Home / Stay Informed /
Ի՞նչ է EU4Digital-ի էլեկտրոնային կոմերցիայի աքսելերատորը
Date: 24/04/20
«EU4Digital» ծրագրի «Էլեկտրոնային առեւտուր» թեմատիկ ուղղության էլեկտրոնային կոմերցիայի աքսելերատորը ԱլԳ երկրներին տրամադրում է թարմացված առաջարկություններ եւ գործողությունների պլաններ, որոնք ուղղված են առաջնահերթ ոլորտներում ԵՄ-ի հետ էլեկտրոնային կոմերցիայի ներդաշնակեցմանը: Այն նաեւ իրականացնում է լուծումների պիլոտավորում, որոնք կարող են մեծացնել ԵՄ-ի հետ անդրսահմանային էլեկտրոնային կոմերցիայի ծավալները՝ ԱլԳ երկրներին ազգային եւ ընկերությունների մակարդակով տրամադրելով անհատական առաջարկություններ, դասընթացներ եւ խորհրդատվություն:
Այս գործողությունը ներառում է «ազգային տաղավարային օգտահաշիվ» պիլոտային լուծումը, որն ուղղված է փոքր եւ միջին ձեռնարկությունների (ՓՄՁ) համար անդրսահմանային էլեկտրոնային կոմերցիայի դյուրացմանը: ԵՄ ընտրված էլեկտրոնային կոմերցիայի առեւտրային հարթակներում պետական սեփականությամբ ազգային տաղավարային օգտահաշիվների ստեղծումից հետո հայկական եւ ուկրաինական ՓՄՁ-ները կսկսեն վաճառել իրենց արտադրանքը՝ առանց հետագա գրանցման, փաստաթղթավորման կամ առեւտրային հարթակների կողմից այլ պահանջների: Սրա շնորհիվ նրանք կկարողանան ցուցադրել եւ վաճառել իրենց արտադրանքը ԵՄ-ում, ինչը նրանց թույլ կտա օգտվել գլոբալ հաճախորդների բազայից եւ ընդլայնել իրենց բիզնեսը ազգային սահմաններից դուրս: Այս նախաձեռնությունը մասնակից երկրների ՓՄՁ-ներին հնարավորություն է տալիս փորձարկել իրենց արտադրանքը ԵՄ շուկայում, ավելացնել անդրսահմանային վաճառքները եւ պոտենցիալ հիմք ստեղծել իրենց համապատասխան երկրներում նախագծերի հետագա զարգացման համար:
Բացի այդ, էլեկտրոնային կոմերցիայի աքսելերատորի խորհրդատվական կենտրոնի փորձագետների թիմը ԱլԳ երկրների ընտրված ՓՄՁ-ների համար անցկացնում է խմբային դասընթացներ եւ անհատական խորհրդատվական հանդիպումներ: Սա նրանց հնարավորություն է տալիս ինքնուրույն սկսել վաճառել եվրոպական ընտրված առեւտրային հարթակներում՝ առանց տաղավարային օգտահաշվի անհրաժեշտության:
Էլեկտրոնային կոմերցիայով զբաղվող ՓՄՁ-ների ընդգրկումը մեծացնելու համար EU4Digital-ը նաեւ փնտրում է էլեկտրոնային ուսուցման միջոցով ԵՄ հիմնական առեւտրային հարթակներում գործունեության հմտությունների զարգացման ուղիներ։ Վերջնական նպատակն է երկարաժամկետ ազդեցություն ունենալ ԱլԳ տարածաշրջանում էլեկտրոնային կոմերցիայի էկոհամակարգի զարգացման վրա:
- Էլեկտրոնային առևտուր
