Ադրբեջան

EU4Digital-ը կբարելավի պետական կառավարման մարմինների աշխատանքը, տնտեսական աճի եւ զբաղվածության խթանման միջոցով կնպաստի տնտեսության դիվերսիֆիկացմանը, ինչպես նաեւ կբարելավի Ադրբեջանի քաղաքացիների կյանքի որակը:  EU4Digital-ի միջոցով թվային շուկաների ներդաշնակեցման արդյունքում կբարելավվեն առցանց ծառայությունները, որոնք ավելի մատչելի գներով եւ ավելի լայն ընտրությամբ կհրամցվեն բոլոր մարդկանց:

Ադրբեջանի համար թվային տնտեսության զարգացումն առաջնային խնդիր է, ներառյալ էլեկտրոնային ծառայությունների միախմբման եւ հանրային ծառայությունների թվայնացման վրա կենտրոնացումը։ Թվային փոխակերպումը նշված է կառավարության սոցիալական-տնտեսական ռազմավարության առաջնահերթություններում։

Ադրբեջանը ձգտում է մինչեւ 2024 թվականը ավելացնել ինտերնետ հասանելիություն ունեցող բնակչության թիվը: Կիբերանվտանգության ռազմավարությունը, որը պատրաստվել է Տվյալների գաղտնիության մասին օրենսդրության վրա շեշտադրմամբ, նպատակ ունի աջակցել երկրի թվայնացմանը:

ԵՄ-ն՝ Համաշխարհային բանկի հետ սերտ համագործակցությամբ, ֆինանսավորել է Ադրբեջանին օպերատիվ տեխնիկական աջակցության գործիքի (AZTAF) վերաբերյալ վարչական համաձայնագիրը (2022թ.): Այս
եռամյա ծրագիրը կարձագանքի եւ կաջակցի կառավարության առաջնահերթություններին, որոնց թվում են «Խելացի գյուղերը» եւ թվային կապի ապահովումը։

ԵՄ-ն եւ ՎԶԵԲ-ն աջակցում են ժամանակակից լայնաշերտ կապի ենթակառուցվածքների ընդարձակմանն Ադրբեջանի ավելի քան 280,000 տնային տնտեսությունների համար՝ Արեւելյան գործընկերության տնտեսական եւ ներդրումային պլանի շրջանակներում տրամադրելով մինչեւ 50 միլիոն ԱՄՆ դոլարի վարկ: Թվային զարգացման եւ տրանսպորտի նախարարության ենթակայության տակ գործող «Ազտելեկոմ» ընկերությանը տրամադրված այս վարկը կաջակցի ցանցի ընդլայնմանը` բարելավելու կապի արագությունը, հզորությունը եւ թողունակությունը՝ այդպիսով վերացնելով մայրաքաղաքի եւ գյուղական շրջանների միջեւ թվային անջրպետը:

Ադրբեջանի հետ ԵՄ-ի հարաբերությունների մասին ավելին իմանալու համար այցելեք՝

• EU4Azerbaijan վեբկայք.
• Ադրբեջանում Եվրոպական միության պատվիրակության վեբկայք։