Եվրոպայի խորհրդի կողմից իրականացվող ծրագիրը կնպաստի ԱլԳ գործընկեր երկրների կիբերդիմակայունությանը և քրեական արդարադատության արձագանքի բարելավմանը՝ կենտրոնանալով երկու հիմնական կառուցվածքային տարրերի վրա: Նախ` կիբերանվտանգության և կիբերհարձակումներից պատրաստվածության մակարդակի բարձրացմանն ուղղված տեխնիկական և համագործակցային մեխանիզմների զարգացումը, և երկրորդ` կիբերհանցագործությունների դեմ պայքարի արդյունավետ շրջանակի լիարժեք ներդրումը:
Նպատակներ
Ծրագրի նպատակն է բարձրացնել Արևելյան գործընկեր երկրների կիբերդիմակայունությունն ու բարելավել քրեական արդարադատության կարողությունները՝ կիբերսպառնալիքների մարտահրավերներին ավելի լավ արձագանքելու և իրենց ընդհանուր անվտանգությունը բարելավելու համար:
Գործողություններ
Ծրագիրն իրականացնում է հետևյալ գործողությունները.
Կիբերանվտանգություն
- ԱլԳ երկրներում կիբերանվտանգության ազգային կառավարման ու իրավական դաշտի ամրապնդում, այդ թվում՝ հետևյալ միջոցներով.
– Կարողությունների զարգացում.
– Աջակցություն օրենսդրական դաշտի փոփոխություններին կամ զարգացմանը.
– Կիբերսպառնալիքների և արձագանքման, մարդու իրավունքների, տվյալների պաշտպանության երաշխիքների ու վերահսկողության մեխանիզմների վերաբերյալ ուսուցում և մենթորություն.
– Մասնավոր հատվածում ծառայություններ մատուցողների հետ համագործակցություն.
– Հանրային իրազեկման բարձրացում:
- ԱլԳ երկրներում կրիտիկական տեղեկատվական ենթակառուցվածքների պաշտպանության ամրապնդում, այդ թվում՝ հետևյալ միջոցներով.
– Տեխնիկական օժանդակության ցուցաբերում ազգային կրիտիկական տեղեկատվական ենթակառուցվածքներին.
– Աջակցություն կրիտիկական տեղեկատվական ենթակառուցվածքների պաշտպանությանն ուղղված գործողությունների ծրագրերի և ընթացակարգերի մշակմանը.
– Կրիտիկակական տեղեկատվական ենթակառուցվածքների պաշտպանության համակարգերի զարգացման ուղղությամբ տեխնիկական աջակցություն և վերապատրաստում:
- ԱլԳ երկրներում կիբերանվտանգության ոլորտում միջադեպերի կառավարման գործառնական կարողությունների բարձրացում, այդ թվում՝ հետևյալ միջոցներով.
– Կիբերմիջադեպերի կառավարման վերաբերյալ համատեղ հանդիպումների ու կիբերհարձակման իրավիճակների իմիտացիոն գործողությունների և սեղանի վարժությունների կազմակերպում.
– Համատեղ կիբերգործողություններ և հետաքննություններ.
– Իրական կիբերմիջադեպերի ժամանակ աջակցություն միջգերատեսչական և միջազգային համագործակցություններին.
– Առկա տարածաշրջանային ցանցերի աջակցություն և համախմբում:
Կիբերհանցավորություն
- Օրենսդրական և քաղաքական կառուցակարգերի բարելավում և համապատասխանեցում Բուդապեշտի կոնվենցիայի հետ, այդ թվում՝ հետևյալ միջոցներով.
– Կիբերհանցագործությունների մասին Բուդապեշտի կոնվենցիային համապատասխանության գնահատում՝ երկրների գնահատման միջոցով.
– Աջակցության ցուցաբերում կիբերհանցագործությունների ռազմավարությունների ու գործողությունների ծրագրերի մշակմանը / թարմացմանը.
