ტელეკომის წესები

ევროკავშირის ინიციატივა EU4Digital მხარს უჭერს ძალისხმევას საერთო როუმინგული სივრცის შესაქმნელად აღმოსავლეთ პარტნიორობის ქვეყნებს შორის 2020 წლამდე, ასევე ეროვნული მარეგულირებელი ორგანოების დამოუკიდებლობის გაძლიერებას და სიხშირეების გავრცელების კოორდინირებული სტრატეგიის შემუშავებას.

ინიციატივის EU4Digital საშუალებით ევროკავშირი მხარს უჭერს ძალისხმევას, რომლის მიზანია როუმინგის მობილური სერვისების საცალო ფასების შემცირება აღმოსავლეთ პარტნიორობის რეგიონში და მაღალსიჩქარიანი და ხელმისაწვდომი კავშირის დანერგვის ხელშეწყობა.

ამ მიზნების განსახორციელებლად პროგრამის EU4Digital II მეორე ფაზაში:

• დაეხმარება როუმინგის შეთანხმებ(ებ)ის განხორციელებას აღმოსავლეთ პარტნიორობის ქვეყნებს შორის და სადაც საჭიროა – ევროკავშირთან.
• შეიმუშავებს სტრატეგიულ გეგმებს, რომლებიც ხელს უწყობს 5G კერძო ქსელების განვითარებას აღმოსავლეთ პარტნიორობის ქვეყნებში და სპექტრის რეგიონული შეთანხმების დროულ განხორციელებას.
• შეიმუშავებს უსაფრთხო 5G ქსელების გზამკვლევს აღმოსავლეთ პარტნიორობის ქვეყნებში 5G უსაფრთხოებისთვის ევროკავშირის ინსტრუმენტების პაკეტის საფუძველზე.
• ხელს შეუწყობს კონკურენტუნარიანი ფართოზოლოვანი ინტერნეტ-სერვისების ხელმისაწვდომობას რეგიონში, აღმოსავლეთ პარტნიორობის ფართოზოლოვან ობსერვატორიის ჩათვლით, განვითარების მონიტორინგის, ასევე ქსელების და საუკეთესო პრაქტიკის გაზიარების მხარდაჭერის მიზნით;
• დაეხმარება ეროვნული მარეგულირებელი ორგანოების უფლებების და შესაძლებლობების გაფართოებას კონკურენტუნარიანობის მონიტორინგის და უზრუნველყოფის მიზნით ელექტრონული კომუნიკაციების სამიზნე ბაზრებზე რეგიონში, ბაზრის ანალიზის საშუალებით.

ზემოაღნიშნული საქმიანობა ემყარება ტელეკომის წესების I ფაზის აქტივობების წარმატებას, რაც ასევე როუმინგის რეგიონული შეთანხმების პროექტის მომზადებას მოიცავს. რეგიონული კონტექსტის, COVID პანდემიის და უკრაინის ომის გავლენის მიუხედავად, არ შეცვლილა მიზანი, რომელიც გულისხმობს როუმინგის საცალო ფასების შემცირებას აღმოსავლეთ პარტნიორობის ქვეყნებს შორის. გარდა ამისა, მომზადდა სპექტრის რეგიონული შეთანხმების პროექტი და მხარდაჭერა გაეწია ელექტრონული კომუნიკაციის ეროვნულ მარეგულირებელ ორგანოებს, რაც ასევე გულისხმობდა ხარვეზების შეფასებას და ეროვნული სამოქმედო გეგმების სამუშაო ვერსიების შედგენას.

პროგრამა მხარს უჭერს აღმოსავლეთ პარტნიორობის ელექტრონული კომუნიკაციების მარეგულირებელთა ქსელის (EaPeReg) პრიორიტეტებს. ეროვნული მარეგულირებელი ორგანოების ამ პლატფორმამ საკუთარი საქმიანობის ხუთი ძირითადი პრინციპი დასახა:

• კანონმდებლობის დაახლოება და ეროვნული მარეგულირებელი ორგანოების დამოუკიდებლობის მხარდაჭერა
• სპექტრის კოორდინაცია
• როუმინგის ტარიფები ჰარმონიზაცია
• შედარებითი კვლევები
• ფართოზოლოვანი კავშირის დანერგვა

ამ ამოცანების შესრულებით ტელეკომუნიკაციის წესების სფეროში, ევროკავშირის მხარდაჭერა თვალსაჩინო სარგებლობას მოუტანს მოქალაქეებს და ბიზნესს აღმოსავლეთ პარტნიორობის რეგიონში რუმინგის ფასების შემცირებით და რეგულაციების გაძლიერებით, რასაც მოჰყვება კონკურენციის და ინვესტიციების ზრდა, ასევე მომხმარებელთა უფლებების დაცვა, ახალი უკაბელო ფართოზოლოვანი კავშირის პერსპექტივები და 5G.