Դեկտեմբերի 9-ից 10–ը կկայանա էլեկտրոնային առևտրի ցանցի 9-րդ աշխատաժողովը: COVID-19 համավարակի հետ կապված ներկա իրավիճակով պայմանավորված՝ աշխատաժողովն անցկացվելու է հեռավար կարգով:

Քննարկվելու են էլեկտրոնային առևտրին առնչվող բազմազան թեմաներ, այդ թվում.

• Էլեկտրոնային առևտրի ցանցի գործողությունների ծրագրի վերանայում և թարմացում՝ հաշվի առնելով 2020-2025 թվականների թիրախային նպատակների առնչությամբ Արևելյան գործընկեր երկրների առաջարկներն ու հեռանկարները.
• Ցանցի աշխատանքային խմբի (ԱԽ) գործունեության պարզեցում՝ ԱԽ ղեկավարների ընտրության և 2021 թվականին էլեկտրոնային առևտրի ուղղությամբ ԱԽ-ների համագործակցության ծրագրի քննարկման միջոցով.
• «EU4Digital» ծրագրի ներկա կարգավիճակի և դրա շրջանակներում ձեռք բերված արդյունքների, ինչպես նաև էլեկտրոնային առաքման (eDelivery), էլեկտրոնային մաքսային ծառայությունների (eCustoms), էլեկտրոնային կոմերցիայի (eCommerce), թվային տրանսպորտային միջանցքի (DTC) և ցանցային գործունեության մասով առաջիկա գործողությունների ժամանակացույցի դիտարկում.
• Էլեկտրոնային առաքման և էլեկտրոնային մաքսային ծառայությունների ուղղությամբ պիլոտային ծրագրերի, ինչպես նաև էլեկտրոնային կոմերցիայի ուղղությամբ պիլոտային հայեցակարգի ներկայացում.
• Բալթիկ և Սև ծովերի միջև թվային տրանսպորտային միջանցքի ներդրում, ներառյալ ծրագրի գործարկման ժամանակացույցն ու հնարավոր ուղիները:

Երկօրյա աշխատաժողովը կհավաքի տարբեր մասնակիցների, ովքեր կկիսվեն էլեկտրոնային առևտրին առնչվող հարցերի վերաբերյալ իրենց գիտելիքներով ու փորձով: Մասնակիցների թվում կլինեն.

• Եվրոպական հանձնաժողովի ներկայացուցիչներ.
• Էլեկտրոնային առևտրի ցանցում ներգրավված երկրների ներկայացուցիչներ.
• Ներդաշնակեցված թվային շուկաների համակարգողներ՝ Արևելյան գործընկեր երկրներից.
• Քաղաքացիական հասարակության ֆորումի փորձագետներ՝ Էլեկտրոնային առևտրի հարցերով.
• «EU4Digital» ծրագրի ավագ փորձագետներ.
• «EU4Digital» ծրագրի ազգային համակարգողներ՝ Արևելյան գործընկեր երկրներից:

Եվրոպական հանձնաժողովից (DG MOVE) հրավիրված խոսնակները և այլ փորձագետներ կբանախոսեն հետևյալի շուրջ.

• Բեռնափոխադրումների էլեկտրոնային կարգավորում և ԵՄ հետագա գործողություններ.
• TEN-T տրանսպորտային միջանցքների թվայնացում.
• Սահմանների ինտեգրված կառավարում.
• Եվրոպայան միությունում 2021 թվականին նախատեսվող փոփոխություններ (մաքսային և հարկային) և ԵՄ հետագա գործողություններ:

Միջոցառմամբ հետաքրքրված բոլոր անձինք դրան մասնակցելու համար մինչև դեկտեմբերի 4-ը կարող են գրանցվել այստեղ: Միջոցառման վերաբերյալ լրացուցիչ տեղեկությունները, այդ թվում՝ մանրամասն օրակարգը կարելի է գտնել այստեղ: