ECDL հիմնադրամի այս հոդվածում ներկայացված է Եվրոպայում ECDL ազգային օպերատորների կողմից իրականացված հինգ ուսումնասիրությունների հիմնական բացահայտումների համատեսքը: Նշված ուսումնասիրությունների նպատակն էր պարզել, թե ինչպիսին են թվային հմտությունների իրական մակարդակներն իրենց երկրներում և քննարկել ազգային և եվրոպական մակարդակներում թվային հմտությունների զարգացման գործում դրանց մասնակցության չափը: Ավստրիան, Դանիան, Ֆինլանդիան, Գերմանիան և Շվեյցարիան բոլորն էլ համարվում են թվայնացման տեսանկյունից առաջանցիկ երկրներ. դրանք պարբերաբար հայտնվում են թվային զարգացման տարբեր միջազգային վարկանիշների առաջատարների թվում (օրինակ՝ Եվրոպական հանձնաժողովի կողմից մշակված Թվային տնտեսության և հասարակության համաթիվը) և օգտակար են որպես համեմատության մեկնակետ:
