Беларусь

З ліпеня 2021 года Беларусь прыпыніла ўдзел ва Усходнім партнёрстве (УП). Кіруючыся вывадам Савета ад лютага 2022 года, ЕС прыняў дадатковыя абмежавальныя меры. Што датычыцца двухбаковых і рэгіянальных праграм падтрымкі, то ўся дзейнасць з удзелам дзяржаўных органаў і дзяржаўных прадпрыемстваў Беларусі прыпынена.

На рэгіянальным узроўні праз ініцыятыву EU4Digital ЕС садзейнічае стварэнню агульнай роўмінгавай прасторы, развіццю высакахуткаснай шырокапалоснай сеткі, каб стымуляваць эканоміку і пашыраць асартымент электронных паслуг, спрыяе каардынацыі кібербяспекі і гарманізацыі разнастайных лічбавых баз, пачынаючы ад лагістыкі і канчаючы аховай здароўя, а таксама ўдасканаленню навыкаў і стварэнню працоўных месцаў у лічбавай галіне.

Фаза II праекта EU4Digital будзе абапірацца на ключавыя тэматычныя вобласці першай фазы, уключаючы спрыянне распрацоўцы сумяшчальных трансгранічных паслуг электроннай ідэнтыфікацыі і электронных паслуг у цэлым. EU4Digital падрыхтуе рэкамендацыі па распрацоўцы стратэгі у галіне электроннай аховы здароўя і будзе садзейнічаць супрацоўніцтву краін УП у дадзенай сферы праз абмен данымі. Стымуляцыя электроннай камерцыі і наладжвання сувязей паміж інавацыйнымі экасістэмамі, а таксама садзейнічанне развіццю лічбавых навыкаў для задавальнення запытаў новых галін умацуюць лічбавую эканоміку, пашыраць асартымент і павысяць якасць паслуг, даступных для спажыўцоў.
Больш падрабязную інфармацыю аб адносінах ЕС з Беларуссю можна знайсці на сайце Прадстаўніцтва Еўрапейскага саюза ў Беларусі