Ծրագրի մասնակիցները ծանոթացել են առողջապահության թվայնացման հիմունքներին, ոլորտի հետ կապված խնդիրներին և դրանց լուծման միջազգային նախադեպերին. գիտելիքներ, որոնք նրանք այնուհետև կիրառեցին ՀՀ առողջապահական համակարգում: Մասնավոր նպատակն էր մշակել այնպիսի ծրագիր, որը հիվանդների մասին խելացի բժշկական սարքերում պահպանվող տեղեկությունները կկապեր Հայաստանի բուժաշխատողների կողմից տարածվող տվյալների ամբողջության հետ:
«Հայաստանում տեխնոլոգիաներն հաճախ ուսուցանվում են ենթատեքստից դուրս: Մասնագետները լուծում են տեխնիկական խնդիրները՝ առանց հաշվի առնելու իրական պայմաններում դրանց կիրառման հարցը: Բազմագիտակարգային կրթություն գոյություն չունի: Այսպիսով, երբ ծրագրավորողը զրուցում է, օրինակ, տնտեսագետի կամ առողջապահության ոլորտի աշխատողի հետ, նրանց համար որոշ ժամանակ բարդ է լինում խնդրո առարկան հասկանալը: Ահա թե ինչու մենք մշակեցինք այս նախագիծը Թումո լաբորատորիաների հետ: Մենք ուզում էինք ուսանողներին հնարավորություն տալ շփվել այլ ոլորտի մասնագետների հետ, հասկանալ նրանց կարիքները, այնուհետև վերջիններիս պատկերացումները վերածել տեխնիկական լուծման»,- ասում է ԱՆԿ խորհրդի անդամ Արթուր Ղուլյանը:
Նախագծի մասնակիցների մեծ մասի համար առողջապահության թվայնացումը նոր հարթություն էր: Բայց թիմային աշխատանքի և նախագծի դասընթացավարների (ֆասիլիտատորների) հասանելիության շնորհիվ նրանք կարողացան մշակել հավելված, որը հիվանդների մասին տեղեկություններ է հավաքում միջազգային FHIR ստանդարտներին համապատասխան և տեղական բժիշկների ներգրավվածությամբ:
«Մասնակիցները բաժանվել էին երկու խմբի, որոնցից յուրաքանչյուրն ուներ իր առաջադրանքը: Մեր խումբը զբաղվում էր բժշկական քարտի (բժիշկների կողմից օգտագործվող փաստաթուղթ՝ հիվանդների մասին տեղեկություններն արձանագրելու համար) թվայնացմամբ, որպեսզի այն ձեռքով լրացնելու կարիք այլևս չլինի: Մենք ծրագրավորումն իրականացրել ենք Java-ի, Spring Boot-ի, Maven-ի, իսկ ֆրոնտ-էնդ ծրագրավորումը՝ JSX-ի օգտագործմամբ: Սա առաջին անգամն էր, երբ ես սկզբից մինչև վերջ ներգրավված էի մշակման գործընթացում: Ես սկսեցի փոքր քայլերից՝ իրականացնելով մաս առ մաս կոդավորում, մինչև որ հավելվածն ամբողջան տեսք ստացավ»,- բացատրում է ՀԱՀ սոցիոլոգիայի ֆակուլտետի ուսանող և ինքնուս ծրագրավորող Լիլիթ Հովհաննիսյանը: Երկրորդ խումբը C# ծրագրավորման լեզվի և Microsoft.NET Core-ի օգտագործմամբ ստեղծեց վեբ հավելված, որը կառավարում է բժիշկների ու հիվանդների
ժամանակացույցը: Բժիշկների համար նախատեսված ինտերֆեյսը ցույց է տալիս ամենօրյա գրանցված այցելությունները, այցելուների քանակը և այլ տվյալներ, իսկ հիվանդի համար նախատեսված ինտերֆեյսը օգտագործողին հնարավորություն է տալիս տեսնել բժշկի ժամանակացույցը և գրանցվել այցելության համար:
«Հավելվածը կնվազեցնի հիվանդանոցներում և կլինիկաներում հերթերն ու սպասելաժամանակը: Հիվանդները հեռակա կարգով կգրանցվեն այցելության համար ու կժամանեն իրենց նշականակած օրը և ժամին: Սա մշակման ենթակա ավելի մեծ ծրագրի ընդամենը մի մասն է»,- ասում է ծրագրի մասնակից Արտաշես Տեր-Աբրահամյանը՝ ներկայացնելով արդյունքները:
Ծրագրի ընթացքում Լիլիթը հայտնաբերեց, թե որքան հետաքրքրված է առողջապահության թվայնացման հարցում: Այնքան, որ նա նույնիսկ որոշել է մասնագիտանալ տվյալ բնագավառում: Նրա նվիրվածությունն աննկատ չմնաց նախագծի դասընթացավարների կողմից: Ծրագրի ավարտին նրան առաջարկվեց շարունակել իր աշխատանքը ԱՆՀ-ի Hi Care նախաձեռնության շրջանակներում: «Անցած երեք ամիսների ընթացքում ես ոչ միայն ծանոթացա նոր բնագավառի հետ, այլև ձեռք բերեցի տեսական գիտելիքներ և գործնական հմտություններ, որոնց հիման վրա հույս ունեմ կառուցել իմ ապագան»,- ասում է Լիլիթը:
Թեև Թումո լաբորատորիաներ – ԱՆՀ ձևաչափով համագործակցության համար նախատեսված երեք ամիսներն ավարտվում են, նախագծի մասնակիցները դեռ նոր են ոգևորվում: Նրանք քննարկում են, թե ինչպես կառուցեն իրենց հետագա գործունեությունն ու շարունակեն ներգրավված մնալ Հայաստանում առողջապահության թվայնացման գործընթացում:
Թումո լաբորատորիաները ԵՄ Թումո ինժեներական և կիրառական գիտությունների համալիրում գործող կրթական ծրագիր է: Այն ֆինանսավորվում է Հայաստանում Եվրոպական միության գործունեության շրջանակներում:
Մեր կայքում օգտագործվում են քուքիներ՝ կայքի հետ Ձեր աշխատանքը բարելավելու, կայքի նավիգացիայի արագացման և կայքի օգտագործումը վերլուծելու համար: Սեղմելով «Ընդունել բոլոր քուքիները» կոճակի վրա՝ Դուք համաձայնություն եք տալիս մեր կողմից քուքիների օգտագործմանը:
Մեր կողմից օգտագործվող քուքիների մասին ավելին իմանալու կամ Ձեր քուքիների կարգավորումները փոփոխելու համար ծանոթացեք Քուքիների քաղաքականությանը:
Ֆունկցիոնալ քուքիներ
Ֆունկցիոնալ քուքիները կարևոր են կայքի գործառնության համար: Այս քուքիները մեզ օգնում են նաև չափել կայքի կատարողականը և բարելավել կայքի հետ Ձեր աշխատանքը, ինչպես նաև հիշել Ձեր կողմից ընտրած յուրաքանչյուր կարգավորում:
If you disable this cookie, we will not be able to save your preferences. This means that every time you visit this website you will need to enable or disable cookies again.
Գովազդային / Թիրախավորման քուքիներ
Գովազդային / թիրախային քուքիները մեր կողմից օգտագործվում են օգտվողի գործողություններին և այցելություններին հետևելու համար, որպեսզի մենք կարողանանք մատուցել ավելի անհատականացված ծառայություն: Գովազդային քուքիների դեպքում դրանք սահմանվում են երրորդ կողմերի կողմից, որոնց հետ մենք իրականացնում ենք գովազդային արշավներ: Այդ քուքիները մեզ թույլ են տալիս մատուցել Ձեզ վերաբերող գովազդներ: Սրանք ընտրովի քուքիներ են, և օգտատերերը ցանկացած պահի կարող են հրաժարվել դրանցից: