Нормы тэлекамунікацыйнага сектара

Праз ініцыятыву EU4Digital падтрымлівае намаганні па зніжэнні рознічных цэн на мабільныя паслугі дзеля грамадзян, што перасоўваюцца па рэгіёне Усходняга партнёрства (УП), а таксама па пашырэнні доступу да высакахуткаснай і трывалай сувязі па разумнай цане.

Дзеля дасягнення гэтых мэт Фаза II праекта EU4Digital будзе накіравана на:

• Дапамогу з выкананнем пагадненняў аб роўмінгу паміж Усходнімі краінамі-партнёрамі і, у пэўных выпадках, з ЕС;
• Садзейнічанне ў распрацоўцы дарожных карт па развіцці прыватных сетак 5G ва Усходніх краінах-партнёрах, а таксама ў своечасовым выкананні Рэгіянальнага пагаднення аб спектры;
• Распрацоўку кіраўніцтва па стварэнні трывалых сетак 5G ва Усходніх краінах-партнёрах на аснове інструментарыю ЕС дзеля забеспячэння бяспекі 5G;
• Пашырэнне доступу да канкурэнтных паслуг шырокапалоснай сувязі ў рэгіёне, стварэнне Абсерваторыі шырокапалоснай сувязі УП дзеля назірання за распрацоўкамі і абмену перадавым досведам;
• Спрыянне пашырэнню паўнамоцтваў Нацыянальных рэгулятыўных органаў дзеля кантролю і забеспячэння канкурэнтаздольнасці на мэтавых рынках электронных камунікацый у рэгіёне праз аналіз рынку.

У якасці асновы выкарыстоўваюцца дасягненні ў галіне Правіл тэлекамунікацыйнага сектара падчас Фазы І, сярод якіх падрыхтоўка праекта Рэгіянальнага пагаднення аб роўмінгу. Нягледзячы на ўплыў пандэміі COVID на сітуацыю ў рэгіёне і вайну ва Украіне, мэта, што прадугледжвае зніжэнне рознічных цэн на роўмінг паміж Усходнімі краінамі-партнёрамі, не змянілася. Таксама быў падрыхтаваны праект Рэгіянальнага пагаднення аб спектры, а Нацыянальным рэгулятыўным органам у галіне электронных камунікацый была аказана падтрымка, у тым ліку з ацэнкай прабелаў і распрацоўкай планаў дзеянняў.

Праект садзейнічае рашэнню прыярытэтных задач экспертнай Сеткі рэгулятараў электронных камунікацый Усходняга партнёрства (EaPeReg). Платформа Нацыянальных рэгулятыўных органаў вызначыла пяць асноўных напрамкаў сваёй дзейнасці:

• Набліжэнне заканадаўстваў і садзейнічанне незалежнасці нацыянальных рэгулятыўных органаў
• Каардынацыя спектра
• Гарманізацыя тарыфаў на роўмінг
• Параўнальны аналіз
• Развіццё шырокапалоснай сувязі

Па дасягненні гэтых мэт у галіне правіл тэлекамунікацыйнага сектара падтрымка ЕС прынясе адчувальную карысць грамадзянам і прадпрымальнікам у рэгіёне УП у выглядзе больш нізкага кошту паслуг роўмінгу, узмоцненай рэгуляцыі, якая прывядзе да павелічэння канкурэнцыі і інвестыцый, а таксама да паляпшэння абароны правоў спажыўцоў і з’яўлення магчымасцей выкарыстання новых бяздротавых шырокапалосных сетак і 5G.