Արեւելյան գործընկերության երկրներում Թվային տնտեսության եւ հասարակության համաթվին (DESI) առնչվող ցուցանիշներ հավաքող հաստատությունների ներկայացուցիչները հրավիրվում են մասնակցելու «EU4Digital» ծրագրի՝ 2023 թվականի նոյեմբերի 24-ին կայանալիք առցանց միջոցառմանը: Դրա ընթացքում «EU4Digital» ծրագրի «Թվային հմտություններ» թեմատիկ ուղղության փորձագետները կներկայացնեն DESI համաթվի իրականացման գործընթացի վերլուծությունը, կքննարկեն DESI-ի չափման ամբողջական համակարգի ներդրման շուրջ տարածաշրջանի ու առանձին երկրների համար նախատեսված առաջարկությունները եւ կանդրադառնան «EU4Digital» ծրագրի DESI աքսելերատորին վերաբերող գաղափարներին ու հիմնական ձեռքբերումներին։

«EU4Digital» ծրագրի գործունեությունը պայմանավորված է Արեւելյան գործընկերության (ԱլԳ) տարածաշրջանի երկրների՝ Հայաստանի, Ադրբեջանի, Մոլդովայի, Վրաստանի եւ Ուկրաինայի կարիքներով: Այդ գործունեությունն իրականացվում է ԵՄ-ԱլԳ համատեղ օրակարգի շրջանակներում ԵՄ պատվիրակությունների կողմից կառավարվող երկկողմ գործողությունների հետ սերտ համագործակցության պայմաններում։ «EU4Digital» ծրագրի ներկայիս՝ երկրորդ փուլի ընթացքում արդյունքները առավելագույնի հասցնելու համար EU4Digital-ը 2023 թվականի հոկտեմբերի 18-ին Բրյուսելում անցկացրել է աշխատաժողով՝ Եվրամիության եւ Արեւելյան գործընկերության երկրների հիմնական շահագրգիռ կողմերի մասնակցությամբ: Հանդիպումը մասնակիցներին հնարավորություն տվեց գնահատել ծրագրի արդյունքները, կիսվել հետադարձ արձագանքով եւ ուսումնասիրել, թե ինչպես արագացնել EU4Digital-ի գործունեության ներդրումը ազգային մակարդակում:

2023 թվականի հոկտեմբերի 25-26-ը Երեւանում տեղի է ունեցել Անկախ կարգավորողների եւ լայնաշերտ կապի փորձագիտական աշխատանքային խմբի (ԱԿԼԿ ՓԱԽ) հանդիպում, որի շրջանակներում համաձայնեցվել են Արեւելյան գործընկերության տարածաշրջանում լայնաշերտ կապի զարգացման կոնկրետ հաջորդ քայլերը: Հիմնական ուշադրությունն ուղղվեց լայնաշերտ կապի հասանելիության մեծածախ շուկայի վերլուծությանն ու լայնաշերտ կապի հասանելիության մոնիտորինգին:

«EU4Digital» ծրագիրը հրապարակել է զեկույց մրցունակ լայնաշերտ կապի խթանման ուղղությամբ ԵՄ լավագույն պրակտիկաների վերաբերյալ: Զեկույցը վերլուծում է ԵՄ անդամ հինգ երկրների գործնական փորձին վերաբերող դեպքեր։ Արեւելյան գործընկերության երկրները կարող են կիրառել այդ փորձը լայնաշերտ շուկայի զարգացումները մշտադիտարկելիս եւ լայնաշերտ կապի քաղաքականություն իրականացնելիս: Այս աշխատանքը EU4Digital-ին եւ Արեւելյան գործընկերության երկրներին հնարավորություն կտա հասնել թվային միակցվածության ոլորտի թիրախներին, որոնք աջակցում են միակցվածության վերաբերյալ Եվրոպական միության հիմնական քաղաքականությանը։

«EU4Digital» ծրագիրը հրապարակել է Արեւելյան գործընկերությունում (ԱլԳ) էլեկտրոնային կոմերցիայի զարգացման ելակետային պայմանների վերաբերյալ ԵՄ թարմացված զեկույցը։ Այն ներկայացնում է Եվրոպական միությունում անդրսահմանային էլեկտրոնային կոմերցիայի ընդհանուր պատկերը, ինչպես նաեւ լավագույն պրակտիկաներն ու կանոնակարգերը, որոնք օրինակ կծառայեն ԱլԳ երկրներում անդրսահմանային էլեկտրոնային կոմերցիայի վիճակը գնահատելիս: Զեկույցում վերլուծության են ենթարկվել երեք հիմնական ոլորտներ՝ իրավական դաշտ, չափորոշիչներ եւ էլեկտրոնային կոմերցիայի էկոհամակարգ:

EU4Digital-ի եւ Արեւելյան գործընկերության թվային գործունեության մասին նորությունների, հայտարարությունների, պատմությունների եւ այլ հրապարակումների համար պատասխանատու թիմը ձեզ առաջարկում է ծանոթանալ նշված բովանդակության հասանելիության նոր եղանակների, մասնավորապես՝ Twitter-ի բոլորովին նոր օգտահաշվի հետ։ Միացե՛ք մեզ հետ զրույցին։

Կցանկանա՞ք ավելին իմանալ թվային մշակումների, ապագայի առաջնահերթությունների եւ Արեւելյան գործընկերության երկրների քաղաքականության օրակարգի մասին: «EU4Digital» նախաձեռնությունը կազմակերպում է երկու միջոցառում՝ նվիրված Արեւելյան գործընկերության թվային փոխակերպման թեմային: 2023 թվականի նոյեմբերի 15-ին կհանդիպեն «EU4Digital» ծրագրի II փուլի ղեկավար կոմիտեի հրավիրյալ* անդամները՝ քննարկելու տարածաշրջանային դրոշակակիր «EU4Digital» նախաձեռնությունն ու վերջինիս նախագծերը: Նոյեմբերի 14-ին անցկացվելիք Արեւելյան գործընկերության թվային համաժողովն էլ տարածք կապահովի ավելի լայն քննարկումների համար: Բոլորին հրավիրում ենք մասնակցելու։ Գրանցման մասին կհայտարարվի առաջիկա շաբաթների ընթացքում. բաց մի՛ թողեք:

«EU4Digital» ծրագիրն ուրախությամբ հայտնում է իր «Ազգային տաղավարային օգտահաշիվ» (National Pavilion Account) պիլոտային գործողության պաշտոնական մեկնարկի մասին: Էլեկտրոնային առեւտրի ուղղության շրջանակներում իրականացվող այս նախաձեռնությունը նպատակ ունի մասնակից երկրների փոքր եւ միջին ձեռնարկություններին (ՓՄՁ) հնարավորություն ընձեռել փորձարկել իրենց արտադրանքը ԵՄ շուկայում, ավելացնել անդրսահմանային վաճառքները եւ պոտենցիալ հիմք ստեղծել իրենց համապատասխան երկրներում նախագծերի հետագա զարգացման համար:

Արեւելյան գործընկերության (ԱլԳ) տարածաշրջանում նորարարությունների եւ ստարտափների ինկուբացիոն էկոհամակարգի կատարողականն ու աճը խթանելու համար «EU4Digital» ծրագիրը սահմանել է հիմնական առաջնահերթություններ եւ դրանք ներկայացրել երկու միջոցառման շրջանակներում: Այս իրազեկող առցանց հանդիպումներում իրականացվել է Արեւելյան գործընկերության երկրների ստարտափ էկոհամակարգերի կատարողականի, բացթողումների եւ կարիքների մասին ինտենսիվ ուսումնասիրություն: Երկու միջոցառումների մասնակիցները ունկնդրել են տարածաշրջանային էկոհամակարգի դերակատարներին եւ քննարկել հիմնական կարիքները. Արեւելյան գործընկերության երկրները պետք է առաջնահերթություն տան էկոհամակարգ ստեղծողների հզորացմանը եւ ինկուբատորների կարողությունների զարգացմանը:

Հայաստանի, Ադրբեջանի, Վրաստանի, Մոլդովայի եւ Ուկրաինայի ստարտափների ներկայացուցիչները «Ստարտափ կամուրջ. Արեւելքը հանդիպում է Արեւմուտքին» (Startup Bridge: East meets West) միջոցառման շրջանակներում հանդիպել են Ֆրանսիայի եւ Արեւելյան գործընկերության (ԱլԳ) նորարարական էկոհամակարգերի ներկայացուցիչների հետ։ «EU4Digital» ծրագիրը ՏՀՏ նորարարությունների ոլորտում գործնական կապերի ընդլայնմանն ուղղված այս միջոցառումը կազմակերպել էր Expertise France-ի հետ համագործակցությամբ: 2023 թվականի հունիսի 16-ին Փարիզում անցկացված միջոցառումը հյուրընկալվել էր Wilco-ի կողմից՝ նորարարության արագացուցիչ, որն արժեքաստեղծ գործունեություն է ծավալում ինչպես ստարտափների, այնպես էլ փոքր եւ միջին ձեռնարկությունների (ՓՄՁ) համար:

Փնտրու՞մ եք նորություններ, ռեսուրսներ եւ այլ տեղեկատվություն Արեւելյան գործընկերությունում (ԱլԳ) թվային փոխակերպման վերաբերյալ: EU4Digital-ը հրավիրում է ձեզ այցելելու իր նոր վերագործարկված վեբկայք՝ https://eufordigital.eu/: Վեբկայքի վերագործարկմամբ «EU4Digital» ծրագիրն իր լայն թվային համայնքին առաջարկում է թարմացված բովանդակություն եւ բարելավված ինտերֆեյս:

2023 թվականի մայիսի 18-ին EU4Digital-ի էլեկտրոնային առողջապահության ցանցն անցկացրեց վիրտուալ հանդիպում, որը կենտրոնացած էր միջսահմանային էլեկտրոնային առողջապահական ծառայությունների պիլոտավորման գաղափարների մշակման վրա: Սա համագործակցության զարգացման նպատակով այս տարվա համար նախատեսված միջոցառումների շարքի երկրորդ հանդիպումն էր։ Այն կառուցողական համագործակցության հիմք դրեց Արեւելյան գործընկերության (ԱլԳ) երկրներում էլեկտրոնային առողջապահության զարգացման համար: