საქართველოს თავდაცვის ძალების სპეციალისტები ამჟამად გადიან კიბერუსაფრთხოების ტრენინგს, რომელსაც ელექტრონული მმართველობის აკადემია ატარებს. ტრენინგი მოიცავს ოპერაციული სისტემების, firewall ტექნოლოგიების და ქსელის ადმინისტრირების ჩაღრმავებულ კურსებს და უსაფრთხოების პოლიტიკის მართვის უნარების განვითარებას.

2024 წლის 1 მარტიდან საქართველო ეტაპობრივად ნერგავს მონაცემთა დაცვის ახალ კანონს და ქვეყნის კანონმდებლობას ევროკავშირის სტანდარტებთან აახლოებს. ამ კანონს შემოაქვს კონკრეტული ვალდებულებები ბიზნესისთვის, მათ შორის თანხმობის მიღების აუცილებლობა კომერციული ტექსტების გაგზავნამდე; გარდა ამისა, კანონი ადგენს მკაფიო რეკომენდაციებს აუდიო- და ვიდეოგადაღებისთვის. აღსანიშნავია, რომ კანონში დიდი ყურადღება ექცევა ბავშვთა პერსონალური მონაცემების დაცვას.

მოლდოვის „ციფრული ევროპის პროგრამასთან“ მიერთების ხელშეკრულების საშუალებით ბიზნესისა და ხელისუფლებისთვის ხელმისაწვდომი იქნება ევროკავშირის დაფინანსება ციფრული ტრანსფორმაციის პროექტებისთვის 7.5 მილიარდი ევროს ბიუჯეტით 2021-2027 წლებში.

ახალგაზრდა ევროპელი ელჩების დახმარებით 2024 წლის 13-14 იანვარს მოეწყო ჰაკათონი „Bridging the Gap“, რომელზეც განხილული და შეთავაზებული იქნა გადაწყვეტები ხელოვნურ ინტელექტთან დაკავშირებული უდიდესი გამოწვევების დასაძლევად. მონაწილეებმა შეიმუშავეს მოსაზრებები ხელოვნური ინტელექტის გავლენის შესახებ ისეთ სფეროებზე, როგორიცაა დემოკრატია, განათლება, გარემო, და ასევე მთელი საზოგადოება.

ელექტრონული სერვისების, ინფორმაციის გაცვლის, ხელოვნური ინტელექტის გამოყენების და მონაცემების საფუძველზე გადაწყვეტილების მიღების ბოლოდროინდელი მიღწევები სხვადასხვა სექტორში იმას ნიშნავს, რომ სანდო და ხელმისაწვდომი მონაცემები სასიცოცხლოდ მნიშვნელოვანია. აღმოსავლეთ პარტნიორობის რეგიონში მაღალი ხარისხის და ადვილად ხელმისაწვდომ საჯარო მონაცემებზე მზარდი მოთხოვნის საპასუხოდ, 2023 წლის 6 დეკემბერს პროგრამამ EU4Digital დაიწყო საქმიანობა მონაცემთა მართვის ახალი სტრატეგიების სფეროში.

4–8/12/2023: 3500-მა მონაწილემ განიხილა, თუ როგორ უნდა გარდაიქმნას ციფრული შესაძლებლობები საერთო, მდგრადი განვითარების მიღწევებად გაეროს ვაჭრობის და განვითარების კონფერენციის (UNCTAD) ელ-კვირეულის განმავლობაში.

2023 წლის 4 დეკემბერს ჩატარებულმა ჰაკათონმა TruthTechThon მისცა შესაძლებლობა 150 ახალგაზრდას საქართველოში შეექმნათ ციფრული რესურსები, რომლებიც აუმჯობესებს მედია-წიგნიერებას, ებრძვის დეზინფორმაციას და ხელს უწყობს ინფორმაციის სანდოობას.

2023 წლის 14–15 დეკემბერს ევროპულმა საბჭომ მიიღო გადაწყვეტილება მოლაპარაკებების დაწყების შესახებ უკრაინასთან და მოლდოვასთან გაწევრიანების საკითხზე. ეს იყო საეტაპო მომენტი ორივე ქვეყნის ხალხისთვის, რომლებიც მუდმივად გამოხატავდნენ თავიანთ ევროპულ რწმენას. ევროკავშირის ლიდერებმა მიიღეს გადაწყვეტილება საქართველოსთვის კანდიდატი ქვეყნის სტატუსი მინიჭების შესახებ.

დაკავშირებადობა, რეგიონული როუმინგი და ციფრული ტრანსფორმაცია იყო იმ საკითხებს შორის, რომლებიც 2023 წლის 11 დეკემბერს აღმოსავლეთ პარტნიორობის მინისტერიალზე იქნა განხილული. ღონისძიებაზე შეიკრიბნენ ევროკავშირის სახელმწიფოების და მათი ხუთი აღმოსავლეთ პარტნიორი ქვეყნის (სომხეთი, აზერბაიჯანი, საქართველო, მოლდოვის რესპუბლიკა და უკრაინა) საგარეო საქმეთა მინისტრები. ღონისძიებამ საშუალება მისცა მონაწილეებს ერთმანეთისთვის გაეზიარებინათ მოსაზრებები აღმოსავლეთ პარტნიორობის შესახებ, შეეჯამებინათ მისი მიღწევები და განესაზღვრათ კონკრეტული რეკომენდაციები მომავლის პოლიტიკისთვის.