ՏՀՏ նորարարություն

Ի աջակցություն այս նպատակների՝ «EU4Digital. աջակցելով թվային տնտեսությանը և հասարակությանը Արևելյան գործընկերությունում» ծրագիրը՝

• կաջակցի ՏՀՏ նորարարության ընդհանուր օրենսդրական դաշտի ստեղծմանը ԱլԳ տարածքում.
• կմշակի ընդհանուր ուսումնական փաթեթ՝ ուղղված քաղաքականություն մշակողների, ՏՀՏ կազմակերպությունների և բիզնեսների համար.
• կխթանի նորարարական էկոհամակարգի դերակատարների միջև կապերի հաստատմանը.
• կընդլայնի «Սթարթափ Եվրոպա» ցանցերն ու հարթակները՝ այնտեղ բոլոր 6 գործընկեր երկրներին ընդգրկելու նպատակով.
• Արևելյան գործընկերության երկրներում շուկայի գնահատման իրականացում՝ «Թվային նորարարություններ և ծավալների ընդլայնում» նախաձեռնության համար (DISC ուսումնասիրություն)
• Իրազեկման արշավների իրականացում` աջակցելու բարձր տեխնոլոգիաների ոլորտում կանանց մենթորական ծրագրերին

Ծրագիրն աջակցում է «EU4Digital» նախաձեռնության ՏՀՏ նորարարության ցանցի աշխատանքներին, որոնք ուղղված են ստորև նշվածների զարգացմանը.

• Վերապատրաստում.
• Կապերի հաստատում.
• Ինստիտուցիոնալ կառուցակարգ.
• Նորարարական կառուցակարգ.
• Նորարարական ենթակառուցվածք.
• ՓՄՁ-ների համար պիլոտային ծրագրեր.
• ՓՄՁ-ների համար նորարարական ծառայություններ:

Եվրամիության կողմից ֆինանսավորվող ընթացիկ «EaP Connect» ծրագիրը նույնպես աջակցում է ՏՀՏ նորարարությանը՝ ԱլԳ գործընկեր երկրների շրջանում և վերջիններիս եվրոպական գործընկերների հետազոտական ու կրթական համայնքների փոխկապակցման միջոցով: Դա արվում է գերարագ լայնաշերտ ինտերնետային կապի միջոցով, որը շուրջ 700 հաստատությունների մոտ երկու միլիոն տեղացի գիտնականներին, ուսանողներին և դասախոսներին ապահովում է գլոբալ հետազոտությունների հասանելիությամբ: www.eapconnect.eu

«EU4Digital» նախաձեռնության՝ ՏՀՏ նորարարական ենթակառուցվածքին ուղղված աջակցությունը կխրախուսի հետազոտությունների գերազանցության փոխանակումներն ու միջսահմանային ներդրումները, կբացի ԵՄ շուկաները ԱլԳ տարածաշրջանի ստարտափների համար, կխրախուսի ներդրումներն ու կստեղծի աշխատատեղեր տաղանդավոր երիտասարդների համար, ինչպես նաև կհանգեցնի արտադրողականության և արժեքի ընդհանուր բարձրացմանը: