eDelivery պիլոտային ծրագրի ցուցադրություն․ միջոցառումը նվիրված է Ուկրաինայի և Լեհաստանի միջև էլեկտրոնային հաշիվ – ապրանքագրերի փոխանակման գործընթացին
Ամսաթիվ: 11/12/20
«EU4Digital» ծրագիրը դեկտեմբերի 9-ին կայացած վիրտուալ միջոցառման ժամանակ ցուցադրել է իր eDelivery պիլոտային ծրագիրը, որը նախատեսված է Ուկրաինայի և Լեհաստանի միջև հաշիվ – ապրանքագրերի տվյալների միջսահմանային փոխանակման համար:
Էլեկտրոնային առևտրի 9-րդ ցանցային աշխատաժողովին զուգահեռ անցկացված վիրտուալ ցուցադրությունը մեկտեղել էր ավելի քան 50 մասնակիցների ինչպես արևելյան գործընկեր երկրներից, այնպես էլ՝ Եվրոպական միությունից: Մասնակիցների թվում էին՝ EU4Digital–ի էլեկտրոնային առաքման հարցերով փորձագետներ, էլեկտրոնային առևտրի ցանցի միջսահմանային աշխատանքային խմբի անդամներ, Ներդաշնակեցված թվային շուկայի (HDM) համակարգողներ և արևելյան գործընկեր երկրների նախարարություններ, ինչպես նաև մասնավոր ընկերություններ ներկայացնող տարբեր մասնակիցներ:
«EU4Digital» ծրագրային թիմի ղեկավարի տեղակալ Ռուտա Սալվիտե – Տամոսյունիենեն ներկայացրեց միջոցառումը, որը գործնական հայացք էր առաջարկում առ eDelivery (էլեկտրոնային առաքում) պիլոտային ծրագիրը՝ մասնակիցներին հնարավորություն տալով քայլ առ քայլ պատկերացում կազմել, թե ինչպես է տեղի ունենում էլեկտրոնային հաշիվ – ապրանքագրերի փոխանակումն eDelivery լուծման միջոցով: EU4Digital–ի ավագ փորձագետներ Յոնաս Զալինկեվիչուսն ու Ռիսարդաս Բեդուլսկիսը ներկայացրեցին երկու պիլոտային երկրների՝ Ուկրաինայի և Լեհաստանի միջև գործերի ընթացքը։
Ուկրաինայի և Լեհաստանի միջև eDelivery պիլոտային ծրագրի մեկնարկը տրվեց հոկտեմբերի 9-ին, երբ նախապես ընտրված ներմուծող և արտահանող չորս ընկերությունների միջև տեղի ունեցավ ստանդարտացված հաշիվ – ապրանքագրերի տվյալների հաջող փոխանակում։ Ցուցադրության շրջանակներում լուսաբանվեցին գործընթացի տեխնիկական ասպեկտները, ինչպիսիք են՝ պիլոտավորման հայեցակարգը, eDelivery-ի ներդրման որոշ հիմնական պահանջներն ու Peppol ցանցին միանալու հիմնական առավելությունները, ինչին հաջորդեց պիլոտային ծրագրի ընթացքում հաշիվ – ապրանքագրերի փոխանակման գործընթացի յուրաքանչյուր քայլի մանրակրկիտ ներկայացումը։ Հաջորդիվ ցուցադրությունը դուրս եկավ լոկ Ուկրաինայի և Լեհաստանի օրինակի սահմաններից և ներկայացվեց, թե ինչպես հասանելիության կետ ունեցող երկիրը կարող է հետագայում տվյալներ փոխանակել Peppol ցանցի մաս կազմող ցանկացած անդամի հետ։ Վերջինս ներկայում գործող անդամներ ունի ավելի
քան 30 երկրներում։ Դիտարկվող օրինակի պարագայում տվյալների փոխանակումն իրականացվեց Լիտվայի հետ:
Մասնակիցները լսեցին նաև իրենց գործընկերներին, ովքեր վճռական դերակատարություն են ունեցել պիլոտային ծրագրի հաջող իրականացման գործում: Ուկրաինայի թվային փոխակերպման նախարարությունից Միխայել Լատինսկին բացատրեց, թե, չնայած մարտահրավերներին, որքան շատ աշխատանք է կատարվել, ներառյալ՝ գործընկեր ընկերությունների ընտրությունը, շահագրգիռ կողմերի ներգրավումը, բազմաթիվ սեմինարները, ուղիղ հեռարձակումները և այլն
Առաջ նայելով՝ Լատինսկին ասաց, որ Ուկրաինան այժմ EU4Digital–ի գործընկերների հետ աշխատանք է տանում «Ուկրաինայում հանրային և մասնավոր ընկերությունների աջակցությամբ էլեկտրոնային հաշիվ-ապրանքագրերի իրավական հիմքի ձևավորման» և eDelivery–ի օգտագործման հարցում առաջ շարժվելու ուղղությամբ: «Որպես նախարարություն, մենք [eDelivery լուծման մեջ] միջոլորտային գործունեության չափելի ներուժ ենք տեսնում», – ասաց նա:
«EU4Digital» ծրագիրը վերջերս Հայաստանի և Ուկրաինայի հետ նախաձեռնել էր ԱլԳ երկրների միջև eDelivery–ի սցենարի փորձարկման նախապատրաստական գործողություններ՝ տարածաշրջանի ներսում լուծման գործառնությունը պիլոտավորելու նպատակով: Մեկ ամիս տևած աշխատանքից հետո ՀՀ Պետական եկամուտների կոմիտեից Կարեն Մարտիրոսյանն ասաց, որ իրենք ևս eDelivery–ի հետագա ներդրման զգալի ներուժ են տեսնում՝ տվյալների միջսահմանային փոխանակման համար:
Պիլոտային գործողությանը կհետևեն «EU4Digital» ծրագրի առաջարկությունները, որոնք կենտրոնացած են երկու հիմնական առաջնահերթությունների վրա.
Բացազատում և ընդարձակում, այսինքն` ինչպես կարող են երկրները փորձարկման միջավայրից տեղափոխվել դեպի eDelivery-ի լիարժեք օգտագործում․
Ճանաչում և վերօգտագործում, այսինքն` ինչպես կարող են արևելյան գործընկեր մյուս երկրները օգտվել այս պիլոտային ծրագրից և ընդօրինակել նույն լուծումը:
Մեր կայքում օգտագործվում են քուքիներ՝ կայքի հետ Ձեր աշխատանքը բարելավելու, կայքի նավիգացիայի արագացման և կայքի օգտագործումը վերլուծելու համար: Սեղմելով «Ընդունել բոլոր քուքիները» կոճակի վրա՝ Դուք համաձայնություն եք տալիս մեր կողմից քուքիների օգտագործմանը:
Մեր կողմից օգտագործվող քուքիների մասին ավելին իմանալու կամ Ձեր քուքիների կարգավորումները փոփոխելու համար ծանոթացեք Քուքիների քաղաքականությանը:
Ֆունկցիոնալ քուքիներ
Ֆունկցիոնալ քուքիները կարևոր են կայքի գործառնության համար: Այս քուքիները մեզ օգնում են նաև չափել կայքի կատարողականը և բարելավել կայքի հետ Ձեր աշխատանքը, ինչպես նաև հիշել Ձեր կողմից ընտրած յուրաքանչյուր կարգավորում:
If you disable this cookie, we will not be able to save your preferences. This means that every time you visit this website you will need to enable or disable cookies again.
Գովազդային / Թիրախավորման քուքիներ
Գովազդային / թիրախային քուքիները մեր կողմից օգտագործվում են օգտվողի գործողություններին և այցելություններին հետևելու համար, որպեսզի մենք կարողանանք մատուցել ավելի անհատականացված ծառայություն: Գովազդային քուքիների դեպքում դրանք սահմանվում են երրորդ կողմերի կողմից, որոնց հետ մենք իրականացնում ենք գովազդային արշավներ: Այդ քուքիները մեզ թույլ են տալիս մատուցել Ձեզ վերաբերող գովազդներ: Սրանք ընտրովի քուքիներ են, և օգտատերերը ցանկացած պահի կարող են հրաժարվել դրանցից: