«EU4Digital» ծրագիրը հրավիրում է Ուկրաինայի քաղաքացիներին ու փոքր եւ միջին ձեռնարկություններին (ՓՄՁ)՝ գրանցվելու նորաստեղծ «EU4Digital» ակադեմիայի շրջանակում հասանելի առաջին թվային դասընթացին: «Էլեկտրոնային կոմերցիան ԵՄ առեւտրային հարթակներում» թեմայով առցանց դասընթացը հարմար եւ օգտակար է այն սովորողների համար, ովքեր չունեն էլեկտրոնային կոմերցիայի մասին նախնական գիտելիքներ, բայց ցանկանում են գնալ այդ ճանապարհով, կամ ովքեր իրենց երկրում արդեն իսկ զբաղվում են ապրանքների առցանց վաճառքով, բայց ցանկանում են դա անել նաեւ Եվրոպական միության (ԵՄ) երկրներում։

«EU4Digital» ծրագիրը գործարկել է իր «EU4Digital» ակադեմիան՝ թվային ուսուցման ծրագիր, որն անվճար եւ մատչելի թվային հմտությունների ուսուցում է առաջարկում Արեւելյան գործընկերության երկրներին: «EU4Digital» ակադեմիան տրամադրում է վեբ դասընթացներ՝ հարմարեցված Արեւելյան գործընկերության տարածաշրջանի երկրների՝ Հայաստանի, Ադրբեջանի, Վրաստանի, Մոլդովայի եւ Ուկրաինայի փոքր եւ միջին ձեռնարկությունների (ՓՄՁ) եւ քաղաքացիների կարիքներին:

Եվրոպական հանձնաժողովը 2024 թվականի հունվարի 24-ին հիմնադրել է «Արհեստական բանականության եվրոպական գրասենյակը»: ԱԲ գրասենյակին վերապահված է ընդհանուր նշանակության արհեստական բանականության (ԸՆԱԲ) մոդելների եւ համակարգերի օգտագործման վերահսկողությունը։

Մոլդովայի՝ «Թվային Եվրոպա» ծրագրին միանալու համաձայնագիրը երկրի բիզնեսին եւ իշխանություններին թույլ կտա դիմել եւ ստանալ ԵՄ ֆինանսավորում՝ թվայնացման նախագծերի համար 2021-2027 թվականների 7.5 միլիարդ եվրո միջոցներից։

«EU4Digital» ծրագիրը հրապարակել է «Առաջարկություններ Արեւելյան գործընկերության երկրներում DESI ցուցանիշների ներդրման վերաբերյալ» նոր զեկույցը՝ աջակցելու Թվային տնտեսության եւ հասարակության համաթվի (DESI) տվյալների հավաքագրման ԵՄ համապատասխան մեթոդաբանությունների կիրառմանը:

ՀՀ բարձր տեխնոլոգիական արդյունաբերության նախարարությունը 2023թ. «Ներուժ 4.0» սփյուռքի տեխնոլոգիական ստարտափների ծրագրի շրջանակներում հայտարարում է դրամաշնորհային մրցույթներ՝ առաջարկելով պետական ֆինանսավորում, մենթորություն եւ ուսուցում:

Արեւելյան գործընկերության (ԱլԳ) տարածաշրջանի երիտասարդ քաղաքացիները հրավիրվում են մասնակցելու Եվրոպական կրթական հիմնադրամի (ԵԿՀ) կողմից 2023 թվականի դեկտեմբերի 4-ին մեկնարկած #MySkills4You նախաձեռնությանը։

2023 թվականի դեկտեմբերի 4-ից 8-ը կայացած UNCTAD eWeek 2023-ի ավելի քան 3500 մասնակիցներ քննարկել են, թե ինչպես կարելի է թվային հնարավորությունները վերածել ընդհանուր եւ կայուն զարգացման ձեռքբերումների:

2023 թվականի դեկտեմբերի 14-15-ին Եվրոպական խորհուրդը որոշում կայացրեց սկսել Ուկրաինայի եւ Մոլդովայի հետ անդամակցության բանակցությունները։ Սա շրջադարձային պահ էր երկու երկրների ժողովուրդների համար, որոնք հետեւողականորեն ցույց են տվել իրենց եվրոպական համոզմունքը։ ԵՄ առաջնորդները նաեւ որոշել են Վրաստանին թեկնածու երկրի կարգավիճակ շնորհել։

Եվրոպական խորհուրդը 2023 թվականի նոյեմբերի 23-ին ընդունել է առաջարկությունների շարք՝ հաջող թվային կրթությանը եւ ուսուցմանը նպաստող հիմնական գործոնների, ինչպես նաեւ կրթության եւ ուսուցման ոլորտում թվային հմտությունների եւ կարողությունների տրամադրման բարելավման վերաբերյալ: Այս փաթեթով Խորհուրդն արձագանքում է կրթությունն իրական թվային փոխակերպման կարիքներին հարմարեցնելու եւ արագ փոփոխվող ժամանակներին ու տեխնոլոգիաներին համընթաց քայլելու անհրաժեշտությանը:

Եվրոպական կրթական հիմնադրամն (ԵԿՀ/ETF) օգնում է Եվրոպական միության (ԵՄ) երկրներին բարեփոխել իրենց կրթության, ուսուցման եւ աշխատաշուկայի համակարգերը: ԵՄ այս գործակալության 2024 թվականի աշխատանքային ծրագիրն ի թիվս այլ նպատակների եւ ուղղությունների կնպաստի կրթության ոլորտի թվայնացմանն ու նորարարություններին՝ հատուկ ուշադրություն դարձնելով Ուկրաինայի եւ ԵՄ անդամակցության թեկնածու երկրների, ներառյալ՝ Վրաստանի եւ Մոլդովայի վրա: Նշված ռազմավարական ծրագիրը հաստատվել է 2023 թվականի նոյեմբերի 24-ին։

«EU4Digital» ծրագիրը հասել է կարեւոր հանգրվանի Արեւելյան գործընկերության երկրների՝ ԵՄ լավագույն փորձին համապատասխան տվյալներ հավաքելու եւ իրենց ազգային ռազմավարություններում թվային արտադրողականության հետ կապված ավելի ճշգրիտ տվյալներ ինտեգրելու կարողության արագացմանն ուղղված իր ջանքերում։ 2023 թվականի նոյեմբերի 24-ին կայացած տարածաշրջանային միջոցառումը հնարավորություն ընձեռեց ավարտել «EU4Digital» ծրագրի DESI արագացուցիչի առաջին փուլը եւ սկսել նախապատրաստվել երկրորդին: