ციფრული ტრანსფორმაცია უსწრაფესად ცვლის ეკონომიკურ ლანდშაფტს. ახალი ტექნოლოგიები ძალიან დიდ გავლენას ახდენს შრომის ბაზარზე და განათლების საჭიროებაზე, ვინაიდან იწვევს ახალ ციფრულ რეალობასთან - ციფრულ სამუშაოსთან და ცხოვრების წესთან მორგების აუცილებლობას. COVID-19-ის პანდემიამ დააჩქარა მრავალი ორგანიზაციის და მცირე და საშუალო საწარმოს ციფრული ტრანსფორმაცია; დღესდღეობით საკუთარ სერვისებს სახელმწიფო უწყებებიც კი დისტანციურად ახორციელებენ. გარდა ამისა, პანდემიამ გამოააშკარავა ციფრული ეკონომიკის და საზოგადოების სფეროები, რომლებიც გაუმჯობესებას მოითხოვს, განსაკუთრებით - ადეკვატური ციფრული უნარების მნიშვნელობა.

პროგრამა EU4Digital მუშაობს საერთო ციფრული კომპეტენციების ჩარჩოზე მცირე და საშუალო საწარმოებისა და მიკრობიზნესისთვის აღმოსავლეთ პარტნიორობის ქვეყნებში ევროკავშირის არსებული ჩარჩოების საფუძველზე.