Праз ініцыятыву EU4Digital ЕС спрыяе развіццю надзейных паслуг электроннай ідэнтыфікацыі і лічбавага даверу, што ўзаемна прызнаюцца краінамі Усходняга партнёрства і ЕС.
Дзеля дасягнення гэтых мэт Фаза II праекта EU4Digital будзе накіравана на:
- Дапамогу з узаемным прызнаннем электроннай ідэнтыфікацыі і паслуг даверу ў рэгіёне УП у адпаведнасці з заканадаўствам ЕС аб абароне даных і новай Еўрапейскай сістэмай лічбавай ідэнтыфікацыі;
- Тэсціраванне сумяшчальнага механізма трансгранічнай электроннай ідэнтыфікацыі;
- Дапамогу з распрацоўкай рэгіянальных і нацыянальных стратэгій кіравання данымі.
У якасці асновы выкарыстоўваюцца дасягненні ў галіне Даверу і бяспекі падчас Фазы І, сярод якіх пілотны праект электронных подпісаў дзеля праверкі тэхнічнай сумяшчальнасці паміж краінамі. Была праведзена ацэнка сумяшчальнасці трансгранічных электронных паслуг, а таксама быў распрацаваны метад супастаўляльнага аналізу ўзроўню развіцця электроннай ідэнтыфікацыі і кіраўніцтва па кібербяспецы. Таксама былі распрацаваныя Стандарты электроннага кіравання з акцэнтам на неабходнасць дасягнення сумяшчальнасці лічбавых даных, што спросціць правядзенне рэформаў дзяржаўнага кіравання.
Праект садзейнічае рашэнню прыярытэтных задач экспертнай Сеткі лічбавага даверу і трансгранічных лічбавых паслуг EU4Digital, сярод якіх:
- Прасоўванне ў справе ўкаранення механізма трансгранічнай электроннай ідэнтыфікацыі і ўзаемнага прызнання подпісаў у адпаведнасці са стандартамі абароны даных ЕС;
- Тэсціраванне сумяшчальнага механізма трансгранічнай электроннай ідэнтыфікацыі;
- Пераход на новы ўзровень у працэсе падрыхтоўкі рэгіянальных і нацыянальных стратэгій кіравання данымі.
Развіваючы трансгранічныя паслугі лічбавага даверу ў лічбавай эканоміцы, робячы іх больш бяспечнымі, хуткімі і таннымі, ЕС праз EU4Digital спрашчае электронныя аперацыі для прадпрымальнікаў і грамадзян, што вядзе да больш моцнай і дынамічнай эканомікі і павышэння даверу спажыўцоў.
