EU4Digital-ի միջոցառում՝ նվիրված ԵՄ տարածքում էլեկտրոնային առողջապահության ոլորտում փոխգործելիությանը
Ամսաթիվ: 08/07/21
Հունիսի 29-ին EU4Digital-ի էլեկտրոնային առողջապահության թիմը կազմակերպել էր վիրտուալ միջոցառում, որի նպատակն էր թարմ տեղեկատվություն ներկայացնել ԵՄ տարածքում էլեկտրոնային առողջապահության ոլորտում փոխգործելիության վերաբերյալ վերջին զարգացումների շուրջ: Էլեկտրոնային առողջապահության ոլորտում այս տարվա համար նախատեսված համագործակցության միջոցառումների շարքում սա թվով երրորդ վիրտուալ միջոցառումն էր, որը համախմբել էր էլեկտրոնային առողջապահության ցանցի անդամներին արևելյան գործընկեր վեց երկրներից:
Միջոցառման առաջին մասում Եվրոպական հանձնաժողովից հրավիրյալ բանախոս, ԵՄ քաղաքականության հետազոտական ծրագրի պատասխանատու դոկտոր Ռեզա Ռազավին ներկայացրեց Եվրոպական հանձնաժողովի կապի ցանցերի, բովանդակության և տեխնոլոգիաների գլխավոր տնօրինության (DG CNECT) էլեկտրոնային առողջապահության, բարեկեցության և ծերացման հարցերով ստորաբաժանման ղեկավարի տեղակալ Քերի Թոմփսոնի ուղերձի ձայնագրությունը, որում վերջինս ներկայացնում էր հաջակցություն թվային առողջապահությանը ԵՄ նոր ծրագրերն ու նախաձեռնությունները, այդ թվում.
ԵՄ տվյալների ռազմավարության և տվյալների գործողությունների ակնարկ.
Առողջապահական տվյալների եվրոպական տարածության վերաբերյալ օրենսդրական նախաձեռնություն.
Գենոմային տվյալների շտեմարանին անդրսահմանային հասանելիություն տրամադրելու մասին հռչակագիր.
Քաղցկեղի հայտնաբերման եվրոպական նախաձեռնություն.
Արհեստական բանականության մասին կանոնակարգ:
Դոկտոր Ռեզա Ռազավին բացատրեց, որ ԵՄ տարածքում առողջապահության և խնամքի թվային փոխակերպումը կենտրոնացած է հիվանդներին օգնություն ցուցաբերելիս թվային ծառայությունների օգտագործման վրա՝ բարելավելով նրանց առողջական տվյալների հասանելիությունը և, ելնելով հետազոտական և առողջության հետ կապված արդյունքների բարելավման նկատառումներից, միավորելով ու փոխանակվելով առողջապահական տվյալներով:
Միջոցառման երկրորդ մասում հրավիրյալ բանախոս Ֆիլիպե Մեալյան (SPMS-ի՝ Առողջապահության նախարարության ընդհանուր ծառայությունների ներկայացուցիչ) ներկայացրեց էլեկտրոնային առողջապահության փոխգործելիության ոլորտում պորտուգալական փորձը: Բանախոսը ներկայացրեց Պորտուգալիայի տվյալների ազգային ռազմավարությունը՝ շեշտելով առողջապահական տվյալների կարևորությունն առողջապահական ծառայություններ մատուցելիս (տվյալների առաջնային օգտագործում), ինչպես նաև հետազոտություններ, քաղաքականություն և կարգավորող գործողություններ իրականացնելիս (տվյալների երկրորդային օգտագործում): Զեկույցի հաջորդ մասում էլեկտրոնային առողջապահության ցանցին ներկայացվեց Պորտուգալիայի էլեկտրոնային առողջապահության փոխգործելի էկոհամակարգը, որը էլեկտրոնային
անդրսահմանային առողջապահական ծառայությունների հնարավորություն է ընձեռում: Բանախոսը բացատրեց, թե ինչպես է ներդրվել ԵՄ կորոնավիրուսային թվային հավաստագիրը, որն այժմ գործում է բարդ էկոհամակարգում՝ հիվանդներին հնարավորություն տալով փնտրել և ստանալ իրենց վկայագրերը:
Այնուհետև մեկ այլ հրավիրյալ բանախոս՝ Կառլոս Մատեու Լոպեսը (FTSS, փոխգործելիության և տեխնոլոգիաների բաժնի ղեկավար), կիսվեց Կատալոնիայում էլեկտրոնային առողջապահության փոխգործելիության վերաբերյալ վերջին թարմացումներով: Էլեկտրոնային առողջապահության ցանցին ներկայացվեց Կատալոնիայի թվային առողջապահության էկոհամակարգը, ինչպես նաև փոխգործելիության հետ կապված մի շարք մշակումներ, ներառյալ փոխգործելիության հարթակը (IS3), պաթոլոգիաների պատկերների պահոցը (PAT-SIMDCAT) և շարժունակության տվյալների պահոցը (mConnecta):
Միջոցառման վերջնամասում արևելյան գործընկեր վեց երկրների ներկայացուցիչներին առաջարկվեց կիսվել էլեկտրոնային առողջապահության փոխգործելիության վերջին զարգացումների վերաբերյալ իրենց նորություններով: Բելառուսի ներկայացուցիչը խոսեց փոխգործելիության իրավական, իմաստային և տեխնիկական ոլորտներում իրենց աշխատանքի մասին: Օրինակ՝ հեռաբժշկության տեխնոլոգիաների կիրառումը և գործուն կենտրոնացված էլեկտրոնային առողջապահության համակարգի ներդրումը երկրի նոր օրենսդրության մաս են կազմելու: Ուկրաինայի ներկայացուցիչը խոսեց էլեկտրոնային առողջապահական ծառայությունների (ePrescription, eMedical Records, eReferrals և այլն) ուղղությամբ իրենց աշխատանքի և առողջապահության ոլորտում թղթային փաստաթղթաշրջանառությունից հրաժարվելու ու միայն էլեկտրոնային տվյալներ օգտագործելու առնչությամբ հետագա ծրագրերի մասին: Հայաստանի ներկայացուցիչը ներկայացրեց Առողջապահության նախարարության կողմից հաստատված էլեկտրոնային առողջապահության զարգացման գործողությունների ծրագիրը, որը ներառում է էլեկտրոնային դեղատոմսի, հեռաբժշկության և առողջության տվյալների վերլուծության և զեկուցման գործիքների ներդրում:
Մեր կայքում օգտագործվում են քուքիներ՝ կայքի հետ Ձեր աշխատանքը բարելավելու, կայքի նավիգացիայի արագացման և կայքի օգտագործումը վերլուծելու համար: Սեղմելով «Ընդունել բոլոր քուքիները» կոճակի վրա՝ Դուք համաձայնություն եք տալիս մեր կողմից քուքիների օգտագործմանը:
Մեր կողմից օգտագործվող քուքիների մասին ավելին իմանալու կամ Ձեր քուքիների կարգավորումները փոփոխելու համար ծանոթացեք Քուքիների քաղաքականությանը:
Ֆունկցիոնալ քուքիներ
Ֆունկցիոնալ քուքիները կարևոր են կայքի գործառնության համար: Այս քուքիները մեզ օգնում են նաև չափել կայքի կատարողականը և բարելավել կայքի հետ Ձեր աշխատանքը, ինչպես նաև հիշել Ձեր կողմից ընտրած յուրաքանչյուր կարգավորում:
If you disable this cookie, we will not be able to save your preferences. This means that every time you visit this website you will need to enable or disable cookies again.
Գովազդային / Թիրախավորման քուքիներ
Գովազդային / թիրախային քուքիները մեր կողմից օգտագործվում են օգտվողի գործողություններին և այցելություններին հետևելու համար, որպեսզի մենք կարողանանք մատուցել ավելի անհատականացված ծառայություն: Գովազդային քուքիների դեպքում դրանք սահմանվում են երրորդ կողմերի կողմից, որոնց հետ մենք իրականացնում ենք գովազդային արշավներ: Այդ քուքիները մեզ թույլ են տալիս մատուցել Ձեզ վերաբերող գովազդներ: Սրանք ընտրովի քուքիներ են, և օգտատերերը ցանկացած պահի կարող են հրաժարվել դրանցից: