Էլեկտրոնային առողջապահություն

«EU4Digital» նախաձեռնության միջոցով Եվրոպական միությունն աջակցում է Արեւելյան գործընկերության (ԱլԳ) երկրների եւ ԵՄ-ի միջեւ ներդաշնակեցված թվային առողջապահության զարգացման եւ միջսահմանային ծառայությունների հիմքերի ստեղծմանը, ներառյալ ԱլԳ տարածաշրջանում էլեկտրոնային առողջապահության շահագրգիռ կողմերի ակտիվ համայնքի ձեւավորումը:

Ի աջակցություն այս նպատակներին՝ «EU4Digital» ծրագրի II փուլը՝

• կտրամադրի ԵՄ նորմերին եւ լավագույն փորձին համապատասխան ուղեցույց՝ Արեւելյան գործընկերության երկրներում էլեկտրոնային առողջապահության ռազմավարությունների եւ ճանապարհային քարտեզների մշակման եւ հիվանդների տվյալների օգտագործման համար.
• կիրականացնի միջսահմանային էլեկտրոնային առողջապահական ծառայությունների պիլոտավորում.
• կաջակցի էլեկտրոնային առողջապահության ոլորտում համագործակցությանը՝ միջոցառումների կազմակերպման, միջերկրային եւ ներերկրային հաղորդակցության դյուրացման եւ ծրագրի I փուլի ընթացքում մշակված համագործակցության պորտալի սպասարկման միջոցով.
• կշարունակի ակտիվ եւ առողջ ծերացման ոլորտում օժանդակ գործունեությունը Արեւելյան գործընկերության երկրների համար, մասնավորապես՝ ԵՄ-ի կողմից ֆինանսավորվող «Ակտիվ եւ առողջ ծերացման նորարարական ցանցեր» (IN-4-AHA) ծրագրի միջոցով:

Վերևում նշվածը հիմնված է ծրագրի I փուլի շրջանակում էլեկտրոնային առողջապահության ուղղությամբ գործունեության հաջողությունների վրա՝ ներառյալ միջսահմանային էլեկտրոնային առողջապահության ծառայությունների մատուցումը հնարավոր դարձնող ընդհանուր մոտեցմանն ուղղված ներդաշնակեցման եւ փոխգործելիության ուղեցույցների մշակումը, էլեկտրոնային առողջապահության պորտալի եւ համագործակցության համակարգի գործարկումը, ինչպես նաեւ «Ակտիվ եւ առողջ ծերացման եվրոպական նորարարական գործընկերություն» նախաձեռնության մեջ Արեւելյան գործընկերության երկրներն ընդգրկելու համար մշակված ճանապարհային քարտեզը։

Ծրագիրն աջակցում է EU4Digital-ի էլեկտրոնային առողջապահության ցանցի գործունեությանը, որի հիմնական նպատակներն են.

• աջակցել էլեկտրոնային առողջապահության ոլորտում համագործակցությանը եւ տեղեկատվության ու փորձի փոխանակման հարթակի շարունակական սպասարկմանը.
• զարգացնել ԱլԳ երկրների էլեկտրոնային առողջապահության հաստատությունների, համայնքների եւ մասնագետների կարողությունները.
• պատրաստել էլեկտրոնային առողջապահության ռազմավարությունների ներդաշնակեցման վերաբերյալ առաջարկությունների եւ էլեկտրոնային առողջապահության ճանապարհային քարտեզներ.
• իրականացնել էլեկտրոնային առողջապահության միջսահմանային նախագծերի պիլոտավորում գործընկեր երկրների միջեւ եւ ԵՄ անդամ երկրների հետ:

ԱլԳ երկրների էլեկտրոնային առողջապահության համակարգերի զարգացմանը եւ նշված երկրների, ինչպես նաեւ նրանց ու ԵՄ-ի միջեւ համագործակցության ապահովմանն ուղղված ջանքերին աջակցելով՝ EU4Digital-ն օգտակար կգտնվի ինչպես հիվանդների, այնպես էլ առողջապահական համակարգերի ու մասնագետների համար: Էլեկտրոնային առողջապահության բարելավումների շնորհիվ ԱլԳ երկրները վերջնարդյունքում կունենան ավելի առողջ քաղաքացիներ, խնամքի տրամադրման ավելի արդյունավետ համակարգեր, ավելի պատասխանատու ապահովագրողներ եւ ավելի լավ կարգավորումներ: