«EU4Digital» նախաձեռնությունը

«EU4Digital» նախաձեռնությունը ԵՄ-ի գլխավոր տարածաշրջանային ծրագիրն է, որն ուղղված է աջակցելու Արեւելյան գործընկերության (ԱլԳ) երկրների թվային փոխակերպմանը եւ թվային շուկաների ներդաշնակեցմանը:

Եվրոպական հարեւանության քաղաքականության եւ Արեւելյան գործընկերության համատեքստում «EU4Digital» նախաձեռնությունը նպատակ ունի ընդլայնել ԵՄ-ի միասնական թվային շուկայի առավելությունները դեպի Արեւելյան գործընկերության երկրներ: Թվային տնտեսության եւ հասարակության ներուժը զարգացնելով` հիմքեր կդրվեն տնտեսական աճի ապահովման, ավելի շատ աշխատատեղերի ստեղծման, գործարարությանն աջակցելու եւ ԱլԳ քաղաքացիների կյանքի որակի բարելավման համար:

«EU4Digital» նախաձեռնության միջոցով ԵՄ-ն աջակցում է ռոումինգի սակագների նվազեցմանը, տնտեսությունների խթանման եւ էլեկտրոնային ծառայությունների ընդլայնման նպատակով գերարագ լայնաշերտ կապի զարգացմանը, կիբերանվտանգության համակարգմանը եւ հասարակությունում թվային կառուցակարգերի ներդաշնակեցմանը՝ լոգիստիկայից մինչեւ առողջապահություն, հմտություններ բարելավում եւ թվային ոլորտներում աշխատատեղերի ստեղծում:

Կայուն թվային փոխակերպմանն աջակցելու նպատակով «EU4Digital» նախաձեռնությունն օգնում է վերացնել համաեվրոպական առցանց ծառայությունների խոչընդոտները քաղաքացիների, պետական կառավարման մարմինների եւ բիզնեսների համար, ինչը հանգեցնում է առցանց ծառայությունների բարելավմանը՝ ավելի նպաստավոր սակագներով եւ ընտրության ավելի լայն հնարավորությամբ: Այն կներգրավի ներդրումներ եւ կխթանի առեւտուրն ու զբաղվածությունը, գոյություն ունեցող ընկերությունները կաճեն ավելի արագ, իսկ ստարտափների հիմնադրումն առավել կհեշտանա: Նախաձեռնությունը նաեւ օգնում է հիմքեր նախապատրաստել Արեւելյան գործընկերության տարածաշրջանի համար նախատեսված Տնտեսական եւ ներդրումային պլանի ներքո թվային փոխակերպման ոլորտում ներդրումային նախագծերի համար:

«EU4Digital» նախաձեռնության շրջանակում կենտրոնական նշանակություն ունի ԵՄ-ի ֆինանսավորմամբ իրականացվող «EU4Digital» ծրագրի II փուլը (2022-2025), որը հիմնված է դրա առաջին փուլի (2019-2022) ձեռքբերումների վրա: Ծրագիրը կենտրոնանում է Արեւելյան գործընկերության երկրների տնտեսության եւ կառավարման ամրապնդման վրա՝ հիմնական թեմատիկ ոլորտների թվային փոխակերպման միջոցով.

• Հեռահաղորդակցության կանոններ.
• Էլեկտրոնային վստահության եւ միջսահմանային թվային ծառայություններ.
• Էլեկտրոնային առեւտուր.
• Էլեկտրոնային առողջապահություն.
• ՏՀՏ նորարարություններ եւ ստարտափ էկոհամակարգեր.
• Թվային հմտություններ։

Աջակցության այս ոլորտներն արտացոլում են 2016 թվականին ստեղծված թվով վեց EU4Digital-ի ցանցերը, որոնք կազմված են Արեւելյան գործընկերության երկրների եւ ԵՄ անդամ երկրների ներկայացուցիչներից:

EU4Digital-ի հովանու ներքո իրականացվում են նաեւ այլ նախագծեր, այդ թվում՝ «EU4Digital` կիբերանվտանգություն – Արեւելք»-ը, որն ուղղված է կիբերանվտանգության ամրապնդմանը եւ թվային ծառայությունների օգտագործման նկատմամբ վստահության մեծացմանը, ինչպես նաեւ «EU4Digital՝ Հետազոտական եւ կրթական համայնքների միջեւ կապի ապահովում (EaPConnect)»-ը, որն ուղղված է ցանցային ենթակառուցվածքների եւ ծառայությունների ընդլայնմանը՝ ԱլԳ եւ ԵՄ կրթական եւ հետազոտական համայնքները միավորելու նպատակով։

Իմացեք ավելին EU4Digital-ի շրջանակներում իրականացվող ծրագրերի, ինչպես նաեւ ԵՄ քաղաքականությունների եւ ԱլԳ քաղաքականության հիմքերի մասին, որոնք ձեւավորում են «EU4Digital» նախաձեռնության ենթատեքստն ու նպատակները։