Лічбавыя навыкіАкадэмія EU4Digital

Праз ініцыятыву EU4Digital ЕС імкнецца закласці падмурак для пашырэння лічбавага патэнцыялу аднаго мільёна грамадзян Усходняга партнёрства (УП) дзякуючы забеспячэнню магчымасцей лічбавай адукацыі. Пераадоленне лічбавага разрыву пры дапамозе Структуры лічбавых кампетэнцый для малых і сярэдніх прадпрыемстваў (МСП) і павышэнне якасці кантролю за лічбавай трансфармацыяй з’яўляюцца важнымі элементамі ў галіне Лічбавых навыкаў.

Дзеля дасягнення гэтых мэт Фаза II праекта EU4Digital будзе накіравана на:

• Садзейнічанне распрацоўцы рэгіянальнай платформы адукацыйных тэхналогій з шырокай праграмай навучання;
• Распрацоўку метадалогій для кожнай асобнай краіны з мэтай распаўсюджання праграм настаўніцтва на падставе рэкамендацый па пераадоленні гендарнага разрыву ў сферы ІКТ, падрыхтаваных падчас Фазы І;
• Акселератар DESI: садзейнічанне і дапамога з укараненнем Індэкса лічбавай эканомікі і грамадства ЕС (DESI) ва Усходніх краінах-партнёрах.

У якасці асновы выкарыстоўваюцца дасягненні ў галіне Электронных навыкаў падчас Фазы I, сярод якіх распрацоўка метадалогіі вымярэння і прагназавання разрываў у лічбавых навыках ва УП у адпаведнасці з DESI. Таксама была створана Структура лічбавых кампетэнцый для МСП і была прадастаўлена дапамога са стварэннем Нацыянальных кааліцый па навыках і прафесіях у краінах.

Праект падтрымлівае працу экспертнай Сеткі лічбавых навыкаў EU4Digital, прыярытэтнымі задачамі якой з’яўляюцца:

• Лічбавыя навыкі для грамадзян
• Лічбавыя навыкі для спецыялістаў ІКТ
• Лічбавыя навыкі для працоўных рэсурсаў, не занятых у ІКТ, уключаючы МСП
• Лічбавыя навыкі ў адукацыі (лічбавыя навыкі для выкладчыкаў, моладзі і студэнтаў)
• Вымярэнне паказальнікаў лічбавай эканомікі і грамадства

Лічбавыя навыкі жыццёва важныя для ўсё больш лічбавізаваных эканомік і грамадстваў. Спрыяючы развіццю і вымярэнню лічбавых навыкаў праз EU4Digital, ЕС дапамагае ўзгадняць навыкі з запатрабаваннямі новых галін, робячы ўнёсак у стварэнне новых працоўных месцаў, развіццё прыватнага сектара і паскарэнне эканамічнага росту.