Ուկրաինա

Ուկրաինայի դեմ Ռուսաստանի սանձազերծած ռազմական ագրեսիայի եւ երկրում պատերազմի սկսվելուց ի վեր ԵՄ-ն ուժեղացրել է իր աջակցությունն Ուկրաինային եւ շարունակում է աջակցել վերջինիս թվային փոխակերպմանը: Թվային միակցվածության եւ էլեկտրոնային ծառայությունների ապահովումը ներկայիս համատեքստում կենսական ազգային առաջնահերթություններ են:

Ուկրաինայում EU4Digital-ի միջոցով թվային շուկաների ներդաշնակեցումը կհանգեցնի մրցակցության աճին, ինչն ավելի մատչելի գներով եւ առավել լայն ընտրությամբ բարելավված առցանց ծառայություններ է ենթադրում: Այն կներգրավի ներդրումներ, կխթանի առեւտրի ու զբաղվածության ծավալների աճին՝ նպաստելով երկրի սոցիալական եւ տնտեսական զարգացմանը:

EU4Digital-ի միջոցով ԵՄ-ն աջակցում է ռոումինգի սակագների իջեցմանը, գերարագ լայնաշերտ ցանցի զարգացմանը՝ տնտեսությունների խթանման եւ էլեկտրոնային ծառայությունների ընդլայնման, կիբեռանվտանգության համակարգման ու հասարակությունում թվային շրջանակների ներդաշնակեցման նպատակով: Նախաձեռնությունը ներառում է տարբեր ոլորտներ՝ լոգիստիկայից մինչեւ առողջապահություն, կատարելագործված հմտություններ եւ թվային արդյունաբերությունում աշխատատեղերի ստեղծում:

EU4Digital-ի գործունեությունը լրացնում է երկկողմ նախագծերի միջոցով Ուկրաինային ԵՄ-ի կողմից ցուցաբերվող այլ տարածաշրջանային աջակցությանը: 2016 թվականին ԵՄ-ն սկսեց ֆինանսավորել «EGOV4UKRAINE» ծրագիրը՝ որպես «U-LEAD with Europe» ծրագրի մաս: Ծրագրի շրջանակում մշակվել եւ ներդրվել են երկու նոր էլեկտրոնային ծառայությունների համակարգեր, որոնք թույլ են տալիս ավելի լավ տվյալների փոխանակում իրականացնել պետական մարմինների միջեւ: Այնուհետեւ Ուկրաինան ԵՄ-ի հետ համագործակցությամբ սկսեց «EU4DigitalUA» շարունակություն ծրագիրը (2020-2024թթ.): Վերջինս կոչված է բարելավելու Ուկրաինայի թվային փոխակերպման գործընթացը՝ կենտրոնանալով հինգ հիմնական նպատակների վրա.

• Փոխգործելիություն եւ թվային կառավարման ենթակառուցվածքներ.
• Ինստիտուցիոնալ հզորացում եւ կարողությունների զարգացում.
• Հաղորդակցություն եւ հանրային իրազեկում.
• Էլեկտրոնային ծառայությունների զարգացում.
• Կիբերանվտանգություն եւ տվյալների պաշտպանություն:

ԵՄ-ն Ուկրաինայի թվային փոխակերպմանն աջակցում է նաեւ «Թվային քաղաքականության աջակցություն Ուկրաինային» ծրագրի (2021-2024) միջոցով: Այն աջակցում է ԵՄ-Ուկրաինա Ասոցացման համաձայնագրով Ուկրաինայի ստանձնած պարտավորությունների իրականացմանը եւ ուղղված է օժանդակելու Ուկրաինայի թվային փոխակերպման նախարարությանը եւ հեռահաղորդակցության ոլորտը կարգավորող մարմնին իրենց թվային տնտեսության քաղաքականության նպատակներին հասնելու գործում:

Ուկրաինայի կառավարությունն ընդունել է էլեկտրոնային հաղորդակցության մասին ԵՄ օրենքը, որն ուժի մեջ է մտել 2022 թվականի հունվարից։ Սա արտացոլում է Ուկրաինայի համար կարեւոր առաջնահերթությունը՝ ԵՄ միասնական թվային շուկայում հետագա ինտեգրման ուղղությամբ։

2020 թվականի նոյեմբերին Ուկրաինայի կառավարությունն ընդունել է գործողությունների ծրագիր՝ ուղղված 700-800 ՄՀց ռադիոհաճախականության տիրույթների ազատմանը եւ դրանք 5G հաղորդակցության համար հասանելի դարձնելուն, բայց ներկա հանգամանքների պատճառով դրա իրականացումը հետաձգվել է:

Թվային ոլորտում ապագա երկկողմ աջակցության ուշադրության կենտրոնում կլինեն թվային ենթակառուցվածքների վերականգնումը, կառավարության թվայնացումը եւ կիբերանվտանգությանն աջակցությունը:

Ուկրաինայի հետ ԵՄ-ի հարաբերությունների մասին ավելին իմանալու համար այցելեք՝

• EU4Ukraine վեբկայք.
• Ուկրաինայում Եվրոպական միության պատվիրակության վեբկայք։