«EU4Digital» նախաձեռնության միջոցով Եվրոպական միությունն աջակցում է Արեւելյան գործընկերության (ԱլԳ) երկրների շրջանում, ինչպես նաեւ վերջիններիս ու ԵՄ-ի միջեւ փոխադարձաբար ճանաչված եւ անվտանգ էլեկտրոնային նույնականացման եւ թվային վստահության ծառայությունների զարգացմանը:
Ի աջակցություն այս նպատակներին՝ «EU4Digital» ծրագրի II փուլը՝
- կաջակցի ԱլԳ տարածաշրջանում էլեկտրոնային նույնականացման (eID) եւ վստահության ծառայությունների փոխադարձ ճանաչմանը՝ համաձայն ԵՄ տվյալների պաշտպանության օրենսդրության եւ թվային նույնականացման նոր եվրոպական համակարգի.
- կիրականացնի փոխգործելի միջսահմանային eID-ի պիլոտային փորձարկում.
- կաջակցի տվյալների կառավարման տարածաշրջանային եւ ազգային ռազմավարությունների պատրաստմանը:
Վերևում նշվածը հիմնված է ծրագրի I փուլի շրջանակում վստահության եւ անվտանգության ուղղությամբ գործունեության հաջողությունների վրա՝ ներառյալ էլեկտրոնային ստորագրության (eSignature) պիլոտային փորձարկումները, որոնք ձեռնարկվել են երկրների միջեւ տեխնիկական փոխգործելիունը ստուգելու համար: Անցկացվել է միջսահմանային էլեկտրոնային ծառայությունների փոխգործելիության գնահատում, պատրաստվել է eID հասունության համեմատական վերլուծություն, ինչպես նաեւ մշակվել են կիբերանվտանգության ուղեցույցներ: Ստեղծվել է նաեւ էլեկտրոնային կառավարման շրջանակ՝ կենտրոնանալով թվային տվյալների փոխգործելիության զարգացման անհրաժեշտության վրա՝ որպես պետական կառավարման բարեփոխումներին ավելի լավ աջակցելու միջոց:
Ծրագիրն աջակցում է EU4Digital-ի էլեկտրոնային վստահության եւ միջսահմանային թվային ծառայությունների ցանցի առաջնահերթություններին, որոնք են՝
- անդրսահմանային eID-ի ներդրման եւ ստորագրությունների փոխադարձ ճանաչման ուղղությամբ առաջընթացը՝ տվյալների պաշտպանության ԵՄ չափանիշներին համապատասխան.
- փորձարկված փոխգործելի միջսահմանային eID-ի առկայություն.
- տվյալների կառավարման տարածաշրջանային եւ ազգային ռազմավարությունների պատրաստման աշխատանքների դուրս բերում պատրաստության հաջորդ մակարդակ։
Թվային տնտեսության մեջ էլեկտրոնային վստահության եւ միջսահմանային ծառայությունները EU4Digital-ի միջոցով զարգացնելով եւ դրանք ավելի անվտանգ, արագ ու էժան դարձնելով՝ ԵՄ աջակցությունը հեշտացնում է էլեկտրոնային գործառնությունները բիզնեսի եւ քաղաքացիների համար՝ հանգեցնելով տնտեսության ամրապնդմանն ու դինամիկությանը եւ սպառողների վստահության բարձրացմանը:
