Home / Stay Informed /
Ինչպիսի՞ն կարող են լինել էլեկտրոնային առողջապահության համակարգերը տարածաշրջանում հինգ տարի հետո: Ինչպե՞ս դրան կօգնի EU4Digital-ը
Date: 22/04/20
Ապագայի առողջապահության բնորոշիչը հիվանդների անընդհատ շարժունակությունն է՝ մատակարարից՝ մատակարար, երկրից՝ երկիր, ինչպես նաեւ բժշկական խնամքի ապահովման շարունակականությունն ու հիմնավորված որոշումների կայացումը՝ հանուն հիվանդի առողջության հետ կապված դրական արդյունքների: Էլեկտրոնային առողջապահության անդրսահմանային ենթակառուցվածքները եւ էլեկտրոնային դեղատոմսերն արտերկրում ճանապարհորդող յուրաքանչյուր քաղաքացու հնարավորություն կտան իրենց համար նշանակված դեղորայքը ձեռք բերել գտնվելու վայրի դեղատներից: Բժշկական ամփոփագրերի փոխանակումն էլ բուժաշխատողներին կօգնի հասկանալ հիվանդների բժշկական պատմությունը եւ կայացնել ապացույցների վրա հիմնված կլինիկական որոշումներ։
EU4Digital-ի էլեկտրոնային առողջապահության թիմը նպատակ ունի մշակել չափորոշիչներ եւ ուղեցույցներ՝ Արեւելյան գործընկերության երկրներում անդրսահմանային առողջապահությունը խթանելու համար, ինչը հնարավոր է միայն ընդհանուր փոխըմբռնման եւ համագործակցության պարագայում: Որպեսզի դա տեղի ունենա, թիմը պատրաստել է ԱլԳ երկրներում էլեկտրոնային առողջապահության ներկայիս վիճակի վերաբերյալ վերլուծություն եւ սահմանել յուրաքանչյուր երկրի առջեւ ծառացած մարտահրավերներն ու առաջնահերթությունները: Արդյունքում՝ մշակված ուղեցույցների փաթեթը հիմք կհանդիսանա տարածաշրջանում էլեկտրոնային դեղատոմսի (ePrescription) եւ հիվանդների ամփոփագրերի ծառայությունների տրամադրման համար:
- Էլեկտրոնային առողջապահություն
