ԱլԳ կարգավորողները հանդիպում են ունեցել իրենց ԵՄ գործընկերների հետ ու քննարկել ընդհանուր հետաքրքրության մի շարք հարցեր

Սեպտեմբերի 29-ին Դուբրովնիկում կայացած BEREC-EaPeReg-EMERG-Regulatel ձևաչափով գագաթաժողովի շրջանակներում Արևելյան գործընկերության էլեկտրոնային հաղորդակցության կարգավորողների ցանցի (EaPeReg) ներկայացուցիչները հանդիպում են ունեցել Էլեկտրոնային հաղորդակցության եվրոպական կարգավորողների մարմնի (BEREC) իրենց գործընկերների հետ: Հանդիպման ընթացքում կողմերը քննարկել են ընդհանուր հետաքրքրություն ներկայացնող մի շարք հարցեր:

Հանդիպման ընթացքում քննարկված թեմաները մասնավորապես ներառում էին հետևյալ հարցերը.

• Սպեկտրի օգտագործման կառավարում (5G ռազմավարությունների / պիլոտային ծրագրերի հետազոտման վերաբերյալ ԵՄ-ի փորձի փոխանակում, 5G միջանցքների ներդրում և այլն).
• Միջազգային ռոումինգի և դադարեցման սակագների (MTR, IMTR) կանոնակարգ (BEREC-ի ներդրումը ԵՄ-ի և ԱլԳ-ի միջև ռոումինգի ուսումնասիրության մեջ և դրանում ներառված առաջարկությունների իրականացումը, ՌՓԱԽ-ի համար ռոումինգի տվյալների հավաքագրման վերաբերյալ գործնական աշխատաժողովի / դասընթացի կազմակերպում և այլն).
• Ազգային կարգավորող մարմինների անկախություն (BEREC-ի աջակցությունը ԵՄ սկզբունքների հետևողական իրականացմանը, լայնաշերտ կապի ընդլայնում և NGA/VHCN-ի ներդրման խթանում).
• Շուկայի վերլուծություն:

Քննարկվեցին նաև կազմակերպչական հարցեր, ինչպիսիք են՝ պարբերական հանդիպումների անցկացումը, ԵՄ լավագույն փորձի ներկայացումը, ռազմավարությունների և աշխատանքային ծրագրերի պատրաստման ընթացքում կողմերին խորհրդատվության տրամադրումը: