Азербайджан

EU4Digital удасканаліць працу дзяржаўных устаноў, будзе спрыяць дыверсіфікацыі эканомікі, стымулюючы рост і стварэнне новых працоўных месцаў, а таксама палепшыць якасць жыцця грамадзян Азербайджана. Гарманізацыя лічбавых рынкаў дзякуючы EU4Digital прывядзе да павышэння якасці анлайн-паслуг, павелічэння іх асартыменту і зніжэння цэн.

Развіццё лічбавай эканомікі з’яўляецца прыярытэтнай вобласцю для Азербайджана, а найвялікшы ўпор робіцца на цэнтралізацыю электронных паслуг і лічбавізацыю дзяржаўных паслуг. Лічбавая трансфармацыя фігуруе ў якасці прыярытэтнай вобласці ў сацыяльнай і эканамічнай стратэгіі ўрада.

Азербайджан імкнецца павысіць узровень падключанасці насельніцтва да інтэрнэту  да 2024 года. Была распрацавана стратэгія ў галіне кібербяспекі, дзе асаблівая ўвага скіроўваецца на заканадаўства аб канфідэнцыяльнасці даных.  Яна будзе садзейнічаць працэсу лічбавізацыі ў краіне.

У шчыльным супрацоўніцтве з Сусветным банкам ЕС выдзеліў фінансаванне на Адміністрацыйнае пагадненне аб механізме аператыўнай тэхнічнай дапамогі Азербайджану (AZTAF) у 2022 годзе. Гэтая трохгадовая праграма накіравана на падтрымку дзяржаўных прыярытэтаў, сярод якіх «Разумныя вёскі» і лічбавая сувязь.

ЕС і ЕБРР падтрымліваюць абсталяванне сучаснай інфраструктурай шырокапалоснай сувязі больш чым 280 000 хатніх гаспадарак у Азербайджане, даючы крэдыт у памеры да 50 мільёнаў долараў ЗША, фінансаваны ў межах Эканамічнага і інвестыцыйнага плана для Усходняга партнёрства. Гэты крэдыт, выданы Aztelekom як установе Міністэрства лічбавага развіцця і транспарту, будзе спрыяць пашырэнню сеткі для павелічэння хуткасці, магутнасці і прапускной здольнасці, што дапаможа пераадолець лічбавы разрыў паміж сталіцай і сельскай мясцовасцю.

Больш падрабязную інфармацыю аб адносінах ЕС з Азербайджанам можна знайсці на

• сайце EU4Azerbaijan
• сайце Прадстаўніцтва Еўрапейскага саюза ў Азербайджане.