Մոլդովայի Հանրապետություն

Մոլդովայում EU4Digital-ի միջոցով թվային շուկաների ներդաշնակեցումը կհանգեցնի մրցակցության աճին, ինչն ավելի մատչելի գներով եւ առավել լայն ընտրությամբ բարելավված առցանց ծառայություններ է ենթադրում: Այն կներգրավի ներդրումներ, կխթանի առեւտրի ու զբաղվածության ծավալների աճին՝ նպաստելով երկրի զարգացմանը:

EU4Digital-ի միջոցով ԵՄ-ն աջակցում է ռոումինգի սակագների իջեցմանը, գերարագ լայնաշերտ ցանցի զարգացմանը՝ տնտեսությունների խթանման եւ էլեկտրոնային ծառայությունների ընդլայնման, կիբերանվտանգության համակարգման ու հասարակությունում թվային շրջանակների ներդաշնակեցման նպատակով: Նախաձեռնությունը ներառում է տարբեր ոլորտներ՝ լոգիստիկայից մինչեւ առողջապահություն, կատարելագործված հմտություններ եւ թվային արդյունաբերությունում աշխատատեղերի ստեղծում:

Մոլդովայի թվային փոխակերպման 2023-2030թթ. ռազմավարությունն ուրվագծում է թվային ոլորտում կառավարության առաջնահերթությունները, որոնք ուղղված են ֆունկցիոնալ եւ փոխկապակցված թվային պետության ստեղծմանը, կրթության միջոցով թվային հասարակության զարգացմանը, ազգային թվային ենթակառուցվածքների կայացմանը, ՏՀՏ ոլորտի ամրապնդմանը, կիբերանվտանգության ամրապնդմանը եւ թվային տնտեսության խթանմանը՝ ավելացնելով էլեկտրոնային վճարումները, առցանց կոմերցիան եւ այլն:

Մոլդովայում ՏՀՏ ոլորտը շարունակում է լինել ազգային տնտեսության ամենաարագ զարգացող ոլորտը, որը հանդես է գալիս որպես տնտեսության եւ հասարակության թվային փոխակերպման շարժիչ ուժ: Այդ աճի մեծ մասը պայմանավորված է հատուկ հարկաբյուջետային ռեժիմի՝ Մոլդովայի ինովացիոն եւ տեխնոլոգիական պարկի (Եվրոպայի առաջին «էլեկտրոնային պարկ»-ը, որին անդամակցում են ավելի քան 1000 ընկերություններ) հաջող ներդրմամբ:

2020 թվականին ԵՄ-ն մեկնարկեց 7 միլիոն եվրո արժողությամբ «ԵՄ-ն Մոլդովային՝ Կահուլ ստարտափ քաղաք» ծրագիրը: Համագործակցելով Շվեդական միջազգային զարգացման համագործակցության գործակալության (Sida) եւ ՏՀՏ ընկերությունների ազգային ասոցիացիայի (ATIC) հետ՝ ԵՄ-ն այս ծրագրի միջոցով աջակցում է Մոլդովայի ՏՀՏ ոլորտի զարգացմանը եւ թվային բարեփոխումների օրակարգին, ինչպես նաեւ խրախուսում է նորարարություններին ուղղված գործընկերությունները պետական եւ մասնավոր հատվածների ու կրթական հաստատությունների հետ։

Մոլդովան առաջընթաց է գրանցել տնտեսության թվայնացման խթանման եւ էլեկտրոնային կոմերցիայի զարգացման իր ճանապարհային քարտեզի իրականացման գործում: 2022 թվականին ներդրվել են երկու նոր ազգային ծրագրեր՝ «Փոքր եւ միջին ձեռնարկությունների թվային փոխակերպման ծրագիր»-ը եւ «Թվային նորարարությունների եւ տեխնոլոգիական ստարտափների աջակցության ծրագիր»-ը։ Դրանք նախատեսված են ՓՄՁ-ների աջակցման եւ տեխնոլոգիական ստարտափներին ֆինանսավորման համար եւ իրականացվում են Ձեռնարկատիրության զարգացման կազմակերպության (ODA) կողմից:

Կիբերանվտանգության ոլորտում ԵՄ-ն «Օպերատիվ աջակցության ծրագրի» միջոցով աջակցում է ազգային իրավասու մարմիններին՝ վերջիններիս գործունեությունը ցանցերի եւ տեղեկատվական համակարգերի վերաբերյալ ԵՄ հրահանգներին համապատասխանեցնելու գործում՝ նպատակ ունենալով բարձրացնել հանրային հատվածի կազմակերպությունների եւ հիմնական ենթակառուցվածքային ոլորտների կիբեր դիմակայունությունը:

Մոլդովայի հետ ԵՄ-ի հարաբերությունների մասին ավելին իմանալու համար այցելեք՝

• EU4Moldova վեբկայք.
• Մոլդովայում Եվրոպական միության պատվիրակության վեբկայք։