EaPConnect-ը, հիմնվելով նախկին հաջողությունների վրա, մուտք է գործում երկրորդ փուլ՝ աջակցելու Արևելյան գործընկերության տարածքում հետազոտություններին և կրթությանը
Ամսաթիվ: 01/07/20
«EaPConnect» ծրագիրը 2020 թվականի հուլիսի 1-ից մտնում է երկրորդ փուլ: GÉANT ասոցիացիայի համակարգմամբ և ԵՄ-ի ֆինանսավորմամբ՝ «EU4Digital. հետազոտական և կրթական համայնքների միջև կապի ապահովում» (EaPConnect2) 60-ամսյա ծրագիրը կմիավորի Եվրամիության և Արևելյան գործընկերության երկրների գիտահետազոտական ու փորձակոնստրուկտորական համայնքներին և կնվազեցնի թվային խզվածքը:
Նոր ծրագիրը կհիմնվի առաջին «EaPConnect» ծրագրի նվաճումների վրա, որն ավելի մեծ ինտեգրում է ապահովել GÉANT-ի գործունեության, ծառայությունների և ցանցերի հետ, ինչպես նաև օգտակար է գտնվել Հայաստանում, Ադրբեջանում, Բելառուսում, Վրաստանում, Մոլդովայում և Ուկրաինայում հետազոտությունների, կրթության և հանրության լայն շրջանակների համար.
Ինտերնետ կապի սակագները Բելառուսում և Ուկրաինայում նվազել են մոտ 60%-ով, իսկ Հայաստանում, Ադրբեջանում և Վրաստանում՝ շուրջ 80%-ով՝ GÉANT-ի հետ համագործակցությամբ իրականացված գնումների շնորհիվ:
Առաջին ծրագրի մեկնարկի պահի համեմատ՝ GÉANT-ի հետազոտությունների և կրթության համաեվրոպական ցանցի հետ ինտերնետ կապի հզորությունը Վրաստանում, Ադրբեջանում, Մոլդովայում, Ուկրաինայում և Բելառուսում ավելացել է տասն անգամ, իսկ Հայաստանում՝ 7 անգամ:
Միացած հաստատությունների թիվը զգալիորեն աճել է Վրաստանում (17%), Հայաստանում (26%) ու Ադրբեջանում (58%), իսկ համալսարանների, գիտահետազոտական ինստիտուտների ու այլ հարակից հաստատությունների շուրջ 800,000 ուսանող, հետազոտող և աշխատող այժմ կարող են մուտք ստանալ EaPConnect-ի գործընկեր ցանցերի ու ծառայությունների նկատմամբ:
Տրամադրված ցանցերից և ծառայությունների ընդլայնվող շրջանակից օգտվում են տարբեր բնագավառներ ներկայացնող գիտնականներ, ինչպիսիք են՝ տարրական մասնիկների ֆիզիկան, սեյսմոլոգիան, կլիմայագիտությունը, կենսաբժշկական գիտություններն ու խոսքի սինթեզը և ճանաչումը:
Ծրագրի շրջանակներում ստեղծվել և ամրապնդվել են մարդկային ցանցեր, որոնցում ներգրավվել են չորս «EaPEC» համաժողովների և 30 դասընթացների ու աշխատաժողովների շուրջ 530 մասնակիցներ, ինչը շուրջ 500 մասնակիցներին միմյանց հանդիպելու և միասին սովորելու հնարավորություն է ընձեռել:
Երկրորդ «EaPConnect» ծրագիրը կզարգացնի ցանցային ենթակառուցվածքները՝ միջսահմանային գիտական փոխանակումներն ավելացնելու նպատակով, կավելացնի
EaPConnect-ի ներքո իրականացվող ծառայությունների օգտագործումը և կառաջարկի նոր ծառայություններ՝ հետազոտությունների և կրթության ոլորտում միջազգային համագործակցության բարելավելու նպատակով, ինչպես նաև կամրապնդի ԱլԳ ազգային հետազոտական և կրթական ցանցերի (ԱՀԿՑ-ներ) դիրքն՝ իրենց ազգային հետազոտական և կրթական էկոհամակարգերում:
Ֆինանսավորում և գործընկերներ
Ծրագիրը ֆինանսավորվում է Եվրոպական միության «EU4Digital» նախաձեռնության շրջանակներում: Եվրոպական հանձնաժողովի Հարևանության և ընդլայնման հարցերով բանակցությունների գլխավոր տնօրինությունը (DG NEAR), ֆինանսավորելով EaPConnect-ի երկրորդ ծրագիրը, ծածկում է դրա ծախսերի 95%-ը (10 միլիոն եվրո): Մնացած 5%-ը համաֆինանսավորվում է վեց շահառու երկրների կողմից:
Երկրորդ «EaPConnect» ծրագրի շահառու գործընկերներն են՝ ՀՀ ԳԱԱ ԻԱՊԻ-ն (Հայաստան), ԱԳԱԱ ՏՏԻ-ն (Ադրբեջան), ԲԳԱԱ ԻՊՄԻ-ն (Բելառուս), GRENA-ն (Վրաստան), RENAM-ը (Մոլդովա) և URAN-ը (Ուկրաինա): Համաշահառու գործընկերներն են՝ DFN-ը (Գերմանիա), EENet-ը (Էստոնիա), LITNET-ը (Լիտվա), GRNET-ը (Հունաստան), GARR-ը (Իտալիա), PSNC-ն (Լեհաստան), RoEduNet-ը (Ռումինիա) և SURF-ը (Հունաստան): Առաջիկա համաժողովների, աշխատաժողովների, մենթորական սխեմաների և այլ համատեղ գործունեության շրջանակներում գործընկերները միասին աշխատելու են ծրագրի նպատակներին հասնելու և Արևելյան գործընկերության տարածաշրջանում հետազոտական և կրթական ցանցերի կայունության ապահովման ուղղությամբ:
«Ես ակնկալում եմ աշխատել բոլոր գործընկերների հետ` մեր աշխատանքը հաջորդ մակարդակի հասցնելու և ԵՄ-Արևելյան գործընկերություն համագործակցություններին, ինչպես նաև հասարակությանն ու տարածաշրջանում հետազոտական և կրթական համայնքներին հավելյալ օգուտներ ապահովելու նպատակով»,- ասել է «EaPConnect» ծրագրի ղեկավար Վերոնիկա Դի Լունան (GÉANT):
Լրացուցիչ տեղեկատվություն «EU4Digital» նախաձեռնությունը նպատակ ունի Եվրոպական միության Միասնական թվային շուկան ընդլայնել դեպի Արևելյան գործընկերության երկրներ` զարգացնելով թվային տնտեսության և հասարակության ներուժը` տնտեսական աճի ապահովման, ավելի շատ աշխատատեղերի ստեղծման, մարդկանց կյանքի որակի բարելավման և գործարարությանն աջակցելու նպատակով: Նախաձեռնության միջոցով ԵՄ-ն աջակցում է Արևելյան գործընկերության երկրներում ռոումինգի սակագների իջեցմանը, գերարագ լայնաշերտ կապի զարգացմանը՝ տնտեսական խթանման և էլեկտրոնային ծառայությունների ընդլայնման նպատակով, համակարգված
կիբերանվտանգությանն ու հասարակությունում թվային կառուցակարգերի ներդաշնակեցմանը՝ լոգիստիկայից մինչև առողջապահություն, հմտությունների բարելավմանը և թվային ոլորտում աշխատատեղերի ստեղծմանը:
GÉANT ասոցիացիան անդամության վրա հիմնված կազմակերպություն է, որն իր անդամների հետ միասին (և հանուն վերջիններիս) հետազոտությունների և կրթության ցանցերի հետագա զարգացման ուղղությամբ գործունեություն է ծավալում Եվրոպայում և աշխարհում: GÉANT-ը մրցանակակիր, բարձր թողունակության, գերարագ և խիստ ճկուն համաեվրոպական կապուղու միջոցով փոխկապակցում է Եվրոպայում գործող ազգային հետազոտական և կրթական ցանցի (ԱՀԿՑ) կազմակերպություններին` միմյանց հետ կապելով Եվրոպայի հետազոտողներին, գիտնականներին ու ուսանողներին, ինչպես նաև վերջիններիս կապելով աշխարհի երկրների գրեթե կեսի հետ:
Մեր կայքում օգտագործվում են քուքիներ՝ կայքի հետ Ձեր աշխատանքը բարելավելու, կայքի նավիգացիայի արագացման և կայքի օգտագործումը վերլուծելու համար: Սեղմելով «Ընդունել բոլոր քուքիները» կոճակի վրա՝ Դուք համաձայնություն եք տալիս մեր կողմից քուքիների օգտագործմանը:
Մեր կողմից օգտագործվող քուքիների մասին ավելին իմանալու կամ Ձեր քուքիների կարգավորումները փոփոխելու համար ծանոթացեք Քուքիների քաղաքականությանը:
Ֆունկցիոնալ քուքիներ
Ֆունկցիոնալ քուքիները կարևոր են կայքի գործառնության համար: Այս քուքիները մեզ օգնում են նաև չափել կայքի կատարողականը և բարելավել կայքի հետ Ձեր աշխատանքը, ինչպես նաև հիշել Ձեր կողմից ընտրած յուրաքանչյուր կարգավորում:
If you disable this cookie, we will not be able to save your preferences. This means that every time you visit this website you will need to enable or disable cookies again.
Գովազդային / Թիրախավորման քուքիներ
Գովազդային / թիրախային քուքիները մեր կողմից օգտագործվում են օգտվողի գործողություններին և այցելություններին հետևելու համար, որպեսզի մենք կարողանանք մատուցել ավելի անհատականացված ծառայություն: Գովազդային քուքիների դեպքում դրանք սահմանվում են երրորդ կողմերի կողմից, որոնց հետ մենք իրականացնում ենք գովազդային արշավներ: Այդ քուքիները մեզ թույլ են տալիս մատուցել Ձեզ վերաբերող գովազդներ: Սրանք ընտրովի քուքիներ են, և օգտատերերը ցանկացած պահի կարող են հրաժարվել դրանցից: