Կցանկանա՞ք ավելին իմանալ թվային մշակումների, ապագայի առաջնահերթությունների եւ Արեւելյան գործընկերության երկրների քաղաքականության օրակարգի մասին: «EU4Digital» նախաձեռնությունը կազմակերպում է երկու միջոցառում՝ նվիրված Արեւելյան գործընկերության թվային փոխակերպման թեմային: 2023 թվականի նոյեմբերի 15-ին կհանդիպեն «EU4Digital» ծրագրի II փուլի ղեկավար կոմիտեի հրավիրյալ* անդամները՝ քննարկելու տարածաշրջանային դրոշակակիր «EU4Digital» նախաձեռնությունն ու վերջինիս նախագծերը: Նոյեմբերի 14-ին անցկացվելիք Արեւելյան գործընկերության թվային համաժողովն էլ տարածք կապահովի ավելի լայն քննարկումների համար: Բոլորին հրավիրում ենք մասնակցելու։ Գրանցման մասին կհայտարարվի առաջիկա շաբաթների ընթացքում. բաց մի՛ թողեք:

Փնտրու՞մ եք նորություններ, ռեսուրսներ եւ այլ տեղեկատվություն Արեւելյան գործընկերությունում (ԱլԳ) թվային փոխակերպման վերաբերյալ: EU4Digital-ը հրավիրում է ձեզ այցելելու իր նոր վերագործարկված վեբկայք՝ https://eufordigital.eu/: Վեբկայքի վերագործարկմամբ «EU4Digital» ծրագիրն իր լայն թվային համայնքին առաջարկում է թարմացված բովանդակություն եւ բարելավված ինտերֆեյս:

Եվրոպական միության եւ Մոլդովայի Հանրապետության կապի օպերատորները ստորագրել են համատեղ հռչակագիր՝ երկու տարածաշրջանների միջեւ ճանապարհորդող գործարարների եւ քաղաքացիների համար ռոումինգի սակագները նվազեցնելու մասին: Եվրոպական հանձնաժողովը եւ Մոլդովայի իշխանությունները նպաստել են 2023 թվականի մայիսի 31-ին հրապարակված կամավոր հռչակագրի ստորագրմանը, որն արտացոլում է ռոումինգի վերաբերյալ երկարաժամկետ պայմանավորվածություն ապահովելու եւ Մոլդովային ԵՄ միասնական շուկային մոտեցնելու ընդհանուր նպատակը: ԵՄ-ն այս գործընթացին, ինչպես նաեւ ռոումինգի եվրոպական ռեժիմին Մոլդովայի ինտեգրմանն աջակցում է «EU4Digital» նախաձեռնություն միջոցով:

Ամեն տարի ԵՄ կոդավորման շաբաթը հատկանշում է թվային գրագիտության եւ կոդավորման հմտությունների կարեւորությունն ու խթանում է դրանք բոլոր տարիքի եւ ծագման մարդկանց շրջանում: Միջոցառումներն անցկացվում են ամբողջ տարվա ընթացքում, սակայն երկու շաբաթ առանձնացված է հատուկ Կոդավորման շաբաթվա համար, որն այս տարի կկայանա հոկտեմբերի 7-ից 22-ը:

EU4Digital-ի ՏՀՏ նորարարությունների թիմը 2023 թվականի մարտի 30-ին անցկացրեց գործնական կապերի զարգացմանն ուղղված առցանց միջոցառում՝ ի աջակցություն Արեւելյան գործընկերության (ԱլԳ) տարածաշրջանում բլոկչեյն էկոհամակարգի զարգացմանը: Բլոկչեյն ասոցիացիաները, ոլորտի խաղացողները, նորարարական էկոհամակարգի հիմնական դերակատարները եւ ԱլԳ երկրների կառավարությունների ներկայացուցիչները քննարկեցին «Վստահելի բլոկչեյն հավելվածների միջազգային ասոցիացիա» (INATBA) ցանցին ու վերջինիս հիմնական գործընկերություններին միանալու եւ համագործակցելու հնարավորությունները:

EU4Digital-ի ՏՀՏ նորարարությունների ֆորում - 2023-ի շրջանակում բարձրացվել են կրթության ապագայի վերաբերյալ կարեւոր հարցեր՝ ձեռնարկություններին մեր հետինդուստրիալ, թվային հասարակությանն ավելի լավ նախապատրաստելու համար: Մարտի 9-ին անցկացված եւ Արեւելյան գործընկերության (ԱլԳ) տարածաշրջանում գործող ստարտափների ու փոքր եւ միջին ձեռնարկությունների (ՓՄՁ) աշխատակիցների թվային հմտությունների բարձրացման կարեւորությունն ընդգծած առցանց միջոցառումը երկրորդն էր ամենամյա նորարարական ֆորումների շարքում եւ ներգրավել էր ավելի քան 100 մասնակիցների: Վերջիններս տեղեկացան Եվրամիության եւ Արեւելյան գործընկերության ռազմավարական աջակցության տարբեր նախաձեռնությունների մասին, այդ թվում՝ EU4Digital-ի կրթական տեխնոլոգիաների պլատֆորմի գործունեությունը, որը մասին հայտարարվեց միջոցառման ընթացքում:

«EU4Digital» ծրագիրը ստարտափներին ու նորարարություններին նվիրված EU4Digital-ի ամենամյա 2023 թվականի ֆորումի շրջանակներում մեկ տեղում կհավաքի հիմնական քաղաքականություն մշակողներին, ստարտափ էկոհամակարգերի առաջատար կազմակերպություններին և թվային նորարարությունների ու ստարտափ էկոհամակարգերի զարգացման ոլորտի փորձագետներին։ Այս բարձր մակարդակի քաղաքական միջոցառումը կանցկացվի «Թվային տեխնոլոգիաներ՝ Արևելյան գործընկերությունում (ԱլԳ) ՓՄՁ-ների լայն շրջանակի աշխատակիցների թվային որակավորման բարձրացման համար» խորագրի ներքո։ Միջոցառումը կանցկացվի 2023 թվականի մարտի 9-ին՝ հեռավար կարգով՝ վիրտուալ աշխատաշրջանի ձևաչափով։

Ինչպես վաղ տարիքում, այնպես էլ հետագա ամբողջ կյանքում գիտելիքների և հմտությունների կուտակումը մարդկանց հնարավորություն է տալիս զարգացնել և իրացնել իրենց ներուժը՝ այդպիսով նպաստելով հասարակության արդյունավետությանը: Եվրոպական կրթական հիմնադրամը (ԵԿՀ) պնդում է, որ մարդկային կապիտալի զարգացումն ապահովելու համար անհրաժեշտ է «արմատական թվային ինտեգրման» մտածելակերպ: ԵԿՀ-ը տարբեր գործիքների և նախաձեռնությունների միջոցով աջակցում է թվային ինտեգրման քաղաքականության ու պրակտիկաների ներդրմանն իր գործընկեր երկրներում, այդ թվում՝ Արևելյան գործընկերության տարածաշրջանում:

«Թվային տասնամյակի քաղաքականության ծրագիր 2030»-ն ուժի մեջ է մտել։ Եվրոպական խորհրդարանը, ԵՄ անդամ պետությունները և Եվրոպական հանձնաժողովը համատեղ կոնկրետ նպատակներ և խնդիրներ են սահմանել թվային տնտեսության զարգացման այս ռազմավարական տեսլականի չորս հիմնական ոլորտներում:

Եվրոպական միության թվային փոխակերպման նպատակներին հասնելու համար «Հորիզոն Եվրոպա» աշխատանքային ծրագրի շրջանակներում 2023-24 թվականների համար կառանձնացվի ավելի քան 4,5 միլիարդ եվրո, ինչը կազմում է աշխատանքային ծրագրի շուրջ ընդհանուր բյուջեի ավելի քան 33%-ը,

2022 թվականի նոյեմբերի 28-ին կայացավ «Women 4 Digital Future» գոծնական կապերի ընդլայնման վիրտուալ միջոցառումը, որի ուշադրության կենտրոնում էին կանանց ձեռներեցությունը և նորարարությունները Արևելյան գործընկերության երկրներում: Հանդիպումն անցկացրեց EU4Digital-ի ՏՀՏ նորարարությունների թիմը։

Հոկտեմբերի 24-ին կայացած 2022 թվականի Արևելյան գործընկերության թվային համաժողովի ուշադրության կենտրոնում դիմակայունության, ճգնաժամային իրավիճակներին արձագանքման և վերականգնման հարցերն էին: Միջոցառման հիմնական շեշտը Արևելյան գործընկերության (ԱլԳ) տարածաշրջանի թվային փոխակերպման առաջնահերթություններն էին։