Պատասխան գործողություններ կորոնավիրուսի ուղղությամբ

Անցած ամիսների ընթացքում մենք բոլորս ապրում էինք բացառիկ պայմաններում՝ կորոնավիրուսի բռնկման հետևանքով: «Եվրոպական հանձնաժողովը շուրջօրյա աշխատանք է տանում կորոնավիրուսային ճգնաժամը կարգավորելու ուղղությամբ: Մենք ֆինանսական աջակցություն ենք ցուցաբերում հետազոտություններին, պատվաստանյութերի մշակմանը, աջակցում ենք ընկերություններին և այն մարդկանց, ովքեր ենթարկվում են իրենց աշխատանքը կորցնելու ռիսկի», – հայտարարել է Եվրոպական հանձնաժողովի նախագահ Ուրսուլա ֆոն դեր Լեյենը:

ԵՄ-ն աշխատում է նաև իր Արևելյան գործընկեր երկրների հետ` ինչպես առողջապահական համակարգերի անմիջական կարիքների, այնպես էլ հասարակության առավել խոցելի խմբերի ավելի երկարաժամկետ կարիքների և բիզնեսի աջակցության համար աջակցության նշանակալի փաթեթով:

Չնայած ստեղծված հանգամանքներին, EU4Digital-ը շարունակում է աշխատանքն իր արդյունքները տեղ հասցնելու ուղղությամբ. թեև առերես միջոցառումների ու հանդիպումների կազմակերպումը ներկայում հնարավոր չէ, առցանց աշխատանքը շարունակվում է, այդ թվում՝ հանդիպումների և աշխատաժողովների տեսքով: Այսօրվա իրավիճակը ցույց է տալիս թվային ցանցերի և լուծումների կենսական կարևորությունը քաղաքացիների բարեկեցության և երկրների դիմակայունության համար:
Կորոնավիրուս. Եվրոպական միությունը կանգնած է իր Արևելյան գործընկերների կողքին

Իմացիր ավելին կորոնավիրուսի ուղղությամբ ԵՄ-ի պատասխան գործողությունների մասին՝ www.ec.europa.eu/info

Բոլորիդ մաղթում ենք քաջառողջություն #StrongerTogether #UnitedAgainstCoronavirus