Арменія

EU4Digital абапіраецца на доўгую гісторыю супрацоўніцтва ЕС з Арменіяй у галіне электроннага ўрада і лічбавізацыі. EU4Digital яшчэ больш узмацняе супрацоўніцтва паміж ЕС і Арменіяй, скіроўваючы асаблівую ўвагу на Правілы тэлекамунікацыйнага сектара, Лічбавы давер і трансгранічныя лічбавыя паслугі, Электронны гандаль, Электронную ахову здароўя, Інавацыі ў сферы ІКТ і экасістэмы стартапаў і Лічбавыя навыкі.

Вынікі ініцыятывы прывядуць да павышэння якасці анлайн-паслуг для грамадзян Арменіі, зніжэння цэн і пашырэння іх асартыменту, прыцягнуць інвестыцыі, будуць садзейнічаць гандлю і занятасці, а таксама супрацоўніцтву з дзяржавамі-членамі ЕС і іншымі краінамі Усходняга партнёрства.

З 2002 года ЕС актыўна садзейнічае лічбавізацыі і развіццю сектара электроннага ўрада ў Арменіі. У якасці прыклада можна прывесці праект «EU4Armenia: Дзеянні электроннага ўрада» (2017-2020 гг.),, што накіраваны на стварэнне «адзінага акна» і агульнай Урадавай платформы ўзаемадзеяння (УПУ) для ўсіх дзяржаўных паслуг.

Акрамя таго, у межах «Развіцця лічбавых паслуг для грамадзян» (2020-2022 гг.) былі вызначаны прыярытэтныя электронныя паслугі: картаграфаванне і распрацоўка каталога паслуг, што забяспечваюць аказанне ключавых лічбавых паслуг, уключаючы інвентарызацыю наяўных лічбавых рэсурсаў і рэестраў Арменіі, а таксама ацэнка лічбавых набораў даных і інфармацыйных сістэм для структурнага падзелу паслуг бэк-офіса і фронт-офіса. Былі зарэгістраваныя бізнес-працэсы прынамсі 35 паслуг.

У 2021 годзе ЕС выдзеліў сродкі на новы праект у той жа сферы «Распрацоўка і ўкараненне рашэнняў электроннага правасуддзя ў Арменіі». Агульная мэта гэтага трохгадовага праекта палягае ў распрацоўцы адзінай платформы электроннага правасуддзя. Стаўшы каардынатарам для ўсіх звязаных паміж сабой інфармацыйных сістэм, новая сістэма правасуддзя заменіць працэсы папяровага абароту электронным фарматам. Партал электроннага правасуддзя дазволіць усім грамадзянам карыстацца для падключэння і адпраўкі / атрымання інфармацыі адзінай кропкай доступу.

Раней ЕС дапамог Арменіі распрацаваць электронны рэестр актаў грамадскага стану, беспапяровае міністэрства Mulberry, анлайн-рэестр прадпрыемстваў, электронную пенітэнцыярную сістэму, электронны апастыль, інтэрактыўны партал e-draft для празрыстасці і прастаты абмеркавання праектаў прававых актаў, а таксама інтэрактыўны анлайн-партал для зваротаў з запытамі, скаргамі ці прапановамі да ўрада.

У 2021 годзе была зацверджаная стратэгія Арменіі ў галіне лічбавай трансфармацыі, а таксама план дзеянняў і падагульняючыя паказальнікі стратэгіі. Было створана Агенцтва інфармацыйных сістэм Фонду Арменіі для падтрымкі развіцця лічбавага грамадства і эканомікі і аказання лічбавых паслуг.

Больш падрабязную інфармацыю аб адносінах ЕС з Арменіяй можна знайсці на

• сайце EU4Armenia
• сайце Прадстаўніцтва Еўрапейскага саюза ў Арменіі.