EU4Digital proqramının Rəqəmsal bacarıqlar tematik sahəsi Şərq Tərəfdaşlığı ölkələrində onlayn tədris platforması vasitəsilə rəqəmsal səriştə və bacarıqları təkmilləşdirəcək EU4Digital Akademiyası layihəsinin işlənib hazırlanması konsepsiyasını yaradıb. EU4Digital Akademiyası texnoloji həlləri ilə idarə olunan bu rəqəmsal platforma 500 000 KOB-un dəstəklənməsi və 1 milyon ŞT vətəndaşının rəqəmsal texnologiyalar sahəsində səlahiyyətləndirilməsinə dair Aİ-nin öhdəliyinin bir hissəsidir. Sözügedən konsepsiya hər bir Şərq Tərəfdaşlığı ölkəsinin yerli dillərində yüksək keyfiyyətli məzmuna çıxışı təmin edir və Aİ-də elektron ticarət, rəqəmsal marketinq və biznesin rəqəmsallaşması mövzularını ön plana çəkir. Tədris materialının məzmunu həm yerli təminatçılardan, həm də Aİ və dünyanın nüfuzlu təminatçılarından əldə olunaraq onlayn platforma vasitəsilə pulsuz təqdim olunur. EU4Digital Akademiyası layihəsinin əsas məqsədi KOB-ların rəqəmsal iqtisadiyyatda rəqabət qabiliyyətini artırmaq və Şərq Tərəfdaşlığı ölkələrində vətəndaşların rəqəmsal bacarıqlarını təkmilləşdirməkdir.