Ռոումինգի համաձայնագի՞ր՝ հիանալի է հնչում: Արդյո՞ք սա նշանակում է, որ Արեւելյան գործընկերության երկրներում շրջելիս մենք «մեզ կզգանք ինչպես տանը», ինչպես դա անում են Եվրոպական միությունում:

Եվրոպական միության այլ երկրներ մեկնող ԵՄ քաղաքացիները «իրենց զգում են ինչպես տանը», ինչը նշանակում է, որ նրանք ստիպված չեն լինում լրացուցիչ գումար վճարել իրենց բջջային հեռախոսից օգտվելու համար: EU4Digital-ի աջակցությամբ պատրաստված տարածաշրջանային ռոումինգի համաձայնագիրը ԱլԳ քաղաքացիների համար նույնը չի նախատեսում։ Այնուամենայնիվ, այդպիսի համաձայնագիրը ռոումինգի գործող սակագների էական իջեցում կապահովի Արեւելյան գործընկերության հինգ երկրների շրջանում: Սա շարժական կապի ցանցերի հաճախորդներին թույլ կտա օգտվել ռոումինգի ավելի մատչելի ծառայություններից՝ Արեւելյան գործընկերության այլ երկրներում գտնվելիս: Ռոումինգի վերաբերյալ EU4Digital-ի վերջին ուսումնասիրության (2019թ.) արդյունքներով՝ սպասվում է սակագների նվազում՝ միջինում ավելի քան 80%-ի չափով։