Արևելյան գործընկեր երկրների և ԵՄ-ի միջև էլեկտրոնային կոմերցիայի ներդաշնակեցման վերաբերյալ EU4Digital-ի առաջարկությունները` Հայաստանի համար պատրաստված բացերի վերլուծությամբ և առաջարկությունների մասին զեկույցով:
Առաջարկությունների ցանկը կազմվել է «EU4Digital» ծրագրի էլեկտրոնային առևտրի թեմատիկ ոլորտի ներքո իրականացվող էլեկտրոնային կոմերցիայի գործունեության շրջանակներում:
Զեկույցի ընդհանուր նպատակն արևելյան գործընկեր երկրների և ԵՄ-ի միջև էլեկտրոնային կոմերցիան երեք ոլորտներում՝ էկոհամակարգ, իրավական դաշտ և չափորոշիչներ, ներդաշնակեցնելու շուրջ առաջարկությունների ներկայացումն է: Առաջարկությունների նպատակն է՝
- Վերացնել միջսահմանային էլեկտրոնային կոմերցիայի խոչընդոտները.
- Ավելացնել միջսահմանային էլեկտրոնային կոմերցիայի ծավալները.
- Բարձրացնել իրազեկվածությունը և երկրներին պատրաստել էլեկտրոնային կոմերցիայի ոլորտում ԵՄ 2021 թ. փոփոխություններին:
Հայաստանի համար պատրաստված բացերի վերլուծությունը ներառում է.
- Էլեկտրոնային կոմերցիայի էկոհամակարգում բացերի վերլուծություն.
- Իրավական դաշտում բացերի վերլուծություն.
- Չափորոշիչների ոլորտում բացերի վերլուծություն:
Հայաստանի համար պատրաստված առաջարկությունների զեկույցը ներառում է.
- Էկոհամակարգի վերաբերյալ առաջարկություններ՝ ուղղված միջսահմանային էլեկտրոնային կոմերցիայի խոչընդոտների վերացմանը.
- Օրենսդրական դաշտի և չափորոշիչների վերաբերյալ առաջարկություններ՝ ուղղված ԵՄ-ի հետ միջսահմանային էլեկտրոնային կոմերցիայի ակտիվացմանը:
