Праз ініцыятыву EU4Digital ЕС падтрымлівае намаганні па павелічэнні аб’ёму трансгранічнага гандлю і хуткасці фізічных і лічбавых працэсаў і аперацый, а таксама па гарманізацыі выкарыстання лічбавых інструментаў, стандартаў і метадаў працы паміж краінамі Усходняга партнёрства (УП) і з ЕС.
Дзеля дасягнення гэтых мэт дзейнасць Фазы ІІ праекта EU4Digital падзелена на дзве галоўныя вобласці:
Электронны гандаль – упор на электронную камерцыю (Лічбавая эканоміка і грамадства):
- Распрацоўка акселератара электроннай камерцыі, які будзе кіравацца Еўрапейскай асацыяцыяй электроннай камерцыі і будзе працаваць у адпаведнасці з рэкамендацыямі і планамі дзеянняў па гарманізацыі і развіцці электроннай камерцыі, распрацаванымі дзеля кожнай з краін падчас Фазы І;
- Спрыянне наладжванню кантактаў паміж краінамі УП і ЕС, дзякуючы трэнінгам, семінарам і г.д. і з упорам на інфармаванне і ўзгадненне з распрацоўкамі ЕС у галіне электроннага гандлю.
Электронны гандаль – упор на лічбавыя мытныя паслугі і лагістыку (электроннае кіраванне):
- Больш шырокае тэсціраванне трансгранічнага электроннага гандлю паміж краінамі УП і з ЕС з ужываннем гатовых еўрапейскіх тэхналогій;
- Распрацоўка дарожнай карты дзеля стварэння Лічбавага транспартнага калідора (выкарыстання eFTI), што злучыць краіны УП і ЕС, уключаючы канцэпцыю сумяшчальнай мультымадальнай лагістычнай платформы (напрыклад, платформы eFTI) для абмену электроннымі лагістычнымі данымі згодна з правіламі і стандартамі ЕС.
У якасці асновы выкарыстоўваюцца дасягненні ў галіне Электроннага гандлю падчас Фазы I, што ўключаюць паспяховае тэсціраванне шматлікіх лічбавых рашэнняў: пілотны праект электроннай дастаўкі (eDelivery) для абмену электроннымі накладнымі (eInvoice); пілотны праект лічбавых мытных паслуг (eCustoms) для спрашчэння абмену данымі і хутчэйшага кантролю тавараў; пілотны праект электроннай камерцыі (eCommerce) для распрацоўкі віртуальнага складу з магчымасцю выстаўляць на продаж прадукцыю з УП на замежных рынках і дастаўляць тавары за мяжу.
Экспертная Сетка электроннага гандлю EU4Digital займаецца лічбавымі аспектамі поўнага цыкла імпарту і экспарту. Яна паставіла перад сабой наступныя мэты да 2025 года:
- Узгадненне заканадаўстваў аб eCommerce, eCustoms і eLogistics паміж партнёрамі і з ЕС;
- Павелічэнне трансгранічных (ЕС-ВП) анлайн-продажаў;
- Больш шырокае тэсціраванне трансгранічнага электроннага гандлю сярод партнёраў і з ЕС;
- Распрацоўка дарожнай карты дзеля стварэння Лічбавага транспартнага калідора (выкарыстання eFTI) у дзвюх абраных краінах УП.
Праз EU4Digital падтрымка ЕС трансгранічнага электроннага гандлю дапаможа спрасціць працэдуры экспарту дзякуючы беспапяроваму гандлю і электроннай лагістыцы, скараціць час чакання на мяжы, павысіць бяспеку і празрыстасць аперацый, скараціць адміністрацыйныя выдаткі і страты прыбытку, звязаныя з махлярствам, і павысіць канкурэнтаздольнасць у лічбавай эканоміцы.