თემატური სფეროები

• ტელეკომის წესები

ევროკავშირის ინიციატივა EU4Digital მხარს უჭერს ძალისხმევას საერთო როუმინგული სივრცის შესაქმნელად აღმოსავლეთ პარტნიორობის ქვეყნებს შორის 2020 წლამდე, ასევე ეროვნული მარეგულირებელი ორგანოების დამოუკიდებლობის გაძლიერებას და სიხშირეების გავრცელების კოორდინირებული სტრატეგიის შემუშავებას.

• ელ-სანდოობა

EU4Digital ხელს უწყობს ნდობის სამსახურების განვითარებას ციფრულ ეკონომიკაში და კიბერ-უსაფრთხოებაში იმ უმნიშვნელოვანესი ინფრასტრუქტურის სიცოცხლისუნარიანობის გასაუმჯობესებლად, რომელიც წარმოადგენს ძირითადი სახელმწიფოთაშორისი ოპერაციულად თავსებადი ელექტრონული სერვისების შემადგენელ ნაწილს აღმოსავლეთ პარტნიორობის რეგიონში.

• ელექტრონული ვაჭრობა

ინიციატივის EU4Digital საშუალებით ევროკავშირი ხელს უწყობს ვაჭრობის გამარტივებას და ჰარმონიზაციას აღმოსავლეთ პარტნიორობის ქვეყნებს შორის და ევროკავშირთან; ეს ხორციელდება საერთო ჩარჩოების მხარდაჭერით ელექტრონული კომერციის, ელექტრონული საბაჟოს და ელექტრონული ლოგისტიკისთვის, ასევე მუშაობით ციფრული სატრანსპორტო დერეფნების მიმართულებით.

• საინფორმაციო და საკომუნიკაციო ტექნოლოგიური (ICT) ინოვაციები

ინიციატივის EU4Digital საშუალებით ევროკავშირი ხელს უწყობს რეფორმებს და საქმიანობას საინფორმაციო და საკომუნიკაციო ტექნოლოგიების (ICT) კვლევის, „სტარტაპების“ და ინოვაციური ეკოსისტემების განვითარების მხარდასაჭერად აღმოსავლეთ პარტნიორობის რეგიონში, ევროკავშირის გამოცდილების და სათანადო პრაქტიკის საფუძველზე.

• ელექტრონული ჯანმრთელობა

EU4Digital ინიციატივის საშუალებით ევროკავშირი ხელს უწყობს ე-ჯანმრთელობის ჰარმონიზებული ეროვნული ჩარჩოების შექმნას როგორც აღმოსავლეთ პარტნიორობის ქვეყნებს შორის, ისე ევროკავშირთან.

• ციფრული უნარები

EU4Digital ხელს უწყობს ციფრული უნარების სტრატეგიის დანერგვას აღმოსავლეთ პარტნიორობის ქვეყნებში, რაც მიზნად ისახავს ციფრულ სფეროში დასაქმების ეროვნული კოალიციების და კომპეტენციების ჩარჩოს ჩამოყალიბებას მცირე ბიზნესისთვის.