քարտեր

2. Ի՞նչ է անում EU4Digital-ը ՏՀՏ նորարարությունների ոլորտում:

ՏՀՏ նորարարությունների ոլորտում EU4Digital-ի գործունեության ուղղությունները հինգն են.

1. Արևելյան հարևանության տարածաշրջանում ընդհանուր օրենսդրական դաշտի ստեղծում, որը, հիմնվելով ԵՄ նորմերի ու լավագույն փորձի վրա, կնպաստի ՏՀՏ նորարարություններին: Սա ներառում է լավագույն քաղաքականությունների ու պրակտիկաների վեր հանում և փոխանակում՝ հիմնվելով ՏՀՏ նորարարությունների ուսումնասիրության արդյունքների ու առաջարկությունների վրա:
2. Ընդհանուր ուսումնական փաթեթների մշակում` տարածաշրջանում էկոհամակարգի շահագրգիռ կողմերի հիմնական խմբերի (քաղաքականության մշակողներ, ՏՀՏ նորարարությունների ենթակառուցվածքային կազմակերպություններ, ՏՀՏ ոլորտի հետ առնչվող և չառնչվող ձեռնարկություններ) կարիքներին արձագանքելու համար:
3. Տարածաշրջանի ներսում նորարարական էկոհամակարգի դերակատարների շրջանում, ինչպես նաև ԵՄ-ի հետ գործարար կապերի ընդլայնման խթանում՝ համապատասխան միջոցառումների և ուսումնական այցերի միջոցով: «Ստարտափ Եվրոպա» («Start-up Europe») խոշորագույն միջոցառման հետ համաժամանակեցված «Start-EaP week» ամենամյա միջոցառման գործարկում:
4. «Ստարտափ Եվրոպա» ցանցերի և հարթակների ընդլայնում` ներառելով Արևելյան գործընկերության երկրները: Դրանում ընդգրկված են, օրինակ, Ձեռնարկությունների եվրոպական ցանցը, Եվրոպայի բիզնես հրեշտակներն ու Աքսելերատորների համագումարը: Որպես հաջորդ քայլ՝ EU4Digital-ը կգնահատի Արևելյան գործընկերության երկրներում ՏՀՏ-ների հետ կապված տեխնոպարկերի միջև ոլորտային համագործակցության լրացուցիչ գործառույթների անհրաժեշտությունը, և, ըստ նպատակահարմարության, կներդնի դրանք:
5. Արևելյան գործընկերության երկրներում առաջխաղացման արշավների իրականացում` ՏՀՏ նորարարությունների կարևորության վերաբերյալ իրազեկվածության բարձրացման համար:
6. Արևելյան գործընկերության երկրներում «Թվային նորարարություններ և մասշտաբների ընդլայնում» նախաձեռնության համար շուկայի գնահատման իրականացում՝ թվային նորարարությունների ոլորտում ներդրումային բացերի խնդիրը լուծելու և տարածաշրջանում թվային ստարտափների մասշտաբների ընդլայնմանն օժանդակելու համար: Շուկայի գնահատումը Եվրոպական հանձնաժողովին կօգնի հասկանալ ներդրումային բացերը և հիմք կծառայի Արևելյան գործընկերության երկրներում DISC-ի նմանությամբ նախաձեռնության (այն ի սկզբանե գործարկվել է ԵՄ երկրներում) իրականացումը դիտարկելու համար:

3. Ի՞նչն այն չէ գործող օրենսդրական դաշտի հետ: Արդյո՞ք ավելի կարևոր չէ նորարարություններին տեղում աջակցելը

Նորարարությունները բարենպաստ միջավայրի կարիք ունեն, որպեսզի զարգանան: Սա ներառում է գիտելիքների մատչելիությունը, ռիսկակայուն ֆինանսավորումը և սխալներ թույլ տալու իրավունքը: Ձեռնարկատերերը հաճախ ասում են, թե իրենք կառավարության կողմից աջակցության կարիք չունեն, և վերջինիցս իրենց միակ ակնկալիքն այն է, որպեսզի այն չմիջամտի իրենց գործունեությանն ու թույլ տա նորարարություններ անել:

Այնուամենայնիվ, նորարարությունների համար բարենպաստ միջավայրի ստեղծումը քաղաքական գործիչների կողմից որոշակի քայլերի կարիք ունի: Քաղաքական միջամտությունն անհրաժեշտ է այն ոլորտներում, որտեղ նկատվում են շուկայի ձախողումներ, մասնավորապես՝ խորքային տեխնոլոգիական ոլորտներում հիմնարար և կիրառական հետազոտություններ կատարելու փուլերում, որտեղից նորարարական ընկերությունները առաջատար փորձ են ձեռք բերում:

Անհրաժեշտ է ներդնել ամբոխավճարների (քրաուդֆանդինգ), բիզնես հրեշտակների և վենչուրային կապիտալի գործառնության համակարգ, որը կպաշտպանի ինչպես ներդրողներին, այնպես էլ սկսնակ ձեռնարկություններին: Կարգավորիչ ավազանները (վերահսկվող միջավայր, որտեղ կարող են տեղի ունենալ նորարարություններ ֆինանսական տեխնոլոգիաների ոլորտում՝ միաժամանակ ապահովելով ռիսկերի կառավարման երաշխիքներ և դաշտում գործող խաղացողներին թույլ տալով կատարել նորարարական ֆինանսական արտադրանքների ու ծառայությունների փորձարկումներ) ստեղծվում են՝ ստուգելու համար, թե բլոքչեյնի ու ինքնավար տրանսպորտային միջոցների նման նորագույն տեխնոլոգիաները ինչպես կարող են բավարարել հաճախորդների կարիքները՝ առանց վերջիններիս վտանգի ենթարկելու: Մտավոր սեփականության իրավունքների պաշտպանությունը կարիք ունի ինստիտուցիոնալ շրջանակի, որը ներդաշնակեցված կլինի համաշխարհային համակարգի հետ:

Հիմնական հասկացությունների համաձայնեցումն ու ԵՄ լավագույն պրակտիկաների, գործիքների ու կարգավորումների ուսումնասիրությունը թույլ կտա, որպեսզի Արևելյան հարևանության երկրները և ԵՄ երկրները ներկայացնող գործարարներն աշխատեն նույնական կանոնների վրա և կնպաստի եվրոպական ռիսկային ներդրումների հոսքին դեպի Արևելյան գործընկերության երկրներ:

4. Ի՞նչ է իրենից ներկայացնում «Թվային նորարարություններ և մասշտաբների ընդլայնում» նախաձեռնությունը և ինչպե՞ս կարող է այն օգնել տարածաշրջանում նորարարություններին:

«Թվային նորարարություններ և մասշտաբների ընդլայնում» (DISC) նախաձեռնությունն ի սկզբանե գործարկվել է Կենտրոնական, Արևելյան ու Հարավարևելյան Եվրոպայի տարածաշրջանում և նպատակ ունի արձագանքել թվային նորարարությունների ուղղությամբ ներդրումային բացերին ու աջակցել տարածաշրջանում թվային ստարտափների մասշտաբների ընդլայնմանը:

Հիմնվելով այս մոտեցման վրա՝ Եվրոպական հանձնաժողովը նպատակ ունի չափել Արևելյան գործընկերության երկրներում նույնատիպ նախաձեռնության իրականացման անհրաժեշտությունն ու հնարավորությունները: Դրան հասնելու համար «EU4Digital» ծրագիրը նախաձեռնել է նոր՝ «Արևելյան գործընկերության երկրներում «Թվային նորարարություններ և մասշտաբների ընդլայնում» նախաձեռնության համար շուկայի գնահատում» (DISC ուսումնասիրություն) գործողությունը:

Շուկայի գնահատումը Եվրոպական հանձնաժողովին կօգնի հասկանալ ներդրումային բացերը և հիմք կծառայի Արևելյան գործընկերության երկրներում DISC-ի նմանությամբ նախաձեռնության (ԵՄ ֆինանսական աջակցության հատուկ մեխանիզմի) իրականացումը դիտարկելու համար՝ ի աջակցություն տեղի բարձր տեխնոլոգիական ստարտափներին ու սքեյլափներին, ինչպես նաև վերջիններիս համար ֆինանսների մատչելիությանն ու տարածաշրջանի ներսում դրանց զարգացմանը:

5. Դուք նշեցիք եվրոպական ցանցերին ինտեգրման մասին: Լավ է հնչում, բայց ի՞նչ է դա իրականում նշանակում Արևելյան գործընկերության երկրների նորարարական բիզնեսի համար:

ԵՄ-ն ստեղծել է առցանց սկզբունքով գործող մի շարք ցանցեր և հարթակներ ՏՀՏ նորարարությունների էկոհամակարգի դերակատարների համար, ինչպիսիք են՝ ստարտափները, աքսելերատորները, վենչուրային կապիտալիստները և այլն: Դրանք ԵՄ անդամ տարբեր պետություններում գործող բիզնեսներին ու կազմակերպություններին թույլ են տալիս կապ հաստատել միմյանց հետ՝ կոնտակտներով ու գաղափարներով փոխանակվելու և համատեղ նախաձեռնություններին ու միջոցառումներին մասնակցելու համար:

Նշված ցանցերի և հարթակների ընդլայնումը դեպի Արևելյան գործընկերության վեց երկրներ այդտեղ գործող համապատասխան շահագրգիռ կողմերին թույլ կտա ինտեգրվել ԵՄ ՏՀՏ նորարարությունների և ստարտափների ավելի խոշոր էկոհամակարգում: Արևելյան հարևանության երկրների բիզնեսների ու կազմակերպությունների համար ավելի կհեշտանա ԵՄ-ում համապատասխան գործակիցներ, ներդրումներ, ծառայություններ ու բիզնես գործընկերներ գտնելը, ինչը կնպաստի երկու տարածաշրջաններում ՏՀՏ նորարարությունների և ստարտափ էկոհամակարգերի զարգացմանը:

6. Իսկ ի՞նչ կասեք ուսումնական փաթեթների մասին: Ո՞ւմ համար են դրանք նախատեսված և հմտությունների ո՞ր բացերն են դրանք փակում: Ե՞րբ կարող ենք ակնկալել, որ դրանք ուժի մեջ կմտնեն:

Ընդհանուր ուսումնական փաթեթներն ուղղված են Արևելյան գործընկերության երկրների էկոհամակարգայինշահագրգիռկողմերիհիմնականխմբերին.

• Տեղերում քաղաքականություն մշակողներ (քաղաքական գործիչներ).
• ՏՀՏ նորարարությունների ենթակառուցվածքային կազմակերպություններ.
• ՏՀՏ-ների հետ առնչություն ունեցող և չունեցող բիզնեսներ:

Ուսումնական փաթեթները նախատեսում են տարբեր մոդուլներ, որպեսզի թիրախային խմբերը լուծեն իրենց կոնկրետ կարիքները: Մոդուլներից յուրաքանչյուրը նախատեսված է ՏՀՏ ցանցերից և ենթակառուցվածքներից, ինչպես նաև զարգացող տեխնոլոգիաներից ու տրենդային հավելվածներից օգտվելու հիմունքները շահագրգիռ կողմերին ուսուցանելուն:

Ուսումնական փաթեթների մշակման ուղղությամբ կատարված աշխատանքները մեծապես հիմնված են ՏՀՏ նորարարությունների ուսումնասիրության վրա, որը բացահայտել է Արևելյան գործընկեր երկրներից յուրաքանչյուրում հմտությունների և գիտելիքների բացերը: Այս թիրախային ոլորտները հիմք են ծառայում շահագրգիռ կողմերի թիրախային խմբերից յուրաքանչյուրի համար մոդուլներ մշակելիս:

Այս գործողության ավարտին EU4Digital-ը շահագրգիռ կողմերի համար հասանելիություն կապահովի այն դասընթացների համապարփակ առցանց քարտեզի նկատմամբ, որոնք ներառվել են ընդհանուր ուսումնական փաթեթներում ու տրամադրվել են համաշխարհային ճանաչում ունեցող էլեկտրոնային ուսուցման հարթակների միջոցով՝ այդպիսով շահագրգիռ կողմերին հնարավորություն ընձեռելով անհրաժեշտ հմտություններ և գիտելիքներ զարգացնել իրենց բիզնես գործընթացներում նորարարական արժեքաստեղծ մոտեցում ներդնելու համար: