Арменія

Ініцыятыва Еўрапейскага саюза EU4Digital з дапамогай шэрагу захадаў па развіцці ключавых сфер лічбавай эканомікі і грамадства ў адпаведнасці з нормамі і практыкай ЕС падтрымлівае праграму лічбавых рэформ у Арменіі, каб забяспечыць эканамічны рост, стварыць новыя працоўныя месцы, палепшыць узровень жыцця насельніцтва і дапамагчы бізнесу.

Навіны Падзеі Паспяховыя праекты

EU4Digital абапіраецца на доўгую гісторыю супрацоўніцтва ЕС з Арменіяй ў галіне электроннага ўрада і алічбоўкі, далейшага ўмацавання супрацоўніцтва паміж ЕС і Арменіяй, надаючы асаблівую ўвагу тэлекамунікацыйным правілам, даверу і бяспецы, электроннаму гандлю, інавацыям у галіне ІКТ, электроннай ахове здароўя і электронным навыкам. Вынікам ініцыятывы стануць лепшыя, больш даступныя і разнастайныя анлайн-сэрвісы для грамадзян Арменіі, прыцягненне інвестыцый, стымуляванне гандлю і занятасці, а таксама ўмацаванне супрацоўніцтва з дзяржавамі-членамі ЕС і ў рамках Усходняга партнёрства.

ЕС таксама фінансуе трохгадовы праект «EU4Armenia: дзеянні па развіцці электроннага ўрада» (2017-2020 гг.), накіраваны на стварэнне ўрадавай платформы ўзаемадзеяння, што дазволіць спрасціць і стандартызаваць бяспечную сувязь паміж усімі арганізацыямі дзяржаўнага кіравання Арменіі, а таксама ўкараніць прынцып «аднаго акна» для пунктаў перасячэння мяжы. Праект дазволіць павысіць празрыстасць, грамадскі кантроль і прадказальнасць паслуг электроннага кіравання, а таксама забеспячыць эканомію часу і выдаткаў з боку дзяржаўных органаў, гаспадарчых суб’ектаў і грамадзян. 

Папярэдняе супрацоўніцтва ў лічбавай сферы ўключала падтрымку з боку ЕС электроннага рэестра цывільнага стану Арменіі, беспапяровага міністэрства «Шаўкоўніца», анлайн-рэестра прадпрыемстваў, электроннай пенітэнцыярнай сістэмы, электроннага апастыля, электроннага інтэрактыўнага партала для законапраектаў, які дазваляе празрыста і лёгка абмяркоўваць праекты прававых актаў, і электроннага запыту інтэрактыўнага партала, які дазваляе звяртацца з запытамі, скаргамі ці прапановамі да ўрада і т. д.

У маі 2019 года ў Арменіі было створана новае міністэрства высокатэхналагічнай прамысловасці, што таксама важна ў кантэксце каардынацыі дасягнутых, бягучых і планаваных ініцыятыў і павышэння эфектыўнасці лічбавага сектара. Сярод мэтавых задач Міністэрства —распрацоўка, укараненне і маніторынг вынікаў праграмы лічбавай трансфармацыі краіны, якая будзе будавацца на наступных ключавых кірунках, з выкарыстаннем цэласнага падыходу:

  • лічбавае кіраванне;
  • лічбавая эканоміка;
  • лічбавае грамадства;
  • лічбавая інфраструктура.

Кібербяспека таксама з’яўляецца скразным пытаннем.

Праглядзець звязаныя праекты


Навіны

Паглядзець усё