Ініцыятыва EU4Digital – гэта флагманская рэгіянальная праграма ЕС па падтрымцы лічбавай трансфармацыі і гарманізацыі лічбавых рынкаў у краінах-удзельніцах сумеснай палітычнай ініцыятывы Усходняе партнёрства (УП).
У кантэксце Еўрапейскай палітыкі суседства і Усходняга партнёрства ініцыятыва EU4Digital імкнецца пашырыць перавагі Адзінага лічбавага рынку ЕС на Усходнія краіны-партнёры. Умацоўваючы лічбавую эканоміку і грамадства, гэта дазволіць стварыць больш працоўных месцаў і прывядзе да эканамічнага росту, дапаможа бізнесу і палепшыць якасць жыцця грамадзян УП.
Праз ініцыятыву EU4Digital садзейнічае зніжэнню тарыфаў на роўмінг, развіццю высакахуткаснай шырокапалоснай сувязі, каб стымуляваць эканоміку і пашыраць асартымент электронных паслуг, спрыяе каардынацыі кібербяспекі і гарманізацыі лічбавых баз ва ўсім грамадстве, пачынаючы ад лагістыкі і канчаючы аховай здароўя, а таксама ўдасканаленню навыкаў і стварэнню працоўных месцаў у лічбавых галінах.
Імкнучыся да ўстойлівай лічбавай трансфармацыі, ініцыятыва EU4Digital дапамагае скасаваць перашкоды на шляху доступу да агульнаеўрапейскіх анлайн-паслуг для грамадзян, органаў дзяржаўнай улады і бізнесу. Гэта вядзе да павышэння якасці анлайн-паслуг, зніжэння цэн і пашырэння іх асартыменту, а ў выніку дазволіць прыцягнуць інвестыцыі і будзе стымуляваць гандаль і занятасць. Існуючыя кампаніі будуць развівацца хутчэй, а ствараць стартапы стане прасцей. Ініцыятыва таксама дапамагае падрыхтаваць глебу для інвестыцыйных праектаў у галіне лічбавай трансфармацыі ў межах Эканамічнага і інвестыцыйнага плана для рэгіёна Усходняга партнёрства.
Цэнтральнай у ініцыятыве EU4Digital з’яўляецца Фаза II праекта EU4Digital, якая фінансуецца ЕС і працягнецца з 2022 па 2025 год. Яна грунтуецца на дасягненнях першай фазы, што доўжылася з 2019 па 2022 год. Гэты праект накіраваны на ўмацаванне эканомікі і кіравання ва Усходніх краінах-партнёрах праз лічбавую трансфармацыю ў ключавых тэматычных абласцях:
- Нормы тэлекамунікацыйнага сектара
- Лічбавы давер і трансгранічныя лічбавыя паслугі
- Электронны гандаль
- Электронная ахова здароўя
- Інавацыі ў сферы ІКТ і экасістэмы стартапаў
- Лічбавыя навыкі
Гэтыя вобласці адпавядаюць шасці сеткам EU4Digital, што былі створаныя ў 2016 годзе і складаюцца з прадстаўнікоў Усходніх краін-партнёраў і дзяржаў-членаў ЕС.
У ініцыятыву EU4Digital уваходзяць і іншыя праекты, уключаючы EU4Digital: Cybersecurity EAST, які ўмацоўвае кібербяспеку і павышае давер да лічбавых паслуг, і EU4Digital: EaPConnect , які пашырае сеткавую інфраструктуру і паслугі, каб аб’яднаць навукова-адукацыйныя супольнасці УП і ЕС.
Даведайцеся больш аб праектах EU4Digital, а таксама аб стратэгіях ЕС і палітычных асновах УП, што вызначаюць кантэкст і мэты ініцыятывы EU4Digital.