Վրաստան

Թվայնացումը կարող է բժշկական օգնությունն ավելի արդյունավետ, ճշգրիտ եւ մատչելի դարձնել: EU4Digital-ն աջակցում է տարածաշրջանում թվային առողջապահության ներդաշնակեցմանը՝ ի աջակցություն Արեւելյան գործընկերության երկրներին իրենց էլեկտրոնային առողջապահության ծառայությունները սեփական սահմաններից դուրս փոխկապակցելու հարցում: Այս 59 վայրկյանանոց տեսանյութը բացատրում է, թե ինչպես է «EU4Digital» ծրագրի «Էլեկտրոնային առողջապահություն» թեմատիկ ուղղության գործունեությունը սատարում այս նպատակներին:

Յուրաքանչյուր բիզնես կախված է նորարարական էկոհամակարգի բարգավաճման մակարդակից: Արեւելյան գործընկերության երկրներն ապավինում են EU4Digital-ին, որպեսզի վերջինս օգնի խթանել իրենց էկոհամակարգը ստարտափների եւ ներդրողների համար: Այս 50 վայրկյանանոց տեսանյութը բացատրում է, թե ինչպես են «ՏՀՏ նորարարություններ» թեմատիկ ուղղության տարբեր միջոցառումները նպաստում այդ աջակցությանը:

Ինչպե՞ս են Արեւելյան գործընկերության երկրները զարգացնում գործարար կապերը Եվրոպական միության երկրների հետ, եւ ինչպե՞ս է դա դառնում ավելի հեշտ եւ անվտանգ: էլեկտրոնային կոմերցիայի ոլորտի էկոհամակարգի, օրենսդրության, ստանդարտների եւ աշխատանքային գործելակերպերի ներդաշնակեցմանն ուղղված EU4Digital-ի ջանքերը սատարում են այս նպատակին։ Այս 58 վայրկյանանոց տեսանյութը բացատրում է, թե ինչպես են «EU4Digital» ծրագրի «էլեկտրոնային առեւտուր» թեմատիկ ուղղության բոլոր գործողությունները նպաստում մրցունակության խթանմանը եւ թվային տնտեսության բարելավմանը:

Կայուն տնտեսական զարգացման համար Արեւելյան գործընկերության երկրներին անհրաժեշտ է մատչելի կապի հասանելիություն: «EU4Digital» ծրագրի «Հեռահաղորդակցության կանոններ» թեմատիկ ուղղությունն աջակցում է այս նպատակին մի շարք միջոցառումների միջոցով, որոնք վերջնարդյունքում օգնում են ավելի էժան, արագ եւ անվտանգ թվային կապը հասանելի դարձնել անընդհատ աճող թվով մարդկանց համար: Այս 49 վայրկյանանոց տեսանյութը բացատրում է, թե ինչպես։

Մենք գիտենք, որ թվային հմտությունների զարգացումը նպաստում է հասարակությունների թվային փոխակերպմանը: «EU4Digital» ծրագրի «Թվային հմտություններ» թեմատիկ ուղղության շրջանակներում իրականացվում են տարբեր օժանդակ միջոցառումներ, որպեսզի Արեւելյան գործընկերության երկրները կարողանան ուսուցման հնարավորությունները հասու դարձնել բոլոր տարիքի եւ եկամուտի ցանկացած մակարդակ ունեցող քաղաքացիների համար: Այս 50 վայրկյանանոց տեսանյութը բացատրում է, թե ինչպես։

Թվային դարաշրջանում էլեկտրոնային նույնականացման (eID) եւ վստահության ծառայությունները պետք է տարածվեն ազգային սահմաններից ինչպես ներս, այնպես էլ դուրս։ EU4Digital-ն աջակցում է Արեւելյան գործընկերության երկրների՝ թվային ծառայությունների միջսահմանային հասանելիությունն ունիֆիկացնելու նպատակին: Այս 61 վայրկյանանոց տեսանյութը բացատրում է, թե ինչպես է «EU4Digital» ծրագրի «Էլեկտրոնային վստահություն» թեմատիկ ուղղությունը ցուցաբերում այդ աջակցությունը:

Լայնաշերտ կապի ոլորտում մրցունակ ծառայությունների խթանման ԵՄ լավագույն փորձը նկարագրող զեկույցը մշակվել է «EU4Digital» ծրագրի փորձագետների կողմից՝ «Հեռահաղորդակցության կանոններ»-ի ուղղությամբ գործունեության շրջանակներում: Զեկույցը բաղկացած է չորս հիմնական մասերից, որոնք ցույց են տալիս լայնաշերտ կապի զարգացման ուղղությամբ Եվրոպական միության ճանապարհային քարտեզը։ Զեկույցի հիմնական նպատակն է կիսվել ԵՄ-ի եւ ԵՄ անդամ երկրների կուտակած փորձով:

5G ցանցի անվտանգության ապահովման ԵՄ գործիքակազմի ներդրման վերաբերյալ EU4Digital-ի զեկույցը նկարագրում է ԵՄ լավագույն փորձը, ռազմավարության եւ ռիսկերի հետ կապված հիմնական ոլորտները, խթանում է համակարգված մոտեցումը եւ ուղեցույց է տրամադրում Արեւելյան գործընկերության երկրներին, նրանց ցանցային օպերատորներին եւ այլ շահագրգիռ կողմերին:

Այս զեկույցում ներկայացված է Եվրոպական միությունում միջսահմանային էլեկտրոնային կոմերցիայի վիճակի, ինչպես նաեւ ԵՄ լավագույն փորձի եւ նորմերի համառոտ ակնարկը: ԵՄ ելակետային զեկույցը կոչված է ուղենիշ լինելու Արեւելյան գործընկերության երկրների միջսահմանային էլեկտրոնային կոմերցիայի գնահատման համար: 99 էջանոց զեկույցի առանձին գլուխներում ներկայացված եւ վերլուծված են ԵՄ ելակետային ցուցանիշները երեք հիմնական ոլորտներում՝ իրավական դաշտ, ստանդարտներ եւ էլեկտրոնային կոմերցիայի էկոհամակարգ: