EU4Digital. այսօր մեկնարկել է էլեկտրոնային առևտրի պիլոտային ծրագիրը, որը նախատեսված է Հայաստանի և Ուկրաինայի միջև միջսահմանային հաշիվ-ապրանքագրերի ներկայացման համար
Ամսաթիվ: 15/01/21
Այսօրվանից Հայաստանից և Ուկրաինայից ընտրված ընկերություններն «EU4Digital» ծրագրի կողմից իրականացվող պիլոտային ծրագրի շրջանակներում սկսում են էլեկտրոնային առաքման (eDelivery) խողովակով փոխանակվել ստանդարտացված ապրանքագրերի տվյալներով: Այս պիլոտային ծրագիրը քայլ առաջ է արևելյան գործընկեր երկրների միջև ու ԵՄ-ի հետ միջսահմանային հաշիվ-ապրանքագրերի տվյալների անվտանգ, հուսալի, մատչելի և արդյունավետ փոխանակումն ապահովելու գործում:
Ինչպե՞ս է աշխատելու պիլոտային ծրագիրը
Պիլոտային ծրագրի ընթացքում Հայաստանը և Ուկրաինան ներկայացնող միջսահմանային գործընկերները կանոնավոր կերպով հաշիվ ապրանքագրեր դուրս գրելուն զուգընթաց eDelivery խողովակով կփոխանակեն ստանդարտացված հաշիվ ապրանքագրերի տվյալներով։ Ընդհանուր բիզնես գործընթացների և տեխնիկական ստանդարտների համախումբ ձևավորելու, ինչպես նաև հաշիվ–ապրանքագրերի սահուն փոխանակումն ապահովելու համար կօգտագործվի Peppol eDelivery ցանցը: Այն իր անդամներին թույլ է տալիս էլեկտրոնային տվյալներ փոխանակել ցանցի ցանկացած այլ անդամի հետ: Peppol-ն օգտագործվում է Եվրոպայի 30 երկրներում, ինչպես նաև Ավստրալիայում, Կանադայում, Նոր Զելանդիայում, Սինգապուրում, Հարավային Աֆրիկայում և ԱՄՆ-ում:
Մասնակից ընկերություններ և մուտքային կետի ծառայություն մատուցողներ
Պիլոտային ծրագրին մասնակցելու համար ընտրվել են հետևյալ ընկերությունները․
Vedi-Alco` Հայաստանում ալկոհոլային խմիչքներ արտադրող առաջատար ընկերություններից մեկը, որն արտահանում է իրականացնում դեպի Եվրոպա, Ռուսաստան, ԱՄՆ և շատ այլ երկրներ, այդ թվում` Ուկրաինա․
Alkoline՝ արագ զարգացող ընկերություն, որը բնական ալկոհոլային խմիչքների հինգ առաջատար արտադրողներից ու դիստրիբյուտորներից է Ուկրաինայում և դրա սահմաններից դուրս: Նրա բիզնես գործընկերներից մեկը Հայաստանն է:
EDIN-ը Ուկրաինայում տվյալների էլեկտրոնային փոխանակման ծառայությունների (ՏԷՓ) խոշորագույն մատակարարներից մեկն է։ Այն նույնպես շարունակել է իր ակտիվ ներգրավվածությունն ու աջակցությունը պիլոտային ծրագրին: Ուկրաինայում առաջին մուտքային կետն EU4Digital-ի աջակցությամբ ստեղծվել էր դեռևս նախորդ պիլոտային ծրագրի շրջանակներում, որն իրականացվում էր
Լեհաստանի և Ուկրաինայի միջև: Ըստ այդմ, մուտքային կետի պաշտոնական սեփականատեր դարձած «DIIA» պետական ձեռնարկությունը շարունակում է մասնակցել Հայաստանի հետ պիլոտային ծրագրին` էլ ավելի բարելավելով իր գիտելիքներն ու տեխնիկական հնարավորությունները` eDelivery-ի միջոցով ստանդարտացված ապրանքագրերի տվյալների փոխանակման համար:
Հայկական կողմում «EU4Digital» ծրագիրն աջակցել է «Peppol eDelivery» առաջին հասանելիության կետի ստեղծմանը, որը կսպասարկվի և կկառավարվի էլեկտրոնային կառավարման ենթակառուցվածքների ներդրման գրասենյակի՝ EKENG-ի կողմից:
eDelivery պիլոտային ծրագրի արդյունքների հետագա առաջխաղացում
Ուկրաինայի և Լեհաստանի միջև eDelivery պիլոտային ծրագրի հաջողությունը, ինչպես նաև պիլոտային երկրներում eDelivery լուծման վերօգտագործման նկատմամբ շարունակական ներգրավվածությունը և մեծ հետաքրքրությունը պիլոտային ծրագրի արդյունքների շարունակականության և կայունության հիմք են ստեղծում։
Ներկայումս միջսահմանային գործընկերների միջև թղթային հաշիվ-ապրանքագրերի փոխանակումը կարող է տևել մինչև 10 աշխատանքային օր, իսկ eDelivery-ի միջոցով դա տևում է վայրկյաններ: Գիտակցելով հետագա զարգացումների և երկրում էլեկտրոնային առաքման ներդրման կարևորությունը՝ նախարարությունն EU4Digital-ի հետ համատեղ կազմակերպել էր վիրտուալ վեբինար, որը նպատակ ուներ անդրադառնալ Ուկրաինայի հետ eDelivery պիլոտային ծրագրի արդյունքներին, ինչպես նաև քննարկել միջսահմանային մակարդակում էլեկտրոնային հաշիվների փոխանակման հնարավորություններն ու խոչընդոտները: Դրա մասին ավելին կարող եք կարդալ այստեղ:
Հետագա քայլեր
Պիլոտային ծրագրի ավարտից հետո EU4Digital–ի թիմը կներկայացնի առաջարկություններ` կապված արտադրության մեջ պիլոտային լուծումը ներդնելու, ինչպես նաև այն դեպի արևելյան գործընկեր այլ երկրներ ընդլայնելու համար անհրաժեշտ իրավական, կազմակերպական և տեխնիկական փոփոխությունների հետ։
Եթե ցանկանում եք ավելին իմանալ eDelivery-ի մասին, և թե ինչու է այն կարևոր արևելյան գործընկեր երկրների ու Եվրոպական միության համար, ապա այդ մասին կարդացեք այստեղ։
Մեր կայքում օգտագործվում են քուքիներ՝ կայքի հետ Ձեր աշխատանքը բարելավելու, կայքի նավիգացիայի արագացման և կայքի օգտագործումը վերլուծելու համար: Սեղմելով «Ընդունել բոլոր քուքիները» կոճակի վրա՝ Դուք համաձայնություն եք տալիս մեր կողմից քուքիների օգտագործմանը:
Մեր կողմից օգտագործվող քուքիների մասին ավելին իմանալու կամ Ձեր քուքիների կարգավորումները փոփոխելու համար ծանոթացեք Քուքիների քաղաքականությանը:
Ֆունկցիոնալ քուքիներ
Ֆունկցիոնալ քուքիները կարևոր են կայքի գործառնության համար: Այս քուքիները մեզ օգնում են նաև չափել կայքի կատարողականը և բարելավել կայքի հետ Ձեր աշխատանքը, ինչպես նաև հիշել Ձեր կողմից ընտրած յուրաքանչյուր կարգավորում:
If you disable this cookie, we will not be able to save your preferences. This means that every time you visit this website you will need to enable or disable cookies again.
Գովազդային / Թիրախավորման քուքիներ
Գովազդային / թիրախային քուքիները մեր կողմից օգտագործվում են օգտվողի գործողություններին և այցելություններին հետևելու համար, որպեսզի մենք կարողանանք մատուցել ավելի անհատականացված ծառայություն: Գովազդային քուքիների դեպքում դրանք սահմանվում են երրորդ կողմերի կողմից, որոնց հետ մենք իրականացնում ենք գովազդային արշավներ: Այդ քուքիները մեզ թույլ են տալիս մատուցել Ձեզ վերաբերող գովազդներ: Սրանք ընտրովի քուքիներ են, և օգտատերերը ցանկացած պահի կարող են հրաժարվել դրանցից: