Rəqəmsal bacarıqlarEU4Digital Akademiyası

Aİ EU4Digital təşəbbüsü vasitəsilə rəqəmsal təhsil imkanlarının təmin edilməsi ilə bir milyon Şərq Tərəfdaşlığı (ŞT) vətəndaşının rəqəmsal texnologiyalar sahəsində səlahiyyətləndirilməsi üçün zəmin yaratmaq niyyətindədir. Kiçik və orta müəssisələr (KOB-lar) üçün rəqəmsal səriştə bazası vasitəsilə rəqəmsal texnologiyalar sahəsində boşluqların aradan qaldırılması və rəqəmsal transformasiyanın monitorinqinin keyfiyyətinin yüksəldilməsi Rəqəmsal bacarıqlar üzrə əsas sahələrdir.

Bu məqsədlər naminə EU4Digital proqramının II mərhələsi aşağıdakı işləri görəcək:

• Geniş çeşiddə bacarıqlar üzrə təlim proqramı ilə regional EdTech platformasının yaradılmasına kömək;
• I mərhələdə hazırlanmış İKT sektorunda gender bərabərsizliyini aradan qaldırmağa yönəlmiş tövsiyələr əsasında mentorluq proqramlarının asanlaşdırılması üçün konkret ölkələr üzrə metodologiyaların hazırlanması;
• DESI sürətləndiricisi: Şərq Tərəfdaşlığı ölkələrində Aİ-nin Rəqəmsal İqtisadiyyat və Cəmiyyət İndeksinin (DESI) tətbiqinin təşviqi və dəstəklənməsi.

Bu işlər DESI-yə uyğun olaraq ŞT-də rəqəmsal bacarıqlar sahəsində mövcud boşluqların ölçülməsi və proqnozlaşdırılması üçün metodologiyanın işlənib hazırlanmasını əhatə edən I mərhələdəki Rəqəmsal bacarıqlar sahəsində fəaliyyətlərin nailiyyətlərinə əsaslanır. KOB-lar üçün Rəqəmsal Səlahiyyət Bazası yaradılıb və ölkələrdə Bacarıqlar və iş yerləri üzrə milli koalisiyaların yaradılmasına dəstək verilib.

Proqram aşağıdakı prioritetləri diqqət mərkəzində saxlayan EU4Digital Rəqəmsal Bacarıqlar şəbəkəsinin fəaliyyətini dəstəkləyir:

• Vətəndaşlar üçün rəqəmsal bacarıqlar
• İKT mütəxəssisləri üçün rəqəmsal bacarıqlar
• KOB-lar daxil olmaqla qeyri-İKT sahəsində çalışanlar üçün rəqəmsal bacarıqlar
• Təhsildə rəqəmsal bacarıqlar (təhsil işçiləri, gənclər və tələbələr üçün rəqəmsal bacarıqlar)
• Rəqəmsal iqtisadiyyat və cəmiyyət göstəricilərinin ölçülməsi

Getdikcə rəqəmsallaşan iqtisadiyyatlar və cəmiyyətlər üçün rəqəmsal bacarıqlar həyati əhəmiyyət daşıyır. Aİ EU4Digital vasitəsilə rəqəmsal bacarıqların inkişafına və ölçülməsinə dəstək verməklə həmin bacarıqların yeni yaranan sahələrin tələblərinə uyğunlaşdırılmasına kömək edərək məşğulluğa, özəl sektorun inkişafına və iqtisadiyyatın dinamik inkişafına töhfə verir.