოს, მოლდოვის და უკრაინის სტარტაპები საფრანგეთში შეხვდნენ ინოვაციური ეკოსისტემის და აღმოსავლეთ პარტნიორობის წარმომადგენლებს ღონისძიებაზე „სტარტაპის ხიდი: აღმოსავლეთი ხვდება დასავლეთს“. პროგრამამ EU4Digital ორგანიზაციასთან Expertise France პარტნიორობის საფუძველზე ICT ინოვაციების ქსელური ღონისძიება მოაწყო. 2023 წლის 16 ივნისს ჩატარებული ღონისძიების მასპინძელი იყო Wilco - ინოვაციების აქსელერატორი, რომელიც აუმჯობესებს როგორც სტარტაპების, ისე მცირე და საშუალო საწარმოების ეფექტიანობას.

საქართველოს ეკონომიკის და საინფორმაციო ტექნოლოგიების 2023 პერსპექტივების განსახილველად თბილისში ჩატარებულ ციფრული ტრანსფორმაციის ფორუმში მონაწილეობა მიიღეს მთავრობის, ბიზნესის, საკონსულტაციო და აკადემიური ორგანიზაციების წარმომადგენლებმა. ოთხდღიანი ღონისძიება, რომელიც 2023 წლის 26 ივნისს გაიხსნა, ორგანიზებული იყო საქართველოს ICT კლასტერის მიერ აშშ-ს საერთაშორისო განვითარების სააგენტოს ეკონომიკური უსაფრთხოების პროგრამის მხარდაჭერით.

გაინტერესებთ ახალი ამბები, რესურსები და სხვა ინფორმაცია ციფრული ტრანსფორმაციის შესახებ აღმოსავლეთ პარტნიორობის რეგიონში? პროგრამა EU4Digital გიწვევთ მისი განახლებული ვებსაიტის გამოსაკვლევად: https://eufordigital.eu/! განახლებულ ვებსაიტზე პროგრამა EU4Digital გთავაზობთ მისი ციფრული საზოგადოების განახლებულ ინფორმაციას და გაუმჯობესებულ ურთიერთობას მომხმარებელთან.

შეუერთდით უაღრესად საინტერესო ქსელური აქტივობის ღონისძიებას, სადაც ყველაზე იმედის მომცემი სტარტაპები სომხეთიდან აზერბაიჯანიდან, საქართველოდან, მოლდოვიდან და უკრაინიდან საფრანგეთის ეკოსისტემის სხვა მონაწილეებს ხვდებიან. „სტარტაპის ხიდი: აღმოსავლეთი ხვდება დასავლეთს“ ორგანიზებულია პროგრამის EU4Digital და ორგანიზაციის Expertise French მიერ სტარტაპების დასაკავშირებლად ცნობილ ფრანგ ინვესტორებთან და აქსელერატორებთან, რომლებიც ხელს უწყობენ სტარტაპის ეკოსისტემის ზრდა-განვითარებას და თანამშრომლობას აღმოსავლეთ პარტნიორობის რეგიონში.

ბლოკჩეინის ეკოსისტემის განვითარების მხარდასაჭერად აღმოსავლეთ პარტნიორობის რეგიონში, პროგრამის EU4Digital საინფორმაციო და საკომუნიკაციო ტექნოლოგიური ინოვაციების მიმართულებამ 2023 წლის 30 მარტს ონლაინ ქსელურ აქტივობას უმასპინძლა. ბლოკჩეინის ასოციაციებმა, დარგის წარმომადგენლებმა, ინოვაციის ეკოსისტემის ძირითადმა აქტორებმა და აღმოსავლეთ პარტნიორობის რეგიონის მთავრობათა წარმომადგენლებმა ბლოკჩეინის სანდო აპლიკაციების საერთაშორისო ასოციაციაში (INATBA) გაწევრიანების და მის წამყვან პარტნიორებთან თანამშრომლობის შესაძლებლობები განიხილეს.

პროგრამის EU4Digital EdTech Hub-ის აქტივობა ეძებს პოტენციურ პარტნიორებს. ეს პროგრამა წარმოადგენს ციფრული სწავლების პლატფორმას მომხმარებლისადმი კეთილგანწყობილი, ვებსაიტზე განთავსებული კურსებით, რომლებიც მორგებულია მცირე და საშუალო საწარმოების საჭიროებებზე აღმოსავლეთ პარტნიორობის რეგიონში. EU4Digital საინფორმაციო და საკომუნიკაციო ტექნოლოგიური ინოვაციების 2023 წლის ფორუმზე 9 მარტს ამოქმედებული პროგრამა EdTech Hub ხელს შეუწყობს ევროკავშირის და აღმოსავლეთ პარტნიორობის პოლიტიკური დღის წესრიგის მიღწევას, რაც გულისხმობს 1 მილიონი მოქალაქის ციფრულ გაძლიერებას და 500 000 მცირე და საშუალო საწარმოს მხარდაჭერას აღმოსავლეთ პარტნიორობის ქვეყნებში.

პროგრამის EU4Digital 2023 წლის საინფორმაციო და საკომუნიკაციო ტექნოლოგიური ინოვაციების ფორუმზე დაისვა ბიზნესის-განათლების სამომავლო განვითარების მნიშვნელოვანი საკითხები, რათა ბიზნესი უკეთ იყოს მომზადებული პოსტ-ინდუსტრიული ციფრული საზოგადოებისათვის. ონლაინ ფორუმი, რომელზეც ხაზი გაესვა ციფრული კვალიფიკაციის ამაღლების მნიშვნელობას სტარტაპებისა და მცირე და საშუალო საწარმოებისთვის აღმოსავლეთ პარტნიორობის რეგიონში, 9 მარტს ჩატარდა და იყო მეორე წლიური ღონისძიება ინოვაციური ფორუმების ციკლიდან. ფორუმს 100-ზე მეტი მონაწილე დაესწრო. მონაწილეებმა მიიღეს ინფორმაცია ევროკავშირის და აღმოსავლეთ პარტნიორობის სხვადასხვა პოლიტიკური და მხარდაჭერის ინიციატივის, მათ შორის პროგრამის EU4Digital EdTech Hub პლატფორმის საქმიანობის შესახებ, რომელიც ღონისძიების დროს გამოცხადდა.

ბლოკჩეინის ეკოსისტემას აღმოსავლეთ პარტნიორობის რეგიონში: 2023 წლის 30 მარტს პროგრამა EU4Digital ატარებს ვირტუალურ ქსელურ ღონისძიებას ბლოკჩეინის სანდო აპლიკაციების საერთაშორისო ასოციაციასთან (INATBA) ერთად.

2023 წლის სტარტაპის და ინოვაციების ყოველწლიურ ფორუმზე პროგრამა EU4Digital მიიწვევს პოლიტიკაზე პასუხისმგებელ ძირითად პირებს, სტარტაპის ეკოსისტემების წამყვან ორგანიზაციებს და ციფრული ინოვაციების და სტარტაპის ეკოსისტემების განვითარების სფეროს ექსპერტებს. ამ მაღალი დონის პოლიტიკურ ღონისძიებაზე განსახილველი ძირითადი საკითხი იქნება „ციფრული ტექნოლოგიები მცირე და საშუალო საწარმოების ციფრული უნარების ყოვლისმომცველი გაუმჯობესებისთვის აღმოსავლეთ პარტნიორობის ქვეყნებში“. ღონისძიება 2023 წლის 9 მარტს დისტანციურად ჩატარდება ვირტუალური სესიის ფორმატში.

ევროკავშირის ციფრულ ტრანსფორმაციასთან დაკავშირებული მიზნების მისაღწევად, 2023-24 წლებში სამუშაო პროგრამის Horizon Europe საშუალებით 4.5 მლრდ ევროზე მეტი გამოიყოფა, რაც სამუშაო პროგრამის მთელი ბიუჯეტის 33%-ს აღემატება.