– Կիբերհանցագործությունների և կիբերանվտանգության միտումների ու սպառնալիքների վերաբերյալ ազգային ու տարածաշրջանային զեկույցների պատրաստում.
– Քրեական արդարադատության մարմինների և քաղաքականություն մշակողների բարձր մակարդակի տարածաշրջանային ու ազգային հանդիպումներ՝ առանցքային խնդիրները գնահատելու նպատակով:
- Դատական և իրավապահ մարմինների կարողությունների ամրապնդում ու միջգերատեսչական համագործակցություն, այդ թվում՝ հետևյալ միջոցներով.
– Ինստիտուցիոնալ կարգավորումների, կարողությունների, իրավասությունների, վերապատրաստման կարիքների, ինչպես նաև միջգերատեսչական համագործակցության բացերի և տարածաշրջանում կիբերհանցագործությունների հնարավորությունների գնահատում.
– Աջակցություն կիբերհանցավորության դեմ պայքարող ստորաբաժանումների համար վերապատրաստման պլանների թարմացմանը և (կամ) մշակմանը.
– Կիբերհանցագործության հետաքննության և թվային փորձաքննության վերաբերյալ ուսումնական դասընթացների, դեպքի սիմուլյացիոն վարժությունների և սիմուլյացիոն դատավարությունների անցկացում.
– Կիբերհանցագործությունների / կիբերմիջադեպերի զեկուցման և տվյալների փոխանակման վերաբերյալ համաձայնեցված ընթացակարգերի մշակում Համակարգչային անվտանգության միջադեպերի և արձագանքման թիմերի (CSIRTs) կողմից՝ քրեական արդարադատության մարմինների հետ համատեղ:
- Քրեական արդարադատության, կիբերհանցագործության և էլեկտրոնային ապացույցների վերաբերյալ արդյունավետ միջազգային համագործակցության և վստահության բարձրացում, այդ թվում` ծառայություն մատուցողների և իրավապահ մարմինների միջև, այդ թվում՝ հետևյալ միջոցներով.
– Կիբերհանցագործությունների և էլեկտրոնային ապացույցների հետ կապված քրեական գործերի շրջանակներում փոխադարձ իրավական աջակցության ցուցաբերման նպատակով դիմումների ներկայացման վերաբերյալ ուղեցույցների մշակում.
– 24/7 ձևաչափով կոնտակտային կենտրոնների վարման հմտությունների, ստեղծման ու կոմպետենցիաների բարելավմանն ուղղված աշխատաժողովների, դասընթացների և սիմուլյացիոն խաղերի անցկացում.
– Կիբերհանցագործությունների դեմ պայքարող ստորաբաժանումների և դատախազների համար նախատեսված վերապատրաստման դասընթացների կազմակերպում՝ տվյալների պահպանման և բաժանորդի մասին տեղեկատվության ստացման նպատակով միջազգային հարցումների ձևաթղթերի օգտագործման վերաբերյալ.
– Կիբերհանցագործությունների վերաբերյալ միջազգային համագործակցության հմտությունների զարգացմանն ուղղված դեպքի սիմուլյացիոն վարժությունների անցկացում.
– Աջակցություն իրավապահ մարմինների և քրեական արդարադատության մարմինների միջև համագործակցության համաձայնագրերին.
– Ստանդարտացված ձևաթղթերի և ընթացակարգերի մշակմանն ուղղված աշխատաժողովների կազմակերպում` մասնավոր ընկերությունների տիրապետած տվյալների նկատմամբ հասանելիություն ստանալու նպատակով.
– Աջակցություն պետական և մասնավոր հատվածների միջև համագործակցության շուրջ երկխոսությանը:
Հայերեն 
Ադրբեջաներեն
Անգլերեն
Բելառուսերեն
Ուկրաիներեն
Ռումիներեն
Ռուսերեն
Վրացերեն